- 2020-06-08 07:51:38
- ព័ត៌មាន
៤ ចំណុចបញ្ជាក់ច្បាស់ថា YoonA ជាតារាទន់ភ្លន់ ពូកែ និងចិត្តល្អម្នាក់មិនអាចខ្វះបានរបស់កូរ៉េ
- 2020-06-08 07:51:38
- ចំនួនមតិ 0 | ចំនួនចែករំលែក 0
៤ ចំណុចបញ្ជាក់ច្បាស់ថា YoonA ជាតារាទន់ភ្លន់ ពូកែ និងចិត្តល្អម្នាក់មិនអាចខ្វះបានរបស់កូរ៉េ
ចន្លោះមិនឃើញ
YoonA (ក្រុម Girls' Generation) គឺជាតារាស្រីដែលស្ថិតនៅបញ្ជីកំពូលសម្រស់របស់កូរ៉េ ហើយក្រៅពីនោះគ្រប់គ្នាក៏នាំគ្នាកោតសរសើរខ្លាំងអំពីទេពកោសល្យគ្រប់ទម្រង់របស់នាងដែរ។
មិនទាន់អស់ទេ អ្វីដែលធ្វើឲ្យអ្នកគាំទ្រជាច្រើនបន្ដការផ្ដល់នូវក្ដីស្រឡាញ់មិនចេះងស់ដល់តារាស្រីរូបនេះនោះ ក៏ព្រោះនាងជាមនុស្សចិត្តល្អ ឆ្លាត និងចេះសម្របខ្លួនគ្រប់កាលៈទេសៈ ពិសេសពូកែធ្វើបុណ្យណាស់។ ប្រសិនចង់បានភស្តុតាងបញ្ជាក់បន្ថែម ថាតើហេតុអ្វី YoonA សម្បូរអ្នកគាំទ្រ ដូចនេះសូមបង្ហាញហេតុផលដូចតទៅ៖
១. ឡានចាស់របស់នាងគឺស៊េរី Volkswagen Scirocco
ឡានប្រភេទនេះលក់រាយតម្លៃលើសពី ៣ម៉ឺនដុល្លារ តម្លៃនេះមិនថោកខ្លាំងនោះទេ តែជាទូទៅក្នុងនាមជាតារាល្បីឈ្មោះ អ្នកខ្លះតែងជិះឡានថ្លៃជាងនេះទៀត ឲ្យសមនឹងមុខមាត់ពួកគេ។ សម្រាប់ YoonA វិញមិនខ្វល់ឡើយ ក្នុងការជ្រើសឡានតម្លៃថ្លៃមកជិះ ហើយប្រការនេះហើយទើបមនុស្សជាច្រើន ស្រឡាញ់ត្រង់នាងមិនប្រកាន់ខ្លួន ត្រូវជិះឡានថ្លៃ ឬមានតម្លៃទាបយ៉ាងណាក៏ដោយ។ ប៉ុន្តែពេលនេះ នាងគឺជាម្ចាស់ឡាន Porche តម្លៃជាង ៨ម៉ឺនដុល្លារ ឯណោះ។
២. នាងអាចស៊ូ និងដោះស្រាយក្នុងកាលៈទេសៈលំបាក
ឈ្មោះជាតារាមែន ប៉ុន្តែមិនមែនមានន័យថា YoonA មិនចេះធ្វើអីសោះនោះទេ។ ជាក់ស្ដែងអ្នកខ្លះមិនមែនជាតារាមិនចេះជួសជុលបង្គន់ តែ YoonA អាចធ្វើបានដោយគ្មានបញ្ហា។ ដូចភាគមួយក្នុងកម្មវិធី Hyeri’s Homestay 2 នាងបានស្ម័គ្រចិត្តជួសជុលកុំឲ្យបង្គន់ស្ទះ ពេល Sang Soon ប្ដីរបស់ Lee Hyori មិននៅផ្ទះ។ នៅមានរឿងជាច្រើនទៀត ដែលសុទ្ធសឹងជាការងារក្នុងផ្ទះ YoonA អាចធ្វើបាន។
៣. YoonA ជាមនុស្សម្នាក់ដែលខំធ្វើការខ្លាំងណាស់
YoonA ក្លាយជាអ្នកហ្វឹកហាត់របស់ផលិតកម្ម SM កាលពីនាងមានអាយុ១២ឆ្នាំម្ល៉េះ ហើយនាងបានបង្ហាញមុខជាមួយ Girls' Generation រយៈពេល ៥ឆ្នាំបន្ទាប់។ មមាញឹកនឹងការងារសិល្បៈហើយ នាងក៏ត្រូវឆ្លៀតពេលឲ្យបានជាមួយនឹងការសិក្សាដែរ។ នាងបានបញ្ចប់ការសិក្សាពីវិទ្យាល័យ Daeyoung កាលពីឆ្នាំ ២០០៩ ថែមទាំងទទួលបានសញ្ញាប័ត្រជំនាញ Theater នៅឆ្នាំ ២០១៥ ពីសាកលវិទ្យាល័យ Dongguk។ ឈានដល់ពេលបច្ចុប្បន្ននេះ នាងកំពុងផ្ដោតលើការងារសម្ដែង ហើយនៅតែមានរឿងជោគជ័យជាបន្តបន្ទាប់។
៤. YoonA បានបរិច្ចាគទឹកប្រាក់ផ្ទាល់ខ្លួនជាច្រើនក្នុងយុទ្ធនាការសប្បុរសធម៌
តារាស្រីរូបនេះបានបរិច្ចាគប្រាក់កាសជួយអ្នកកំពុងជួបបញ្ហា និងត្រូវការជំនួយជាច្រើននៅប៉ុន្មានឆ្នាំកន្លងមកនេះ។ នាងចាប់ផ្ដើមចេញបរិច្ចាគតាំងពីឆ្នា ២០១០ និងក្លាយជាតារាចម្រៀងស្រីដំបូងដែលត្រូវក្លាយជាសមាជិករបស់ "Honor Society” នៅឆ្នាំ ២០១៥។ សមាជិក "Honor Society” ទាំងអស់ពិតជាបានផ្ដល់នូវការយកចិត្តទុកដាក់ និងតែងឈឺឆ្អាលក្នុងការជួយសង្គមដែលកំពុងជួបបញ្ហា តាមរយៈការឧបត្ថម្ភដោយស្ម័គ្រចិត្ត៕