- 2018-09-18 09:23:44
- ព័ត៌មាន
Hara ចេញមុខជាសាធារណៈលើកដំបូងជាមួយរបួសពេញខ្លួន ក្រោយជម្លោះជាមួយអតីតសង្សារ
- 2018-09-18 09:23:44
- ចំនួនមតិ 0 | ចំនួនចែករំលែក 0
Hara ចេញមុខជាសាធារណៈលើកដំបូងជាមួយរបួសពេញខ្លួន ក្រោយជម្លោះជាមួយអតីតសង្សារ
ចន្លោះមិនឃើញ
នៅម៉ោង ៣រសៀល ថ្ងៃទី ១៨ ខែកញ្ញានេះ តារាចម្រៀង Goo Hara បានចេញមុខជាសាធារណៈទម្លាយរឿងមួយចំនួនពីជម្លោះរបស់នាងជាមួយអតីតមិត្តប្រុស។
ទីបំផុតតារាស្រីប្រចាំប្រទេសកូរ៉េខាងត្បូងរូបនេះបានសម្រេចចេញមុខជាលើកដំបូង ក្រោយកើតរឿងជាមួយអតីតសង្សារដែលមានឈ្មោះ Choi Jong Bum។ បង្ហាញខ្លួនពេលនេះ មុខរបស់នាងហាក់នៅហើមមិនទាន់ស្រកនៅឡើយ ឯថ្ពាល់ខាងស្ដាំមានបិទបង់របួស ស្របពេលដៃ និងក៏ ពោរពេញដោយស្នាមជាំមិនទាន់បាត់។
ឆ្លើយទៅកាន់ក្រុមអ្នកសារព័ត៌មាន Hara បាននិយាយថា៖ "រឿងសំខាន់មិនមែន សំដៅលើអ្នកណាវាយមុនទេ ប៉ុន្តែរឿងពិតពីក្រោយយ៉ាងណានឹងបង្ហាញ ក្រោយប៉ូលិសធ្វើការស៊ើបអង្កេតចប់”។
សូមបញ្ជាក់ដែរថា កាលពីថ្ងៃទី ១៥ នាងបានជួបជាមួយក្រុមការងារ វិបសាយ Dispatch ដោយបង្ហាញស្លាកស្នាមរបួសជាំពេញខ្លួន បណ្ដាលមកពីការប្រើហិង្សារបស់មិត្តប្រុស។ ដោយឡែកកាលពីថ្ងៃទី ១៧ ខែកញ្ញា លោក Choi Jong Bum ដែលជាអតីតសង្សារក៏បានបង្ហាញខ្លួនម្ដង នៅប៉ុស្តិ៍ប៉ូលិស Gangnam ដើម្បីបញ្ជាក់រឿងលម្អិតខាងខ្លួន។ រឿងរ៉ាវយ៉ាងណា ក្រុមប៉ូលិសមានសមត្ថកិច្ចនឹងបង្ហាញលម្អិត ក្រោយការសាកសួរសាមីខ្លួនទាំងសង្ខាង បានបញ្ចប់៕