- 2020-09-15 05:52:02
- ព័ត៌មាន
ផលិតកម្មធំៗប្រកាសពីគម្រោងចេញបទថ្មីនៅត្រីមាសចុងក្រោយនៃឆ្នាំ ២០២០
- 2020-09-15 05:52:02
- ចំនួនមតិ 0 | ចំនួនចែករំលែក 0
ផលិតកម្មធំៗប្រកាសពីគម្រោងចេញបទថ្មីនៅត្រីមាសចុងក្រោយនៃឆ្នាំ ២០២០
ចន្លោះមិនឃើញ
កាលពីថ្ងៃទី ១៣ ខែកញ្ញា ឆ្នាំ ២០២០ eBest Investment Securities បានបង្ហាញពីតារាងគម្រោងថ្មីចេញពីផលិតកម្មធំៗរួមមាន៖ Big Hit, SM, JYP និង YG សម្រាប់ការងារចុងឆ្នាំ ២០២០។
ការបង្ហាញសង្ខេបនេះ មានទាំងការចេញអាល់ប៊ុមថ្មី និងគម្រោងបង្ហាញមុខក្រុមថ្មីៗផងដែរ។ តើមានក្រុមណាខ្លះដែលនឹងចេញបទចម្រៀងថ្មីស្វាគមន៍អ្នកគាំទ្រ? សុមទស្សនាដូចខាងក្រោម៖
១. ផលិតកម្ម Big Hit
NU'EST ដែលស្ថិតក្រោមការគ្រប់គ្រងរបស់ Big Hit នឹងចេញអាល់ប៊ុមជប៉ុនធំទី ២នៅថ្ងៃទី ០៧ ខែតុលា។ ក្រុមនេះនឹងចេញផ្សព្វផ្សាយស្នាដៃថ្មីរបស់ខ្លួនពីថ្ងៃទី ១០ ខែតុលាទៅ។ SEVENTEEN និង TXT គ្រោងនឹងត្រឡប់មកវិញនៅខែធ្នូ។ ចុងក្រោយក្រុម BTS ក៏មានដំណឹងល្អដែរ ពរ្ោះក្រុមបង្ហើបថាពួកគេនឹងវិលមកវិញនៅចុងឆ្នាំ ២០២០ជាថ្មីម្ដងទៀត។
២. ផលិតកម្ម SM
SM ក៏ជាក្រុមហ៊ុនដែលរវល់ជាមួយនឹងតារាជាប់រហូតដែរ ហើយផលិតកម្មនេះភាគច្រើនផ្ដោតលើក្រុមតូចៗ និងបទទោល។ Kai និង Baekhyun ក៏ដូចជា Onew នឹងចេញបទទោលរបស់ខ្លូននៅខែវិច្ឆិកា និងធ្នូ។ រីឯ EXO-SC (Sehun និង Chanyeol) គ្រោងវិលវិញជាលើកទី២ ប្រចាំឆ្នាំនៅខែធ្នូ ឯ NCT ក៏មិននៅទំនេរ ព្រោះអ្វីថ្មីនឹងបង្ហាញឆាប់ដូចគ្នា។ ចូលដល់ Red Velvet និង TVXQ ក៏អាចនឹងចេញបទថ្មីនៅខែធ្នូដូចគ្នា។ មិនត្រឹមតែប៉ុណ្ណោះ SM ក៏ប្រកាសដែរថា ក្រុមនារីថ្មីនឹងបង្ហាញខ្លួននៅចុងឆ្នាំ។
៣. ផលិតកម្ម JYP
ក្រុម GOT7 និង TWICE គ្រោងវិលវិញនៅខែតុលា ស្របពេល Stray Kids និង ITZY សម្រេច Comeback នៅខែធ្នូ។
៤. ផលិតកម្ម YG
BLACKPINK ក៏បានប្រកាសសម្រេចដែរថាពួកគេនឹងចេញអាល់ប៊ុមធំទី១ នៅថ្ងៃទី ០២ ខែតុលា។ បន្ថែមពីលើនេះសមាជិកម្នាក់ក្នុងចំណោម ៤នាក់នឹងចេញបទទោល។ ក្រុម WINNER និង iKON នឹងចេញអាល់ប៊ុមថ្មីនៅខែវិច្ឆិកា ។ ឈានចូលខែធ្នូ BIGBANG ក៏នឹងមានដំណឹងល្អដល់អ្នកគាំទ្ររបស់ខ្លួនដែរ៕