- 2018-10-03 02:57:50
- ព័ត៌មាន
រឿង "គ្រាប់ពេជ្រ" ដែលលាក់ខ្លួនរាប់ឆ្នាំហើយនោះ គ្រោងចេញមកបង្ហាញខ្លួនទៀតហើយ!!!
- 2018-10-03 02:57:50
- ចំនួនមតិ 0 | ចំនួនចែករំលែក 0
រឿង "គ្រាប់ពេជ្រ" ដែលលាក់ខ្លួនរាប់ឆ្នាំហើយនោះ គ្រោងចេញមកបង្ហាញខ្លួនទៀតហើយ!!!
ចន្លោះមិនឃើញ
ភាពយន្តខ្នាតធំដ៏ល្អមួយរឿងរបស់ខ្មែរកាលពីឆ្នាំ ២០១៣ គឺរឿង "គ្រាប់ពេជ្រ" គ្រោងនឹងចាក់បញ្ចាំងជូនទស្សនាជាថ្មីទៀតហើយ នៅក្នុងខែតុលានេះ បន្ទាប់ពីរំលងផុតប៉ុន្មានឆ្នាំក្រោយការចាក់បញ្ចាំងផ្លូវការបានបញ្ចប់។ នេះបើតាម លោក សុខ វិសាល ជាចាងហ្វាងផលិតកម្ម 802 នៃរឿង។
ចាងហ្វាងផលិតកម្មដដែល ឲ្យដឹងទៀតថា រឿង "គ្រាប់ពេជ្រ" ឬ "Gems on The Run” នឹងមានបញ្ចាំងតែមួយថ្ងៃប៉ុណ្ណោះ គឺថ្ងៃទី២១ ខែតុលា ២០១៨នេះ នៅ "Factory Phnom Penh” មានទីតាំងនៅសង្កាត់ចាក់អង្រែលើ រាជធានីភ្នំពេញ។ ការដាក់បញ្ចាំងនេះ គឺមិនមានលក់សំបុត្រឡើយ ពោលគឺបើកប្រិយមិត្តទស្សនាដោយឥតគិតថ្លៃតែម្ដង។
នេះជាការវិលមកថ្មីទៀតរឿងប្រភេទចោរកម្ម លាយកំប្លែងសើចសប្បាយរបស់ខ្មែរ បន្ទាប់ពីធ្លាប់បង្ហាញមុខខ្លះៗរួចមកហើយក្នុងមហោស្រពភាពយន្តអន្តរជាតិធ្វើនៅរាជធានីភ្នំពេញកាលពីពេលកន្លងទៅ។ ក្រៅពីនេះ ក៏ធ្លាប់ទៅបម្រើចក្ខុទស្សនិកជននៅអាមេរិក ឡាវ និងកូរ៉េខាងជើងផង។ ចំពោះការវិលត្រឡប់ជាថ្មីនៅក្នុងស្រុកពេលនេះ រឿង "គ្រាប់ពេជ្រ" នឹងមានវត្តមានក្នុងពិព័រណ៍មួយ។
លោក សុខ វិសាល ប្រាប់ថា ការដាក់បញ្ចាំងជាថ្មីរឿង "គ្រាប់ពេជ្រ" គឺធ្វើឡើងតាមការស្នើសុំរបស់ថ្នាក់ដឹកនាំនៃក្រុមរៀបចំពិព័រណ៍ខាងលើ ដើម្បីផ្ដល់ជូនដល់ទស្សនិកជនដែលមិនទាន់បានទស្សនា ក៏ដូចជាអ្នកទស្សនារួចហើយ បានទស្សនាជាថ្មីម្ដងទៀត។
ក្នុងកម្មវិធីខាងលើ តួសម្ដែងសំខាន់ក្នុងរឿង មានដូចជាលោក វណ្ឌី ពិសិដ្ឋ និងលោក Cherky ជាដើម នឹងមានវត្តមានជួបជាមួយប្រិយមិត្តអ្នកគាំទ្រផង។ ប៉ុន្តែលើកលែងអ្នកនាង សោម ម៉ាល័ក្ខ ជាតួឯក ដោយសារតែពេលនេះ នាងកំពុងរស់នៅសហរដ្ឋអាមេរិកឯណោះ៕
