- 2018-09-21 04:10:30
- ព័ត៌មាន
មិនធម្មតា! មាស សាលី បោះទុនយ៉ាងសម្បើមជាមួយ ជុំ លីណូ ធ្វើថៅកែរួមគ្នា
- 2018-09-21 04:10:30
- ចំនួនមតិ 0 | ចំនួនចែករំលែក 0
មិនធម្មតា! មាស សាលី បោះទុនយ៉ាងសម្បើមជាមួយ ជុំ លីណូ ធ្វើថៅកែរួមគ្នា
ចន្លោះមិនឃើញ
ក្រោយពីការងារច្រៀងមិនហក់លោតខ្លាំង ដូចកាលពីប្រមាណជិត១០ឆ្នាំមុន ពេលនេះតារាចម្រៀង មាស សាលី បានងាកមកវិនិយោគរួមជាមួយមិត្តរួមអាជីព ជុំ លីណូ បើកក្រុមវង់ភ្លេងម្ដង ដោយបោះទុនវិនិយោគរួមគ្នាយ៉ាងសម្បើម។
ក្រុមតន្ត្រីនោះ ត្រូវបានដាក់ឈ្មោះថា "តន្ត្រីសម័យ មាស សាលី-ជុំ លីណូ" ដែលថៅកែប្រុសរូបនេះ បានប្រកាសក្ដែងៗលើហ្វេសប៊ុកព្រឹកនេះ ព្រមជាមួយគ្នា មិត្តភក្ដិ និងអ្នកគាំទ្ររបស់លោកមួយចំនួន បានសាទរចំពោះការហក់មកប្រឡូកជំនួញរបស់តារាចម្រៀងប្រុសទាំងពីរដួង។
តាមលោក មាស សាលី បានបញ្ជាក់ថា វង់តន្ត្រីរបស់លោក ទើបតែបើកដំណើរក្នុងពេលនេះទេ ក្នុងនោះ លោកបានចាប់ដៃជាមួយ ជុំ លីណូ អតីតតារាចម្រៀងរួមទ្រនំសាន់ដេ។ ចំពោះទុនវិនិយោគវិញ លោកប្រាប់ថាអស់ជិត ១៥ម៉ឺនដុល្លារអាមេរិកឯណោះ។ "បាទ...ខ្ញុំចូលគ្នាជាមួយលីណូពាក់កណ្ដាលម្នាក់ សរុបទៅ អស់ចង់ចូល១៥ម៉ឺនដុល្លារហើយ ព្រោះទាំងឆាក ទាំងឡាន និងអ្វីៗផ្សេងទៀតសុទ្ធតែថ្មីៗទាំងអស់"។
ម្ចាស់បទ "រំចង់ប្រែពណ៌" ប្រាប់ថា លោកបានទិញចូលឧបករណ៍បម្រើឲ្យការប្រគំតន្ត្រី សុទ្ធជារបស់ល្អៗ និងទំនើបៗ។ ដូច្នេះហើយ ទើបធ្វើឲ្យមានការចំណាយខ្ពស់ដូចតួលេខពីខាងលើ។ នេះគឺជាជំនួញចូលហ៊ុនគ្នា និងធំដុំលើកដំបូង ខណៈពីមុនមក ត្បិតថាលោកធ្លាប់ចេញធ្វើអាជីវកម្មដែរ ប៉ុន្តែជាការងារតូចតាចប៉ុណ្ណោះ។
ដូច្នេះ តាមរយៈកិច្ចសហការធំជាមួយដៃគូនៅពេលនេះ ផ្សំនឹងប្រជាប្រិយរបស់លោកទាំងពីរជាតារាចម្រៀងផង លោកសង្ឃឹមថា អាជីវកម្មថ្មីថ្មោងនេះ នឹងមានផ្លែផ្កាល្អ។
ក្រុមតន្ត្រីសម័យ មាស សាលី-ជុំ លីណូ មានទីតាំងនៅក្នុងបុរីហ្គ្រេនភ្នំពេញ។ ថៅកែប្រុសអះអាងថា អាជីវកម្មមួយនេះរបស់លោក អាចបម្រើសេវាកម្មសម្រាប់ការកម្សាន្តគ្រប់ប្រភេទទាំងអស់ មានដូចជា ពិធីជប់លៀង មង្គលការ ខួបកំណើត និងខុនសឺតជាដើម ទាំងតូចទាំងធំ។ លើសពីនេះ ក្រុមរបស់លោកមានតារាចម្រៀងល្បីៗសម្រាប់បម្រើអារម្មណ៍អតិថិជនទៀតផង៕
