- 2018-09-04 06:58:58
- ព័ត៌មាន
ពិតទេ ផលិតកម្ម Big Hit នឹងផ្លាស់ទៅកន្លែងថ្មី ជាលើកទី ២?
- 2018-09-04 06:58:58
- ចំនួនមតិ 0 | ចំនួនចែករំលែក 0
ពិតទេ ផលិតកម្ម Big Hit នឹងផ្លាស់ទៅកន្លែងថ្មី ជាលើកទី ២?
ចន្លោះមិនឃើញ
ផលិតកម្មដ៏ល្បី Big Hit ត្រូវបានឲ្យដឹងថា នឹងត្រូវផ្លាស់ទីទៅអគារថ្មីមួយទៀត នៅក្នុងពេលឆាប់ៗខាងមុខនេះ។
នៅថ្ងៃទី ០៤ ខែកញ្ញានេះ តាមបណ្ដាសារព័ត៌មានបានរាយការណ៍ថា ផលិតកម្ម Big Hit នឹងផ្លាស់ទៅកន្លែងថ្មីនៅចុងឆ្នាំ ២០១៨ នេះ។ តាមសេចក្ដីរាយការណ៍ដដែលបានឲ្យដឹងថា ផលិតកម្មមួយនេះនឹងរើទៅអគារថ្មីដែលមានកម្ពស់ ៣ ជាន់ ស្ថិតក្នុងតំបន់ Samseong ក្នុងស្រុក Gangnam នៃទីក្រុង Seoul។ ទោះជាយ៉ាងណាក៏ដោយ ខាងផលិតកម្មផ្ទាល់មិនទាន់បានចេញការបកស្រាយពាក់ព័ន្ធនឹងព័ត៌មានខាងលើនេះទេ ប៉ុន្តែបើតាមអ្នកតំណាងខាងផលិតកម្មម្នាក់បានបញ្ជាក់ប្រាប់ថា៖ "វាអាចនឹងពិបាកក្នុងការបញ្ជាក់ប្រាប់អ្វីៗពាក់ព័ន្ធនឹងការរើទៅកន្លែងថ្មីនេះណាស់"។
គួររម្លឹកដែរថា ផលិតកម្ម Big Hit ធ្លាប់បានរើទៅអគារថ្មីម្ដងរួចមកហើយ ដែលមានទីតាំងស្ថិតនៅតំបន់ Apgujeong ជិតស្ថានីយរថភ្លើងក្រោមដី Hakdong កាលពីខែឧសភា ឆ្នាំ ២០១៧៕
