- 2020-07-29 08:05:04
- ព័ត៌មាន
គ្រួសារត្រកូលខាត់ ជួបទុក្ខផ្ទួនៗក្នុងខែមិថុនា និងខែកក្កដា នេះ
- 2020-07-29 08:05:04
- ចំនួនមតិ 0 | ចំនួនចែករំលែក 0
គ្រួសារត្រកូលខាត់ ជួបទុក្ខផ្ទួនៗក្នុងខែមិថុនា និងខែកក្កដា នេះ
ចន្លោះមិនឃើញ
រយៈពេលតែជាង១ខែសោះ ក្នុងឆ្នាំ២០២០ នេះ គ្រួសារត្រកូលខាត់ បានបាត់បង់មនុស្សជាទីស្រឡាញ់ដល់ទៅ២នាក់។ ការបាត់បង់សាច់ញាតិផ្ទួននេះ បានធ្វើឲ្យកូនចៅសោកសង្រេង និងពិបាកធ្វើចិត្ដដើម្បីសម្របទៅតាមហេតុការណ៍ពិតដែលបានកើតឡើង។
បើតាមកូនចៅគ្រួសារត្រកូលខាត់ បងបង្កើតរបស់លោកគ្រូប្រពៃណី លាវ ខាត់ ឈ្មោះ លាវ សុខ បានទទួលមរណភាពកាលពីថ្ងៃទី២៧ ខែកក្កដា ឆ្នាំ២០២០ គឺនៅក្រោយមរណភាពរបស់លោកគ្រូ លាវ ខាត់ ដែលជាតារាចម្រៀង ខាត់ សុឃីម តែជាង១ខែប៉ុណ្ណោះ។
ខាត់ ស្រីវង ប្អូនរបស់ ខាត់ សុឃីម បានបង្ហោះសារដ៏ក្រៀមក្រំមួយកាលពីល្ងាចមិញនេះថា ពេលវេលានៅតែបន្តឆក់យកជីវិតមនុស្សជាទីស្រឡាញ់របស់នាងជាបន្តបន្ទាប់។ នាងថា នៅថ្ងៃទី២១ ខែមិថុនា លោកឪពុកនាងឈ្មោះ លាវ ខាត់ បានទទួលមរណភាព ហើយនៅថ្ងៃនេះ ទី២៧ ខែកក្កដា ឆ្នាំ២០២០ នេះលោកអ៊ុំប្រុស លាវ សុក ក៏ស្លាប់ទៀត។
គ្រួសារត្រកូលខាត់ បញ្ជាក់ថា លោក លាវ សុក ដែលមានវ័យចាស់ទៅហើយនោះ គឺជាបងប្រុសបង្កើតលោកគ្រូ លាវ ខាត់ ដែលពួកគាត់មានបងប្អូនតែពីរនាក់គត់។ ត្បិតថាសាច់ញាតិត្រកូលខាត់ដែលមានស្រុកកំណើតនៅស្រុកពញាឮ ខេត្តកណ្ដាល នេះ មិនបានបញ្ជាក់ពីមូលហេតុ នៃការស្លាប់របស់លោក លាវ សុក ប៉ុន្តែបងប្អូនបង្កើតទាំងពីរនាក់ដែលមានកូនចៅសុទ្ធតែជាអ្នកសិល្បៈនេះ មានវ័យលើសពី៦០ឆ្នាំហើយដែលជាវ័យជរាព្យាធិច្រើន៕