- 2020-01-06 07:13:07
- ព័ត៌មាន
រឿងពិតទាំង ១៤យ៉ាងរបស់ JB មេក្រុមម៉ឹងម៉ាត់តែចិត្តល្អរបស់ GOT7
- 2020-01-06 07:13:07
- ចំនួនមតិ 0 | ចំនួនចែករំលែក 0
រឿងពិតទាំង ១៤យ៉ាងរបស់ JB មេក្រុមម៉ឹងម៉ាត់តែចិត្តល្អរបស់ GOT7
ចន្លោះមិនឃើញ
បើគិតត្រឹមថ្ងៃទី ០៦ ខែមករា ឆ្នាំ ២០២០នេះ JB មេក្រុម GOT7 មានអាយុ ២៦ឆ្នាំហើយ។ ក្នុងនាមជាមេក្រុម JB ធ្វើបានយ៉ាងល្អ និងជាទីពេញចិត្តសម្រាប់អ្នកគាំទ្រខ្លាំងបំផុត។
មានអ្នកស្រឡាញ់ច្រើនដល់ម្ល៉ឹង តើ JB មានអ្វីខ្លះនៅពីក្រោយ ពិសេសចំណង់ចំណូលចិត្តផ្ទាល់ខ្លួនដែលមិនមែនគ្រប់គ្នាសុទ្ធតែដឹងនោះ? ដូចនេះសូមមកជ្រាបដូចតទៅ៖
១. JB ជាឈ្មោះលើឆាក ឯឈ្មោះពិតវិញគឺ Im Jae Bum កើតថ្ងៃទី ០៦ ខែមករា ឆ្នាំ ១៩៩៤ ជាជនជាតិកូរ៉េសុទ្ធសាធ និងជាកូនទោលក្នុងគ្រួសារ ព្រមទាំងមានឈាមប្រភេទ A។
២. នៅពេលទំនេរ អ្វីដែល JB ចូលចិត្តធ្វើជាងគេនោះគឺ មើលរឿងកុន ថតរូបលេង ដើរលេងនៅកន្លែងកម្សាន្តផ្សេងៗ ញ៉ាំអីនៅភោជនីយដ្ឋាន។
៣. តារាក្នុងដួងចិត្តរបស់ JB គឺ Michael Jackson, India Arie និង Javier។
៤. ឪពុកម្ដាយរបស់លោកបានលែងលះគ្នាតាំងពីយូរមកហើយ ដោយសារតែបញ្ហាតែមួយគឺ ឪពុករបស់លោកចូលចិត្តពិសាស្រា។ ក្រោយមកលោកក៏ស្ថិតក្រោមការមើលថែរបស់ម្ដាយ និងឪពុកចុង (នេះបើតាមការបង្ហាញឲ្យដឹងក្នុងកម្មវិធី Hello Counselor)។
៥. JB ក្លាយជាអ្នកហ្វឹកហាត់ចំណូលថ្មីនៅផលិតកម្ម JYP តាំងពីឆ្នាំ ២០០៩ បន្ទាប់ពីឈ្នះលេខ១ ពីការប្រឡងជ្រើសរើសតារា JYP Open Audition។
៦. ម្ហូបដែល JB ចូលចិត្តគឺ Soondubu jjigae (ស៊ុបតៅហ៊ូ) និង Budae Jjigae (ស៊ុបសាច់ក្រក)។
៨. ពណ៌ដែលលោកចូលចិត្តគឺ ពណ៌ប្រផេះ
៩. ពេលណាក៏ដោយ ឲ្យតែបានលេងតន្ត្រី គឺលោកសប្បាយចិត្តខ្លាំងតែម្ដង
១០. JB ធ្លាប់បាននិយាយថា បើឧទាហរណ៍លោកមានវេទមន្ត លោកចង់ចេះបំបាំងខ្លួន ជាពិសេសចង់ទៅ Grand Canyon ព្រោះលោកជាមនុស្សស្រឡាញ់ធម្មជាតិ។
១១. រម្លឹកទៅកាលនៅជា Bboy លោកធ្លាប់បោកក្បាលខ្លួនឯងនៅនឹងឥដ្ឋ ដោយសាររាំខុសក្បាច់។ ពេលនោះលោក ពោបលើឥដ្ឋជាង ១០នាទីឯណោះ ឃើញដូចនេះបងៗរួមក្រុម ក៏បានដាស់លោកឡើង។ ដោយសារតែបោកក្បាលពេលនោះ ទើបធ្វើឲ្យ JB ភ្លេចរឿងខ្លះមួយរយៈ ហើយថ្ងៃមួយពេលដែលលោកទៅផ្ទះ លោកថែមទាំងភ្លេចលេខកូដផ្ទះទៀត ជាហេតុត្រូវនៅក្រៅផ្ទះទាំងយប់ ទាំងមិនហ៊ានដាស់ប៉ាម៉ាក់ ស្របពេលពួកគាត់កំពុងសំរាន្តលក់។
១២. JB បានទទួលស្នាមថើបគ្រាដំបូងនៅអាយុ ១៣ឆ្នាំ។
១៣. សម្រង់សម្ដីរបស់ JB ដែលចាក់ដោតជាងគេគឺ «ក្នុងនាមជាមេក្រុម ខ្ញុំតែងគិតជាប់ជានិច្ចថាតើ វាសនាថ្ងៃមុខរបស់យើងទៅជាយ៉ាងណា ហើយតើពេលនោះខ្ញុំនឹងមានសមត្ថភាពគ្រប់គ្រាន់ក្នុងការដឹកនាំក្រុមទៀតទេ?»។
១៤. ប្រភេទនារីក្នុងចិត្ត គឺជានារីដែលគួរឲ្យស្រឡាញ់ ហើយអាចចាប់ចំណាប់អារម្មណ៍ពីលោកបាន៕
