ដឹងមូលហេតុ អែន ឌី មិនថតឈុតសិចស៊ីជាមួយតូតា ២បទថ្មីចុងក្រោយ

2018-08-13 09:10:29
ព័ត៌មាន

2018-08-13 09:10:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ទើរគ្រប់ MV របស់លោក អែន ឌី ជាមួយតារាស្រី តែងតែធ្វើឲ្យអ្នកទស្សនាក្ដៅខ្លួន ដោយសារតែឈុតឆាកមានបញ្ចូលការសម្ដែងបែបសិចស៊ី។ ដោយឡែក បទចម្រៀងថ្មីពីរបទ "Crush ធ្វើឲ្យខូចចិត្ត" និងបទ "មិនអាចផ្លាស់ចិត្ត" សម្ដែងដោយកញ្ញា តូតា ជាមួយលោក អែន ឌី ទើបចេញកាលពីថ្មីៗនេះ ធ្វើឲ្យទស្សនិកជនប្លែកចិត្ត ព្រោះគ្មានកាយវិការ ស្រើបស្រាល សិចស៊ី ដូច MV កន្លងនោះទេ។

អែន និង តូតា ( រូបភាព៖ FB Andy)

ទាក់ទិននឹងមូលហេតុនេះ លោក អែន ឌី ប្រាប់ Sabayថា លោកឃើញបងប្អូនជាច្រើនកំពុងមានប្រតិកម្មខ្លាំង លើការថតបែបសិចស៊ី ម្ល៉ោះហើយបើលោកនៅតែបន្តបញ្ចូលកាយវិការបែបនេះទៀត អាចប្រឈមនឹងបាត់ប្រជាប្រិយភាព។ ក្រៅពីនេះ តារាអាយុ៣៨ ឆ្នាំ ចង់ប្ដូរ មកជាការសម្ដែងបែបធម្មតាវិញ ដើម្បីឲ្យមើលទៅប្លែកសម្រាប់ស្ទីល MVថ្មី របស់លោក។

អែន ឌី បញ្ជាក់ថា៖ “ឥលូវនេះ ធម្មតាបងប្អូនយើងកំពុងប្រតិកម្មខ្លាំងលើការថតសិចស៊ី ដូច្នេះខ្ញុំព្យាយាមកែលម្អបន្តិចម្ដងៗ ដើម្បីបំពេញចិត្តទស្សនិកជន"។ ចំពោះរឿងដែលថា តូតា មិនហ៊ានថត MV ជាមួយលោក អែន ឌី ដោយសារខ្លាចសង្សារប្រច័ណ្ឌ ជារឿងមិនពិតនោះឡើយ។

យ៉ាងណាមិញ លោកសុំមិនបកស្រាយថា ថ្ងៃក្រោយអាចនឹងឈប់បញ្ចូលកាយវិការសិចស៊ី រោលរាលក្នុង MV ឬយ៉ាងណាទេ ព្រោះមិនអាចរំពឹងថ្ងៃខាងមុខបាន។ ប៉ុន្តែបើប្រិយមិត្តគាំទ្រនៅការសម្ដែងបែបធម្មតា នោះលោកនឹងវិលមកសម្ដែងរបៀបធម្មតាវិញ។

ក្នុងនាមជាសិល្បករម្នាក់ លោក អែន ឌី ប្រាប់ថានឹងរិះរកអ្វីដែលថ្មីប្លែក ព្រមទាំងព្យាយាមធ្វើអ្វីដែលល្អ ស្របតាមតម្រូវការចិត្តប្រិយមិត្ត ។ លោកក៏សូមឲ្យទស្សនិកជនជួយគាំទ្រស្នាដៃសិល្បករខ្មែរ ដើម្បីជាកម្លាំងចិត្ត តស៊ូក្នុងការផលិតបទចម្រៀងថ្មីៗ បន្តទៀតផងដែរ៕

អត្ថបទ៖ លឹម សុនា