• 2018-09-26 07:15:14
  • ជីវិតតារា

ផ្អែមណាស់! អ៊ីណូ និយាយពាក្យស្នេហ៍ពិត ធ្វើឲ្យគូស្នេហ៍អៀនមុខឡើងក្រហម(វីដេអូ)

  • 2018-09-26 07:15:14
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​ខួប​កំណើត​របស់​តារា​ចម្រៀង អ៊ី​ណូ ​កាល​ពី​យប់​មិញ ​ពិត​ជា​មាន​ន័យ​ខ្លាំង​ណាស់​សម្រាប់​លោក ​ដោយ​សារ​វត្តមាន​គូ​ស្នេហ៍​បាន​ចូល​រួម។ ​ក្នុង​ឱកាស​នោះ​ ​លោក អ៊ី​ណូ ​ក៏​បាន​ប្រាប់​ពី​កំណើត​ស្នេហ៍ និង​ពាក្យ​ពេចន៍​ក្នុង​ចិត្ត​ ឲ្យ​ម្ចាស់​ចិត្ត​បាន​ដឹង ធ្វើ​ឲ្យ​កញ្ញា ​បញ្ញា ​សុជាតា ​អៀន​ខ្លាំង​ រហូត​មុខ​ឡើង​ក្រហម។

ម្ចាស់​បទ "បេះ​ដូង​បង​មិន​មែន​១០០" ប្រាប់​ថា ​ទំនាក់​ទំនង​អ្នក​ទាំង​ពីរ​ ចាប់​ផ្ដើម​ស្គាល់​គ្នា អស់​ពេល​ជាង​៣​ឆ្នាំ​មក​ហើយ។ ​ដំបូង​ឡើយ ​កញ្ញា ​ជាតា គ្រាន់​ជា​អ្នក​គាំ​ទ្រ​លោក​ប៉ុណ្ណោះ។ ​តែ​ដោយ​មាន​និស្ស័យ ​លោក​បាន​សុំ​ជួប​សាច់​ញាតិ និង​កញ្ញា ជាតា ​​នៅ​ខេត្ត​បាត់​ដំបង ដើម្បី​ស្គាល់​គ្នា​កាន់​តែ​ច្បាស់។ ​​មិន​យូរ​ទេ ​ឆ្នាំ​ក្រោយ​អ្នក​ទាំង​ពីរ ​នឹង​ដឹក​ដៃ​គ្នា​ចូល​រោង​ជ័យ​ហើយ ដោយ​គ្រោង​រៀប​ការ​នៅ​ខេត្ត​បាត់​ដំបង និង​កាត់​ចំណង​ដៃ​នៅ​ភ្នំពេញ។

​មុន​ថ្ងៃ​​ខួប​របស់​លោក​មួយ​ថ្ងៃ​​ អ្នក​គ្រូ​ពេទ្យ​នៅ​បាត់​ដំបង​រូប​នេះ បាន​រៀប​ចំ​ធ្វើ​ខួប​ជូន​លោក ដោយ​ច្រៀង​ចម្រៀង​ជូនពរ​​យ៉ាង​ភ្ញាក់​ផ្អើល ព្រោះ​លោក​មិន​នឹក​ស្មាន​ថា នារី​មិន​សូវ​ចេះ​មាត់​ ក ​រូប​នេះ ​ចេះ Sweet ​ដាក់​លោក​បែប​នេះ។ ​លើស​ពី​នេះ ​ម្ចាស់​ស្នេហ៍​បាន​ឆ្លៀត​ទៅ​វត្ត​សាង​បុណ្យ​កុសល​ជា​មួយ​គ្នា ​ធ្វើឲ្យ​ខួប​កំណើត​ឆ្នាំ​នេះ ​រឹត​តែ​មាន​ន័យ​សម្រាប់​ម្ចាស់​បទ "កែវ​ភ្នែក​ចមែ្លក" ពេល​រៀប​ការ​រួច លោក អ៊ី​ណូ​ នៅ​តែ​បន្ត​អាជីព​ចម្រៀង​ដដែល រី​ឯ​អនាគត​ភរិយា​លោក អ៊ី​ណូ វិញ ក៏​មិន​បិទ​សិទ្ធ​ ឬ​ប្រច័ណ្ឌ​ពេល​ឃើញ​លោក​ថត​ MV ​កៀក​កើយ​តារា​ស្រី​ស្អាតៗ​ នោះ​ទេ៕

​​​​​សូម​ទស្សនា​វី​ដេ​អូ​ខាង​ក្រោម៖

អត្ថបទ៖ លឹម សុនា

មតិយោបល់