- 2018-08-02 02:43:00
- ព័ត៌មាន
ហេតុផល បូនីតា ដាដេណា បាត់មុខពីសិល្បៈជិត ១ទស្សវត្ស
- 2018-08-02 02:43:00
- ចំនួនមតិ 0 | ចំនួនចែករំលែក 0
ហេតុផល បូនីតា ដាដេណា បាត់មុខពីសិល្បៈជិត ១ទស្សវត្ស
ចន្លោះមិនឃើញ
តារាសម្ដែងជើងចាស់ បូនីតា ដាដេណា បានបង្ហាញវត្តមានសារជាថ្មីក្នុងរឿង"ម្ចាស់ទាយាទ" ក្រោយពីបាត់មុខពីវិថីសិល្បៈជិត ១ទស្សវត្ស។
ការបាត់មុខមិនបង្ហាញវត្តមានរយៈពេល ៨ឆ្នាំលើវិថីសិល្បៈ ដោយសារតែ បូនីតា ដាដេណា មានអារម្មណ៍ហត់នឿយខ្លាំងក្នុងអាជីពមួយនេះទើបធ្វើឲ្យនាង ឃ្លាតឆ្ងាយពីការសម្ដែងរឿង។ ម្យ៉ាងទៀតអំឡុងពេលនេះ នាង មានស្វាមីជាអ្នកជំនួញអារ៉ាបប្រាក់រាប់លានមិនចង់ឲ្យខ្លួនប្រឡូកការងារសម្ដែងតទៅទៀត។
ទោះបីជាមានការហាមប្រាមពីសំណាក់ស្វាមី ជាជនអារ៉ាបមិនចង់ឲ្យនាង ប្រឡូកសិល្បៈក្ដី តែ បូនីតា ដាដេណា នៅតែឆ្លៀតនិពន្ធ និងថតរឿងដោយខ្លួនឯងបានទៀត។ ជាក់ស្ដែងល្ងាចមិញនេះ រឿង" ម្ចាស់ទាយាទ" ដែលសម្ពោធដាក់បញ្ចាំងជាផ្លូវការនៅរោងភាពយន្ត Prime Cineplex គឺជាស្នាដៃនិពន្ធ និងសម្ដែងដោយនាង ផ្ទាល់តែម្ដង។
បូនីតា ដាដេណា ថា៖" រឿង"ម្ចាស់ទាយាទ" និពន្ធដោយនាងខ្ញុំផ្ទាល់ រឿងនេះខ្ញុំសម្ដែងជាតួធ្មប់កាចសាហាវហើយខ្វេះពោះវៀនមនុស្សដូចគ្នាស៊ី។ ការបង្ហាញខ្លួនជាថ្មីនេះខ្ញុំសង្ឃឹមថា នឹងទទួលបានការគាំទ្រពីពូកម៉ែបងប្អូនម្ដងទៀត"។
“ម្ចាស់ទាយាទ" ដែលប្រកាសដាក់បញ្ចាំងគ្រប់រោងភាពយន្តចាប់ពីថ្ងៃទី ២ ខែសីហា នេះហើយដោយរឿងមួយនេះ បូនីតា ដាដេណា ចំណាយដើមទុនអស់ច្រើនក្នុងការផលិត។ ដោយនាង មិនខ្វល់ពីទំហំជោគជ័យ ឬ មិនជោគជ័យនោះទេ ប៉ុន្តែអ្វីដែលនាង ចង់បានគឺបង្ហាញស្នាដៃចុងក្រោយ បន្ទាប់ពីបាត់មុខរយៈពេល៨ឆ្នាំ៕
