- 2018-06-06 00:25:00
- ព័ត៌មាន
ណូយ វ៉ាន់ណេត ងាកមកច្រៀងចម្រៀងបែបព្រះធម៌ ក្រោយបាត់ទីផ្សារតាមផលិតកម្ម
- 2018-06-06 00:25:00
- ចំនួនមតិ 0 | ចំនួនចែករំលែក 0
ណូយ វ៉ាន់ណេត ងាកមកច្រៀងចម្រៀងបែបព្រះធម៌ ក្រោយបាត់ទីផ្សារតាមផលិតកម្ម
ចន្លោះមិនឃើញ
ក្រោយបាត់ទីផ្សារចម្រៀងក្នុងផលិតកម្ម តារាចម្រៀងជើងចាស់ លោក ណូយ វ៉ាន់ណេត ងាកមកច្រៀងចម្រៀងបែបព្រះធម៌អប់រំចិត្តយុវជនកុំឲ្យដើរផ្លូវខុស ដែលខាងវត្តអារាមបានរៀបចំវិញ។
លោក បញ្ជាក់ថាបើគិតមកទល់បច្ចុប្បន្ន គឺពុំមានបទថ្មីចេញតាមផលិតកម្មដូចមុននោះទេ ម្ល៉ោះហើយខាងវត្តអារាមនានាបានទាក់ទងតារាកើតឆ្នាំ១៩៦៤ រូបនេះ ច្រៀងចម្រៀងបែបអប់រំផ្លូវចិត្តដល់យុវជនជាទំពាំងស្នងឫស្សី បានប្រមាណ១០បទហើយ។
ម្ចាស់បទ "ចំប៉ីព្រៃនប់" រៀបរាប់ថា កាលពីលោកនៅល្បី តាមផលិតកម្មយ៉ាងហោចណាស់ក្នុងមួយខែ ក៏ចេញបទថ្មីពី១០ទៅ១៥បទដែរ។ តែក្រោយមក ១ឆ្នាំចេញបាន២បទប៉ុណ្ណោះ គឺខុសគ្នាដូចមេឃនិងដី។ លុះបច្ចុប្បន្ន គឺមិនមានចេញបទថ្មីតែម្ដង។
បើទោះគ្មានបទចម្រៀងច្រៀងតាមផលិតកម្មដូចមុនក្ដី តារាចម្រៀងនិយមច្រៀងចង្វាក់បែបប្រជាប្រិយ ប្រាប់ថា ចំពោះប្រាក់ចំណូលវិញ គឺអាចរកបានច្រើនមិនសូវខុសគ្នាប៉ុន្មានទេ ព្រោះខាងវត្តអារាមបានផ្ដល់បទចម្រៀងបន្តបន្ទាប់ដល់លោក និងជួនកាលលោកត្រូវបានគេអញ្ជើញចេញច្រៀង Concert តាមខេត្ត។ ម្យ៉ាងទៀត ទំនេរពីច្រៀង តារាជើងចាស់រូបនេះឆ្លៀតធ្វើចម្ការដាំស្វាយកែវរមៀត ដែលលោកដាំនៅខេត្តកំពង់ស្ពឺលើផ្ទៃដី២៧ហិកតា៕
