- 2019-10-08 02:22:47
- ព័ត៌មាន
នោះ! នាយ ចឺម នៅមិនសុខ ចេញមុខបកស្រាយរឿងចចាមអារ៉ាមថា ខ្លួនអួតដាក់រៀមច្បង
- 2019-10-08 02:22:47
- ចំនួនមតិ 0 | ចំនួនចែករំលែក 0
នោះ! នាយ ចឺម នៅមិនសុខ ចេញមុខបកស្រាយរឿងចចាមអារ៉ាមថា ខ្លួនអួតដាក់រៀមច្បង
ចន្លោះមិនឃើញ
នៅថ្ងៃនេះ មានការប្រទះឃើញវីដេអូខ្លីមួយរបស់នាយ ចឺម តារាចម្រៀងសាន់ដេ ដែលលោកបានចេញមុខមកបកស្រាយជុំវិញមានការលើកឡើងថា លោកមានបំណងផ្ដួលតារាចម្រៀង ខេមរៈ សិរីមន្ត ដោយក្នុងនោះប្រើពេលតែ១ឆ្នាំអាចតាមទាន់ប្រជាប្រិយភាពរៀមច្បង។
នៅមុននេះបន្តិច មានព័ត៌មានមួយដែលត្រូវបានផ្សាយដោយវិបសាយមួយចំនួនថា នាយ ចឺម ដែលជាតារាចម្រៀងរលកក្រោយ បានអួតខ្លួនថា រូបគេអាចប្រើពេលតែ១ឆ្នាំ អាចតាមទាន់ភាពល្បីល្បាញរបស់តារាចម្រៀងរលកមុន ខេមរៈ សិរីមន្ត។ ព័ត៌មាននេះ ត្រូវបានអ្នកនៅលើបណ្ដាញសង្គមចែកចាយបន្តគ្នារាប់រយ រាប់ពាន់ ដោយក្នុងនោះ មានទាំងការវាយប្រហារលើអតីតតារាកំប្លែងផង។
នៅមិនសុខចំពោះបញ្ហានេះ នាយ ចឺម បានចេញមុខតាមវីដេអូខ្លីមួយ ដោយបានទាត់ចោលព័ត៌មាននោះថា ជាព័ត៌មានមិនពិត តែត្រូវបានគេប្រឌិតដើម្បីប្រយោជន៍ផ្ទាល់ខ្លួនរបស់សាមីវិបសាយណាមួយនោះ។ តារាចម្រៀងសាន់ដេ បន្តថា ជុំវិញរឿងដែលកើតឡើង លោកខ្លួនមិនឯងមិនបានដឹងរឿងអ្វីសោះ ហើយក៏មិនដែលនិយាយពាក្យដូចដែលគេចុះផ្សាយនោះដែរ។
នាយ ចឺម បន្តសង្កត់ធ្ងន់ថា លោកខ្លួនឯងដឹងច្បាស់ថា ខ្លួនជាតារារលកក្រោយ ថ្មីថ្មោង នៅស្ទើរបទពិសោធន៍ រឿងអីត្រូវទៅយកខ្លួនទៅប្រដូច ឬប្រៀបធៀបទៅនឹងរៀមច្បងដែលមានពិសោធន៍ច្រើននោះ គឺលោកមិនដែលទេ។ សំខាន់ជាងនេះ លោក ខេមរៈ សិរីមន្ត គឺជាតារាក្នុងដួងចិត្ត (idol) របស់លោកថែមទៀត។
ដូច្នេះហើយ គ្មានហេតុផលអ្វីលោកត្រូវទៅអួតអាង ឬត្រូវយកចាញ់ឈ្នះជាមួយ អាយដល របស់ខ្លួននោះទេ។ យ៉ាងណា ម្ចាស់បទ "ពុកអើយ ម៉ែអើយ គេការចោលខ្ញុំហើយ" បានធ្វើសុំទោសរៀមច្បង ខេមរៈ សិរីមន្ត ចំពោះព័ត៌មានខាងនេះផងដែរ និងស្នើរៀមច្បងកុំមានការយល់ច្រឡំ។ ព្រោះដូចការអះអាងពីខាងលើ គឺលោកមិនបានដឹងព័ត៌មានខាងលើចេញពីប្រភពណានោះទេ និងមិនដែលនិយាយ ថែមទាំងមិនត្រូវនិយាយបែបនោះថែមទៀត។
“ខ្ញុំអត់ដែលនិយាយអីចឹងទេ...បើខ្ញុំទៅនិយាយអីចឹង មានតែខ្ញុំហ្នឹងឆ្កួតបាត់ហើយ ទៅនិយាយអីចឹងនោះ"។ នាយ ចឺម ថ្លែង។
ជុំវិញព័ត៌មានដែលត្រូវច្រានចោលដោយភាគីអតីតតារាកំប្លែងខាងលើ គេមិនទាន់ឃើញភាគីខាងលោក សិរីមន្ត បញ្ចេញប្រតិកម្មណាមួយនោះទេ គិតមកត្រឹមព្រឹកថ្ងៃទី ៨ តុលានេះ។
ស្ដាប់ការបកស្រាយរបស់ នាយ ចឺម ខាងក្រោម៖