- 2019-02-18 03:45:00
- ព័ត៌មាន
ឆ្នាំនេះ គង់ វង្សយ៉ាទី យកថ្ងៃកំណើតចែកអំណោយជូនពូស៊ីក្លូ
- 2019-02-18 03:45:00
- ចំនួនមតិ 0 | ចំនួនចែករំលែក 0
ឆ្នាំនេះ គង់ វង្សយ៉ាទី យកថ្ងៃកំណើតចែកអំណោយជូនពូស៊ីក្លូ
ចន្លោះមិនឃើញ
ខួបកំណើតឆ្នាំនេះ របស់កញ្ញា គង់ វង្សយ៉ាទី បានធ្វើឲ្យទស្សនិកជនមានការកោតសរសើរយ៉ាងខ្លាំង ព្រោះពិធីការីនីរាងតូចច្រឡឹងរូបនេះ បានយកថវិកានិងអំណោយមួយចំនួនចែកជូនពូៗដែលប្រកបរបរធាក់ស៊ីក្លូចំនួន៣៥នាក់។
តារាសម្តែងរូបនេះ ក៏បានរៀបចំសម្ភារៈមួយចំនួនដូចជា ភួយ ទឹកស៊ីអីវ ប្រេងកូឡា ថវិកាចែកជូនលោកតា និងពូៗដែលប្រកបរបរធាក់ស៊ីក្លូ ដែលជួបបញ្ហាជីវភាព និងមានវ័យកាន់តែចាស់។ នៅលើបណ្តាញសង្គម កញ្ញា យ៉ាទី បានសរសេរថា ៖ "ថ្ងៃនេះជាថ្ងៃកំណើតរបស់ខ្ញុំ ខ្ញុំបានរៀបចំសម្ភារៈខ្លះៗមានភួយ ទឹកស៊ីអីវ ប្រេងកូឡា ថវិកាបន្តិចបន្តួចចែកជូនលោកតា និងពូៗដែលប្រកបរបរធាក់ស៊ីក្លូចំនួន35នាក់ ។ ការដាក់ទានជាបុណ្យ បុណ្យធ្វើទៅតាមទឹកចិត្តដែលមានចង់ចែករំលែក"។
ក្រៅពីនេះ ដើម្បីជាការអបអរសាទរជូនដល់តារាបើកជំនួញហាងកាហ្វេរូបនេះ មុនខួបកំណើតមួយថ្ងៃ កញ្ញា ម៉ាក សែនសូនីតា បានរៀបចំនំខួប Surprise ជូនដល់ស្រីស្អាតរូបនេះ ឡើងរំភើបព្រោះមិត្តភ័ក្កិល្អ មិនភ្លេចថ្ងៃពិសេសរបស់ខ្លួន៕
