- 2019-10-09 04:50:00
- ព័ត៌មាន
ចូលមើលផ្ទះស្នាក់ដ៏ប្រណីតរបស់ SuperM នៅរដ្ឋ Los Angeles សហរដ្ឋអាមេរិក
- 2019-10-09 04:50:00
- ចំនួនមតិ 0 | ចំនួនចែករំលែក 0
ចូលមើលផ្ទះស្នាក់ដ៏ប្រណីតរបស់ SuperM នៅរដ្ឋ Los Angeles សហរដ្ឋអាមេរិក
ចន្លោះមិនឃើញ
SuperM ក្រុមថ្មីសន្លាងដែលទើបបង្កើតក្រោមការគ្រប់គ្រងរបស់ផលិតកម្ម SM បានបង្ហាញមុខជាផ្លូវការនៅសហរដ្ឋអាមេរិក កាលពីថ្ងៃទី ០៤ ខែតុលា ជាមួយបទចម្រៀងស្វាគមន៍ "Jopping”។
គ្រាន់តែចេញមុខភ្លាម ពួកគេក៏ត្រូវមមាញឹកសឹងគ្មានពេលសម្រាក ដោយសារកាលវិភាគសម្ដែងមានជាបន្តបន្ទាប់។ សមាជិកទាំង ៧ក៏បានបង្ហាញសកម្មភាពជុំគ្នាទាំងនៅកន្លែងហាត់ និងផ្ទះ តាមរយៈរូបភាព និងវីដេអូឃ្លីប ឬវីដេអូ Live ផ្សេងៗ។
Baekhyun, Taemin និង Kai ជាអ្នកដែលបាន Live សកម្មភាពនៅកន្លែងស្នាក់របស់ពួកគេ ទៅកាន់អ្នកគាំទ្រទាំងអស់។ ឃើញហើយគ្រប់គ្នាពិតជាពេញចិត្តនឹងសម្ភារៈ និងរបស់ប្រើប្រាស់ប្រណីតទាំងនោះ ព្រោះវាពិតជាស័ក្ដិសមនឹងការខិតខំប្រឹងប្រែងរបស់សមាជិកទាំង ៧ នៃ SuperM។ ដោយសារការបង្ហាញបែបនេះ អ្នកគាំទ្រមួយចំនួនបានទៅស្រាវជ្រាវបន្ថែម និងរកឃើញថាតម្លៃផ្ទះរបស់ក្រុមនេះកំពុងស្នាក់នៅ ដល់ទៅ ៨លានដុល្លារឯណោះ។
ទោះជាយ៉ាងណា បើតាមការឲ្យដឹង ផ្ទះនោះ SuperM គ្រាន់តែជួលស្នាក់ប៉ុណ្ណោះអំឡុងពេលពួកគេបំពេញការងារនៅសហរដ្ឋអាមេរិក។ ប៉ុន្តែបើទោះបីជាការជួលក៏ដោយ ក៏តម្លៃមិនទាបដែរ ផ្អែកតាមការរចនា ការរៀបចំ និងអ្វីគ្រប់យ៉ាងផ្សេងទៀតសម្រាប់ផ្ទះនេះ៕
ទស្សនាវីដេអូដូចតទៅ៖
