ដោយស្រឡាញ់ Justin ខ្លាំងពេក Hailey បានលុបរូបភាពជាមួយ Shawn Mendes លើ Instagram ចោលអស់

2018-06-30 03:31:34
ព័ត៌មាន

2018-06-30 03:31:34
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាម៉ូដែល Hailey Baldwin ត្រូវបានអ្នកគាំទ្ររកឃើញថា បានលុបរូបភាពដែលនាងថតជាមួយតារាចម្រៀង Shawn Mendes លើគណនី Instagramទាំងប៉ុន្មានចោលអស់។

អ្នកគាំទ្ររបស់តារាម៉ូដែលវ័យ ២១ ឆ្នាំរូបនេះ បានរកឃើញថានាងបានលុបរូបភាពរបស់នាងជាមួយតារាចម្រៀង Shawn Mendes ចោលទាំងអស់ ខណៈតារាចម្រៀងរូបនេះ នៅរក្សារូបភាពរបស់នាងនៅឡើយ។

កាលពីខែមុន នៅពេលដែលតារាម៉ូដែល Hailey និងតារាចម្រៀង Shawn Mendes បានដឹកដៃគ្នាដើរលើកម្រាលព្រំក្រហមក្នុងកម្មវិធី Met Gala នោះ មនុស្សជាច្រើនបានអះអាងថាពួកគេទាំង២ពិតជាមានទំនាក់ទំនងស្នេហាជាមួយគ្នា ក្រោយរងពាក្យចចាមអារ៉ាមកាលពីប៉ុន្មានខែមកនោះ។ តែទោះជាយ៉ាងណា តារាចម្រៀង Shawn បាននិយាយបដិសេធថា ពួកគេគ្រាន់តែជាមិត្តភ័ក្ដិធម្មតាតែប៉ុណ្ណោះ។

ក្រោយពីពាក្យចចាមអារ៉ាមនេះត្រូវបានសាបរលត់បន្តិចនោះ តារាម៉ូដែលរូបនេះ ក៏បានចាប់ផ្ដើមត្រឡប់ទៅទាក់ទងជាមួយនឹងអតីតមិត្តប្រុសរបស់នាងវិញ ហើយថែមទាំងមានភាពស្និទ្ធស្នាលខ្លាំងជាងមុនទៅទៀត។

ជុំវិញទំនាក់ទំនងរវាង Hailey និង Justin Bieber នេះដែរ កាលពីប៉ុន្មានថ្ងៃមុន តារាចម្រៀង Shawn Mendes ក៏បាននិយាយពីពួកគេទាំង២ដែរថា៖ "ខ្ញុំមិនដឹងថាពួកគេទាក់ទងគ្នាមែនឬក៏អត់នោះទេ ប៉ុន្តែខ្ញុំស្រឡាញ់ពួកគេទាំង២"៕

ប្រភព៖ Kenh14 ប្រែសម្រួល៖ អន សុភក្ត្រា