- 2020-05-06 04:53:41
- ព័ត៌មាន
ធ្លាយរូបមួយសន្លឹក ឃើញ ពេជ្រ សូលីកា ប្រែប្រួលរូបរាងខ្លាំង បង់អស់សម្រស់ពីមុន
- 2020-05-06 04:53:41
- ចំនួនមតិ 0 | ចំនួនចែករំលែក 0
ធ្លាយរូបមួយសន្លឹក ឃើញ ពេជ្រ សូលីកា ប្រែប្រួលរូបរាងខ្លាំង បង់អស់សម្រស់ពីមុន
ចន្លោះមិនឃើញ
ភាពនារីដែលស្រឡាញ់ភាពស្រស់ស្អាត ពេជ្រ សូលីកា នៅតែមិនទាន់ចិត្តល្អ បើកចំហពីរូបរាងរបស់នាងអំឡុងពេលកំពុងពពោះឲ្យប្រិយមិត្តបានឃើញឡើយ ប៉ុន្តែថ្មីៗនេះរូបមួយសន្លឹកបានលេចឡើង បង្ហាញថា សូលីកា ប្រែប្រួលរូបរាងខុសពីមុនឆ្ងាយណាស់ ដោយសម្រស់ដ៏ស្រស់ឆើតរបស់នាងត្រូវលុបបាត់ដានហើយ។
ការប្រែប្រួលរូបរាងរបស់តារាចម្រៀងហង្សមាស បានកើតឡើងយ៉ាងគំហុកចាប់តាំងពីនាងបានសម្រេចតាំងគភ៌កូនដំបូងជាមួយស្វាមីមក។ មកទល់នឹងពេលនេះ កូនក្នុងផ្ទៃរបស់តារាស្រីបានវិវត្តវ័យមកកាន់តែកៀកថ្ងៃសម្រាលណាស់ទៅហើយ ហើយក៏ជាពេលដែលគេឃើញថា សូលីកា កាន់តែប្រែប្រួលរូបរាងខ្លាំង។
រូបភាពតែមួយសន្លឹករបស់ សូលីកា ត្រូវបានលេចឡើងនៅលើប្រព័ន្ធ IG របស់ស្វាមីតែប៉ុណ្ណោះ ខណៈនៅលើប្រព័ន្ធដូចគ្នារបស់តារាស្រី នៅតែបង្ហាញរូបភាពស្រស់ស្អាតរបស់នាងដូចកាលនៅខ្លួនមួយដដែល។ រូបនោះ បានធ្វើឲ្យអ្នកគាំទ្រនាងជាច្រើនភ្ញាក់ផ្អើល ក្នុងនោះខ្លះលាន់មាត់ថែមទៀតថា ពេជ្រ សូលីកា ឥឡូវក្លាយជាស្ត្រីម៉ាប់ម្នាក់ទៅហើយ។ ចំណុចនេះ សូម្បីស្វាមីនាងក៏ទប់ចិត្តមិនបានក្នុងការសួរពីទម្ងន់ខ្លួនរបស់ភរិយានៅពេលបច្ចុប្បន្នដែរ។
ទោះយ៉ាងណា សាមីខ្លួនខាងស្រីបានបដិសេធ។ "រឿងទម្ងន់មិនចាំបាច់និយាយទេ!(សើច)” សូលីកា បានឆ្លើយតបទៅស្វាមីនៅក្នុងឃ្លិបវីដេអូមួយ។ ពេជ្រ សូលីកា បានទទួលស្គាល់ថា ពេលនេះ គឺនាងពិតជាឡើងគីឡូខ្លាំងមែន ហើយនេះ គឺជាសភាពទូទៅសម្រាប់ស្ត្រីភាគច្រើនបំផុតពេលមានកូន តែងតែឡើងគីឡូប្រែរូបរាងធាត់មើលមិនចង់ស្គាល់បែបនេះ។
ត្បិតថា រូបរាងនៅពេលនេះ ខុសដាច់ពីពេលមុន ដែលជានារីដ៏ស្រស់ស្អាតមួយរូប ប៉ុន្តែ សូលីកា លើកឡើងថា នេះគឺជាពលិកម្មរបស់មនុស្សស្រី ដែលធ្វើសម្រាប់ក្រុមគ្រួសារសម្រាប់មនុស្សដែលខ្លួនស្រឡាញ់។ ដូច្នេះហើយ នាងទទួលយកដោយការពេញចិត្ត។
តាមវីដេអូឃ្លិបដែលមានរយៈពេល ៥នាទី បានឲ្យដឹងថា កូនក្នុងផ្ទៃរបស់ សូលីកា កាន់តែវិវត្តមកកាន់តែកៀកថ្ងៃប្រសូតមកហើយ ពោលគឺនៅប្រមាណជាង ១ខែទៀតប៉ុណ្ណោះ។ ដូច្នេះហើយ ឪពុកម្ដាយវ័យក្មេង ត្រូវបានគេឃើញបណ្ដើរគ្នាទៅទិញឥវ៉ាន់មួយចំនួនសម្រាប់កូនតូចរបស់ពួកគេហើយ៕