- 2020-01-06 03:46:09
- ព័ត៌មាន
Momo ផ្ញើសារសរសេរដោយដៃទម្លាយអារម្មណ៍ពិតលើកដំបូង ក្រោយផ្ទុះព័ត៌មានស្នេហា
- 2020-01-06 03:46:09
- ចំនួនមតិ 0 | ចំនួនចែករំលែក 0
Momo ផ្ញើសារសរសេរដោយដៃទម្លាយអារម្មណ៍ពិតលើកដំបូង ក្រោយផ្ទុះព័ត៌មានស្នេហា
ចន្លោះមិនឃើញ
បន្ទាប់ពីព័ត៌មានស្នេហាជាមួយនឹងរៀមច្បង Heechul ត្រូវបានប្រកាសជាសាធារណៈមក Momo បានព្យាយាមរក្សាភាពស្ងៀមស្ងាត់មិនមានប្រតិកម្មអ្វីទាំងអស់ ប៉ុន្តែពេលនេះនាងបានបង្ហាញសារយ៉ាងវែងមួយ ជាសំណេរសរសេរដោយដៃផ្ទាល់ និងមានសេចក្ដីថា៖
«Once!! នេះគឺ Momo មានរឿងច្រើនណាស់ដែលខ្ញុំចង់ប្រាប់ Once (អ្នកគាំទ្ររបស់ TWICE) អ៊ីចឹងហើយទើបខ្ញុំសម្រេចសរសេរលិខិតនេះ។ ខ្ញុំសង្ឃឹមថាខ្ញុំអាចរៀបរៀងពាក្យដែលខ្ញុំចង់និយាយបានល្អ។ រយៈ ៥ឆ្នាំហើយដែលពួកយើងនៅជាមួយគ្នា! ជាពេលដែលយើងបានចំណាយពេលរួមគ្នា ហើយវាពិតជាមានរយៈពេលយូរណាស់ ប៉ុន្តែនៅតែមានអារម្មណ៍ថាខ្លី។ ខ្ញុំអាចចាំបាននូវគ្រប់អនុស្សាវរីយ៍ទាំងអស់ដែលយើងបានធ្វើរួមគ្នាជាមួយនឹង Once។
រៀងរាល់ឆ្នាំ អនុស្សាវរីយ៍ដែល Once បានធ្វើបង្កើតជាមួយយើងគឺខុសគ្នាជានិច្ច ហើយរាល់រឿងរ៉ាងទាំងអស់ ដែលខ្ញុំបានធ្វើជាមួយអ្នកទាំងអស់គ្នាក៏ខុសៗគ្នាដែរ។ គ្រប់យ៉ាងដែលបន្សល់ទុកនៅក្នុងការចងចាំរបស់ខ្ញុំមានខុសៗគ្នាជារៀងរាល់ឆ្នាំ។ ដូចនៅឆ្នាំ ២០២០នេះ ខ្ញុំចង់ផ្ដល់នូវភាពសប្បាយរីករាយ និងរឿងល្អៗជូនចំពោះ Once ឲ្យបានច្រើនជាងឆ្នាំ ២០១៩ទៅទៀត ហើយគោលដៅរបស់ខ្ញុំគឺចង់បង្កើតអនុស្សាវរីយ៍ល្អៗ ធ្វើយ៉ាងណាឲ្យអ្នកទាំងអស់គ្នាមានក្ដីសុខ និងកាន់តែមានទំនាក់ទំនងល្អជាមួយគ្នាកាន់តែច្រើន។
ប៉ុន្តែខ្ញុំបានពញ្ញាក់អារម្មណ៍គ្រប់គ្នាតាំងពីដើមឆ្នាំ ២០២០ ហើយខ្ញុំពិតជាសុំអភ័យទោស។ ខ្ញុំពិតជាដេកគិតយូរណាស់ទម្រាំដាច់ចិត្តសរសេរលិខិតមួយច្បាប់នេះឲ្យបានល្អ។ ខ្ញុំមិនអស់ចិត្ត ខ្លាចថាសរសេរហើយ កាន់តែធ្វើឲ្យអ្នកទាំងអស់គ្នាឈឺចិត្តខ្លាំងទៀត។ ខ្ញុំគិតថា វានឹងធ្វើឲ្យគ្រប់គ្នាមានអាម្មណ៍ប្រសើរ បើមិនធ្វើអ្វីទាំងអស់។ ខ្ញុំប្រយ័ត្នខ្លាំងណាស់ ប៉ុន្តែខ្ញុំក៏បាននិយាយជាមួយ Once ច្រើនដែរដូចនេះខ្ញុំចង់បង្កើតទំនាក់ទំនងបន្ថែមជាមួយ Once តាមចរិតរបស់ខ្ញុំ ហើយខ្ញុំក៏សម្រេចសរសេរលិខិតមួយច្បាប់នេះឡើងតែម្ដង។
តាំងពីខ្ញុំនៅក្មេង ខ្ញុំខិតខំធ្វើការខ្លាំងណាស់ ព្រោះខ្ញុំចូលចិត្តរាំ ចូលចិត្តច្រៀង ខ្ញុំចង់ក្លាយជាអ្នកចម្រៀង ហើយចង់ក្លាយជាតារា។ មួយវិញទៀត ខ្ញុំក៏មានក្ដីរំភើបខ្លាំងដែរ ដែលបានជួប TWICE និងក្លាយជាគ្រួសារតែមួយ ហើយក្នុងនាមជា TWICE ពួកយើងក៏បានជួប ONCE។
ពិតណាស់ខ្ញុំស្រលាញ់ការច្រៀង តែខ្ញុំក៏ពេញចិត្ត និងមានក្ដីសុខខ្លាំងពេលបាននិយាយលេងជាមួយ Once ដែរ ហើយទាំងនេះវាធ្វើឲ្យខ្ញុំសប្បាយចិត្តបំផុត។ ទោះបីនៅពេលខ្ញុំទំនេរពីការងារ ក៏ខ្ញុំឆ្លៀតពេលនិយាយលេងជាមួយ Once ដែរ ដូចនេះហើយ បានជាខ្ញុំតែងតែ Live ក្នុង V app ដល់ថ្នាក់បងស្រីបងប្រុសដែលជាអ្នកគ្រប់គ្រងចាំឡើងហត់ក៏ដោយ។ គ្មានអ្នកណាប្រាប់ខ្ញុំធ្វើវីដេអូទេ ប៉ុន្តែខ្ញុំនៅតែចង់ធ្វើ ក៏ព្រោះតែខ្ញុំសង្ឃឹមថា Once ចូលចិត្តវីដេអូ។ វាមិនមែនជារឿងការងារទេ ប៉ុន្តែខ្ញុំគ្រាន់តែចង់ធ្វើ ដោយសារជាពេលឈប់សម្រាកដ៏មានន័យ ហើយខ្ញុំចង់ធ្វើចេញពីចិត្តរបស់ខ្ញុំ។
បើគិតទៅ នេះមិនមែនជាការងារយើងទេ ប៉ុន្តែមូលហេតុក៏ព្រោះតែខ្ញុំចង់បង្កើតទំនាក់ទំនងជិតស្និទ្ធជាមួយនឹង Once ហើយខ្ញុំពិតជាពេញចិត្តធ្វើ ដោយសារតែឃើញ Once សប្បាយចិត្ត ហើយខ្ញុំក៏រីករាយទៅតាមនោះ។ ខ្ញុំរំភើបពេល Once ចូលចិត្តដែរ។ តាមពិតទៅខ្ញុំមិនចង់អួតថាខ្ញុំខំធ្វើរឿងទាំងនេះទេ ប៉ុន្តែខ្ញុំគ្រាន់តែចង់បង្ហាញឲ្យគ្រប់គ្នាដឹង ពី ទំហំចិត្តរបស់ខ្ញុំ ថាតើខ្ញុំគិតដល់ Once ខ្លាំងកម្រិតណា។ ខ្ញុំពិតជាអរគុណគ្រប់គ្នាដែលផ្ដល់នូវកម្លាំងចិត្តដល់ខ្ញុំ និងតែងទាក់ទងគ្នាជាប់ឥតដាច់។ អ្នកតែងតែជាថាមពលរបស់ខ្ញុំ ដូច្នេះខ្ញុំក៏ចង់ក្លាយជាកម្លាំងចិត្តសម្រាប់អ្នកទាំងអស់ដែរ។
ខ្ញុំតែងតែមានមោទនភាពចំពោះអ្នកទាំងអស់ ហើយគ្រប់គ្នាគឺសំខាន់បំផុតចំពោះខ្ញុំ។នៅឆ្នាំ ២០២០នេះ វាគ្រាន់តែជាការចាប់ផ្ដើម ដូចនេះអាទិភាពដំបូងគឺ Once និងសុខភាពរបស់ TWICE។
គ្រប់គ្នាសុទ្ធតែមានភាពលំបាកផ្ទាល់ខ្លួន វាត្រូវតែមានពេលដែលរំខានចិត្តយើង ប៉ុន្តែខ្ញុំសង្ឃឹមថា Once នឹងមានភាពរីករាយច្រើនជាងពេលពិបាក។ ខ្ញុំផ្ដល់ក្ដីសុខជូនអ្នកទាំងអស់ ហើយខ្ញុំក៏សុំទោស និងអរគុណ! ខ្ញុំមិនពូកែខាងរៀបពាក្យទេ តែអរគុណដែលអ្នកចំណាយពេលអានលិខិតនេះ! Once រីករាយឆ្នាំថ្មី!»
