G-Dragon មេក្រុម​ BIGBANG បាន​ចំណាយ​លុយ​ទិញ​អគារស្នាក់​នៅ​ដ៏​មាន​ផាសុកភាព​ និងទំនើប​ស៊ីវីល័យ​មួយ​កន្លែង​ ប្រភេទ​ Penthouse ដែល​មាន​តម្លៃ​ដល់​ទៅ​ ៩ពាន់លានវ៉ុន​ (ខ្ទង់​ ៧ ៣១៣ ៥១០ដុល្លារ) ក្នុង​តំបន់​​​ Hannam។

ផ្អែក​តាម​ប្រភពព័ត៌មាន​ច្បាស់​ការ​របស់​ Financial News បាន​ឲ្យដឹង​ថា​អគារ​ស្នាក់​ដ៏​ទំនើប​មួយ​នេះ​មាន​ឈ្មោះ​ថា​ NINE ONE HANNAM ជា​អគារ​ស្នាក់​ដ៏​ល្បី​ និង​ទាន់​សម័យ​បំផុត​ ដែល​ម្ចាស់​លំនៅដ្ឋាន​នីមួយៗ​រើ​ទៅ​នៅ​ជា​បន្ត​បន្ទាប់​ ក្នុង​នោះ​ក៏​មាន G-Dragon ដែរ។

មិន​ត្រឹម​តែតារា​ K-Pop រូប​នេះ​ទេ​ ក្នុង​នោះ​ក៏​នៅ​មាន​តារា​ល្បី​ផ្សេង​ទៀត​ដែរ​ដូចជា Bae Yong Joon, Park Soo Jin, Jang Yoon Jung និង​ជន​ល្បី​ៗ និង​បុគ្គល​មាន​មុខមានមាត់​​ប្រចាំ​ប្រទេសកូរ៉េ​ផ្សេង​ទៀត។

ដោយឡែក​សម្រាប់ G-Dragon ​ម្ចាស់​ផ្ទះ​ស្នាក់​ប្រភេទ​ Penthouse នេះ​វិញ​ក៏​បាន​ផ្ដិត​យក​រូបភាព​ផ្ទះ​ថ្មី​របស់​ខ្លួន​ និង​បង្ហោះ​លើគណនី​ Instagram ផងដែរ។

ទស្សនា​វីដេអូខាងក្រោម​នូវ​ទិដ្ឋភាព​ផ្សេង​ៗក្នុង​អគារ​ស្នាក់​នៅ​មួយ​នេះ៖