- 2020-05-13 04:08:00
- ព័ត៌មាន
តារាថៃទាំងនេះស្រាប់តែឡើងកូដខ្លាំងដៃ ពេលផ្ដាច់ខ្លួនក្លាយជាតារាឯករាជ្យ
- 2020-05-13 04:08:00
- ចំនួនមតិ 0 | ចំនួនចែករំលែក 0
តារាថៃទាំងនេះស្រាប់តែឡើងកូដខ្លាំងដៃ ពេលផ្ដាច់ខ្លួនក្លាយជាតារាឯករាជ្យ
ចន្លោះមិនឃើញ
តារាស្រីល្បីឈ្មោះប្រចាំថៃ ៣នាក់បានក្លាយជាតារាស្រីដែលមានការគាំទ្រខ្លាំង និងទទួលការងារសឹងរកពេលសម្រាកគ្មាន ក្រោយផ្ដាច់ខ្លួនធ្វើជាតារាឯករាជ្យ មានន័យថាមិនស្ថិតក្រោមផលិតកម្មឬក្រុមហ៊ុនណាទាំងអស់។
អ្នកទាំង ៣រួមមាន Baifern Pimchanok, Mai Davika និង Cheer Thikumporn៖
១. Baifern Pimchanok
នាងបានចាកចេញពីប៉ុស្តិ៍លេខ៧នៅក្នុងឆ្នាំ ២០១៦ ហើយបានក្លាយជាតារាស្រីស្ថិតនៅលំដាប់កំពូល ពេលបង្ហាញមុខក្នុងរឿង "Lhong Fai” របស់ទូរទស្សន៍ប៉ុស្តិ៍ ONE 31 ដើរតួ "Karn Kaew”។
ឈានចូលឆ្នាំ ២០១៩ Baifern ក៏រឹតតែមានឈ្មោះល្បីអស្ចារ្យ ពេលលេងរឿង «Bai Mai Tee Plid Plew» ឲ្យប៉ុស្តិ៍ ONE 31 ហើយជាពិសេសពេលសម្ដែងរឿង «Friendzone» ជាមួយនឹង Nine Naphat។
២. Mai Davika
Mai គឺជាតារាស្រីវ័យក្មេងដ៏មានប្រជាប្រិយម្នាក់ក្នុងចំណោមតារាស្រីលំដាប់ A របស់ថៃ។ ពេលនេះនាងគឺជាតារាឯករាជ្យ ក្រោយចប់កុងត្រាជាមួយនឹងប៉ុស្តិ៍លេខ៧ថៃ កាលពីឆ្នាំ២០១៥។ បន្ទាប់មក នាងក៏បានលេងរឿង «Plerng Naree» និង «Buang Bunjathorn» ឲ្យប៉ុស្តិ៍លេខ៣។
ជាមួយគ្នានោះនាងក៏បានរួមការងារជាមួយនឹងប៉ុស្តិ៍ ONE 31 ក្នុងរឿង «Chai Mai Jing Ying Tae», «Nang Sao Mai Jam Kad Nam Sakul», និង «My Ambulance: Ruk Chut Jai Nai Chuk Chern»។
៣. Cheer Thikumporn
នេះក៏ជាតារាស្រីដែលធ្លាប់ស្ថិតក្រោមការគ្រប់គ្រងរបស់ប៉ុស្តិ៍លេខ៧ដូចគ្នា ប៉ុន្តែក្រោយមកនាងក៏បានចាកចេញនៅឆ្នាំ ២០១៥ និងទទួលថតរឿង «The Cupids Series: Sorn Ruk Kammathep» ឲ្យប៉ុស្តិ៍លេខ ៣ថៃ។ ពេលនោះដែរនាងបានសម្ដែងជាមួយនឹង Toey Pongsakorn ហើយដោយសារស៊ីសង្វាក់គ្នាពេក ពួកគេថែមទាំងត្រូវអ្នកគាំទ្រចាប់គូថាសមគ្នាទៀតផង។ យ៉ាងណាមិញ ផ្អែកតាមប្រភពព័ត៌មាន បានបញ្ជាក់ថាឆាប់ៗ Cheer នឹងវិវត្តខ្លួនជាផលិតករភាពយន្តឲ្យប៉ុស្តិ៍លេខ៨៕
