- 2020-03-09 01:59:24
- ព័ត៌មាន
"ធីតាឯកសង្រ្កាន្ត" ទាក់ទាញការចាប់អារម្មណ៍ តាមសាកលវិទ្យាល័យ
- 2020-03-09 01:59:24
- ចំនួនមតិ 0 | ចំនួនចែករំលែក 0
"ធីតាឯកសង្រ្កាន្ត" ទាក់ទាញការចាប់អារម្មណ៍ តាមសាកលវិទ្យាល័យ
ចន្លោះមិនឃើញ
កាលពីថ្ងៃទី៧ ខែមីនា ក្រុមការងាររបស់ FUN Entertainment បានចុះធ្វើយុទ្ធនាការចែកខិតប័ណ្ណ និងពាក្យស្នើសុំចូលរួមប្រកួត "ធីតាឯកសង្រ្កាន្ត" ដល់សិស្ស-និសិ្សត នៅសាកលវិទ្យាល័យធនធានមនុស្ស ដោយមានការសហការ និងយល់ព្រមពីខាងសាកលវិទ្យាល័យផងដែរ ដោយមានរយៈពេល ១ថ្ងៃកន្លះ ចាប់ពីម៉ោង ៩ព្រឹក ដល់ម៉ោង ១២ៈ៣០ ថ្ងៃត្រង់។
គោលបំណងនៃការធ្វើយុទ្ធនាការនេះ គឺដើម្បីបង្ហាញ និងពន្យល់បន្ថែមអំពីកម្មវិធីជ្រើសរើស "ធីតាឯកសង្រ្កាន្ត" ដែលជាព្រឹត្តិការណ៏ដំបូង និងមិនធ្លាប់មានពីមុនមក ដល់សិស្ស-និស្សិត ជាពិសេសនិស្សិត ដែលជាសុភាពនារី និងជម្រុញលើកទឹកចិត្តដល់ពួកគេ ឲ្យចូលរួមចុះឈ្មោះក្នុងការប្រកួតនេះ កុំឲ្យមានការភ័យខ្លាច ឬមានការព្រួយបារម្ភអ្វីទាំងអស់។ ពីព្រោះកម្មវិធីនេះត្រូវបានគាំទ្រដោយ ក្រសួងវប្បធម៌ និងវិចិត្រសិល្បៈ ក្រសួងព័ត៌មាន និងអគ្គនាយកដ្ឋានទូរទស្សន៏ជាតិកម្ពុជា។
ការរៀបចំប្រកួតនេះ គឺធ្វើឡើងក្នុងគោលបំណង ២ ធំៗ ៖ ទី១ ដើម្បីអបអរសាទរពិធីបុណ្យចូលឆ្នាំប្រពៃណីខ្មែរ ឆ្នាំជូត ។ ទី២ ចង់បញ្ជ្រាបនូវចំណេះដឹងអំពីវប្បធម៌ អរិយធម៌ ប្រវត្តិសាស្រ្ត ទាក់ទងនឹងបុត្រីទាំង ៧អង្គ របស់កបិលមហាព្រហ្ម ដែលទ្រង់នឹងយាងចុះមកគ្រប់គ្រងជម្ពូរទ្វីប ដោយមានយាន្តជំនិះជាសត្វ តែមិនមែនជាសត្វតំណាងឲ្យឆ្នាំទាំង ១២ នោះឡើយ ព្រោះថាបុត្រីកបិលមហាព្រហ្មមានតែ ៧អង្គ មិនមែន ១២អង្គ។ ចំពោះទេពធីតាឆ្នាំជូត នាឆ្នាំ២០២០នេះ ជាបុត្រីទី២ របស់កបិលមហាព្រហ្ម មានព្រះនាម គោរាគទេវី មានសត្វជាយានជំនិះ គឺសត្វខ្លា។ ទាំងអស់នេះ គឺជាចំណេះដឹង ដែលកូនខ្មែរគ្រប់ជំនាន់ត្រូវយល់ដឹង និងចងចាំទុក។
យុទ្ធនាការនេះនឹងប្រព្រឹត្តទៅម្តងទៀត នៅថ្ងៃទី ១០ ខែមីនា ឆ្នាំ២០២០ នៅសាកលវិទ្យាល័យ បៀលប្រាយ ដែលមានរយៈពេល កន្លះថ្ងៃ ដោយចាប់ពីម៉ោង ៩ព្រឹក រហូតដល់ ម៉ោង ១២ៈ៣០ ថ្ងៃត្រង់ ដូចគ្នាផងដែរ។ គួរបញ្ជាក់ថា ការជ្រើសរើសនៅវគ្គផ្តាច់ព្រ័ត្រនឹងប្រព្រឹត្តទៅនៅផ្សារទំនើប អ៊ីអន២ ដោយមានខាងក្រសួងវប្បធម៌ជាគណៈកម្មការពិនិត្យ លើលក្ខខ័ណ្ឌរបស់បេក្ខនារីដែលមកតាមបណ្តាសាកលវិទ្យាល័យនានា៕