- 2018-08-30 04:22:57
- ព័ត៌មាន
តាមដានបានដឹងថា សាយ សៀរ៉ា ទទួលខុសត្រូវនឹងការងារប៉ុណ្ណា!
- 2018-08-30 04:22:57
- ចំនួនមតិ 0 | ចំនួនចែករំលែក 0
តាមដានបានដឹងថា សាយ សៀរ៉ា ទទួលខុសត្រូវនឹងការងារប៉ុណ្ណា!
ចន្លោះមិនឃើញ
ទទួលការងារហើយ មិត្តរួមការងារដទៃទៀត ក៏បានទៅដល់កន្លែងការងារហើយ ដូច្នេះហើយ បើទោះជាខ្លួនកំពុងដេកឈឺបន្តោងស៊ីរ៉ូមលើគ្រែពេទ្យ ក៏ត្រូវដោះស៊ីរ៉ូមរត់មកធ្វើការងារសិនដែរ។ នេះបើតាម សាយ សៀរ៉ា។
“ឲ្យជា អត់ទាន់ជាទេ តែមកធ្វើសិនបង ហើយខ្ញុំមកថតឲ្យគេកំពង់ឆ្នាំងនេះ បាន៣ថ្ងៃហើយ គឺមកទាំងឈឺ ធ្វើម៉េចយើងទទួលការងារគេហើយ ហើយមិត្តរួមការងារដទៃទៀតក៏មកដល់កន្លែងថតអស់ហើយដែរ បើខ្ញុំអត់ទៅ គឺត្រូវស្ទះទាំងអស់ អីចឹងត្រូវតែមក...យប់ហ្នឹងគេថតបញ្ចប់ហើយ ក្រោយពីចប់ ខ្ញុំនឹងត្រឡប់ទៅវិញទាំងយប់ដែរ"។
លោក សាយ សៀរ៉ា មានជំងឺគ្រួសក្នុងតម្រង់នោម ហើយជំងឺបានធ្វើទុក្ខខ្លាំង រហូតត្រូវចូលទៅសម្រាកនៅមន្ទីរពេទ្យសែនសុខ ស្ថិតក្នុងខណ្ឌសែនសុខ កាលពីប៉ុន្មានថ្ងៃមុន ក្នុងពេលដែលលោកក៏ត្រៀមទៅថតបញ្ចប់ការងារសម្ដែងរឿងនៅខេត្តកំពង់ឆ្នាំងផង។ រឿងនោះ មានចំណងជើងថារឿង "រនាតឯក" ដែលលោកដើរតួរជា ម៉ឺនឯក ជាប្រភេទវីដេអូភាគសម្រាប់ទូរទស្សន៍។
សៀរ៉ា ប្រាប់ថា ទោះយ៉ាងណា ក៏ត្រូវបញ្ចប់ការងារឲ្យគេសិនដែរ ហើយតាមគម្រោងរបស់លោក ក្រោយពីបញ្ចប់ការងារថត មកដល់ភ្នំពេញវិញ លោកនឹងចូលទៅសម្រាកពេទ្យព្យាបាលជំងឺគ្រួសក្នុងតម្រង់នោមបន្តទៀត ដើម្បីឲ្យជាសះ។
"បាទបង...ទៅវិញ ខ្ញុំទៅសម្រាកពេទ្យទៀត ព្រោះពេទ្យប្រាប់អីចឹង ពេទ្យឲ្យខ្ញុំបន្តោងស៊ីរ៉ូម៣ថ្ងៃ តែខ្ញុំបន្តោងបានតែ១ថ្ងៃ ក៏សុំគាត់ចេញមកសិន ព្រោះមិនចង់ឲ្យខកការងារគេ និងប៉ះពាល់ដល់មិត្តភ័ក្ដិផ្សេងទៀតដែលគេបានទៅដល់អស់ហើយ អីចឹងហើយមកសិន ម្យ៉ាងវាមិនធ្វើទុក្ខខ្លាំងដែរ គ្រាន់ចុកតិចៗទ្រាំបាន និងដាក់ថ្នាំមកជាប់ដែរ!"។
តាមការបញ្ជាក់របស់តារាប្រុសដដែល ដុំគ្រួសក្នុងតម្រង់នោមរបស់លោក មាន២គ្រាប់ ប៉ុន្តែមិនទាន់ធំបង្កជាគ្រោះថ្នាក់ធ្ងន់នៅឡើយ។ យ៉ាងណា ដុំគ្រួសទាំងពីរ មិនទាន់បានធ្លាក់ចុះចេញមកក្រៅនៅឡើយ។ អាការរបស់លោក ពេទ្យ បានអះអាងថា មិនចាំបាច់វះកាត់ឡើយ ដោយគ្រាន់តែលេបថ្នាំតាមវេជ្ជបញ្ជា និងញុំាទឹកឲ្យច្រើន ដុំគ្រួសនឹងអាចធ្លាក់មកហើយ៕
សៀរ៉ា និងក្រុមការងារថតនៅកំពង់ឆ្នាំង
