- 2020-10-21 03:11:15
- ព័ត៌មាន
អីយ៉ា! សាយ រត់ឆ្លងកាត់ខេត្តជាប់មាត់សមុទ្រ ទទួលបានអារម្មណ៍ប្លែក ហើយមានស្រីស្អាតនាំដើរលេងទៀត
- 2020-10-21 03:11:15
- ចំនួនមតិ 0 | ចំនួនចែករំលែក 0
អីយ៉ា! សាយ រត់ឆ្លងកាត់ខេត្តជាប់មាត់សមុទ្រ ទទួលបានអារម្មណ៍ប្លែក ហើយមានស្រីស្អាតនាំដើរលេងទៀត
ចន្លោះមិនឃើញ
រយៈពេលបីថ្ងៃជាប់ៗគ្នា នៃការរត់ដើម្បីសប្បុរសធម៌ជាមួយសាយ ទើបបានឆ្លងកាត់ខេត្តជាប់មាត់សមុទ្រចំនួនបី គឺខេត្តកែប កំពត និងខេត្តព្រះសីហនុ។ លោក អ៊ួន បឋម ហៅសាយ ត្រូវបានអាជ្ញាធរខេត្តទាំងបីទទួលស្វាគមន៍យ៉ាងកក់ក្ដៅ ហើយក្នុងគ្រាហ៍នោះសាយ ក៏ទទួលបានការរាក់ទាក់ពីនារីដ៏ស្រស់ស្អាតម្នាក់ទៀតផង។
នៅក្នុងវីដេអូឃ្លីបរយៈពេលជាង៩នាទី ដែលបង្ហោះដោយសាយតាមបណ្ដាញសង្គមម្សិលមិញ គេឃើញវត្តមានលោក និងក្រុមការងារ នៅលើឡានជាមួយនារីរូបស្រស់សោភាម្នាក់ដែលជាសមាជិក នៃសហភាពសហព័ន្ធយុវជនកម្ពុជាខេត្តកែប។ ឆ្លៀតពេលពីការរត់ដើម្បីមនុស្សធម៌ឆ្លងកាត់ខេត្តកែប សាយ ត្រូវបាននារីរូបស្រស់បាននាំដើរឲ្យស្គាល់កោះ និងតំបន់ទេសចរណ៍សំខាន់ៗជាច្រើនក្នុងខេត្តដោយភាពរួសរាយរាក់ទាក់។
២ថ្ងៃបន្ទាប់មក សាយ និងក្រុមការងារ បានលានារីរូបស្រស់នោះ ហើយបានរត់ឆ្លងកាត់ខេត្តកំពត និងខេត្តព្រះសីហនុ ដោយមានអាជ្ញាធរខេត្តទាំងពីរទទួលស្វាគមន៍ ព្រមទាំងបានជួយបំផុសនូវសកម្មភាពមនុស្សធម៌នេះទៀតផង។
កាលពីថ្ងៃទី១៩ ខែតុលា ឯកឧត្ដម គួច ចំរើន ក្នុងនាមរដ្ឋបាលខេត្តព្រះសីហនុ បានអនុញ្ញាតឲ្យសាយ និងក្រុមការងារចូលជួបសម្ដែងការគួរសម និងបានជួយកៀរគរសប្បុរសជនក្នុងខេត្ត ឲ្យបរិច្ចាគដល់សកម្មភាពមនុស្សធម៌នេះទៀតផង ដែលទទួលបានប្រាក់រៀលចំនួន១២លានរៀល និងដុល្លារចំនួន២៨០០ដុល្លារ។
ថ្ងៃនេះ សាយ រត់ចេញពីទឹកដីរដ្ឋបាលខេត្តព្រះសីហនុ ឆ្ពោះទៅកាន់ខេត្តកោះកុងបន្តទៀត។ បច្ចុប្បន្ន សាយ ទទួលរងនូវបញ្ហាសុខភាពយ៉ាងដំណំ ក្រោយពីរត់ក្រោមកម្ដៅថ្ងៃ និងទឹកភ្លៀងឆ្លងកាត់ជាប់ខេត្ដមាត់សមុទ្រទាំងនេះ។
សូមរំលឹកថា ខេត្ដ/ក្រុងដែលលោកត្រូវរត់ឆ្លងកាត់ទាំង២២ រួមមាន៖ ភ្នំពេញ កណ្ដាល កំពង់ស្ពឺ តាកែវ កំពត កែប ព្រះសីហនុ កោះកុង ពោធិ៍សាត់ បាត់ដំបង ប៉ៃលិន បន្ទាយមានជ័យ សៀមរាប ព្រះវិហារ រតនគិរី ស្ទឹងត្រែង មណ្ឌលគិរី ក្រចេះ ត្បូងឃ្មុំ កំពង់ចាម ស្វាយរៀង និងខេត្តព្រៃវែង។
ចំពោះសប្បុរសជន ដែលចង់បរិច្ចាគជាទឹកប្រាក់ អាចបរិច្ចាគបានតាមគណនីធនាគារ ABA : 000 320 555 (Angkor Hospital for Children Limited) ឬ Wing : 52714 (AHC Patient Contributions)។ សម្រាប់ព័ត៌មានលម្អិតក្នុងការចូលរួម ក៏ដូចជាតាមដានចំនួនទឹកប្រាក់ដែលបានបរិច្ចាគ សូមចូលទៅកាន់គេហទំព័រ saicambodianartist.com/ ។ ក្រៅពីគេហទំព័រនេះ ប្រិយមិត្តអាចតាមដានរាល់សកម្មភាពរបស់សាយអំឡុងពេលរត់ តាមរយៈទំព័រហ្វេសប៊ុករបស់ Sai, Channel YouTube របស់សាយ, ទំព័រហ្វេសប៊ុករបស់ Sabay ក៏ដូចជាគេហទំព័រ Sabay។
សម្រាប់ព័ត៌មានលម្អិតក្នុងការចូលរួម ក៏ដូចជាតាមដានចំនួនទឹកប្រាក់ដែលបានបរិច្ចាគ សូមចូលទៅកាន់គេហទំព័រ saicambodianartist.com/ ។ ក្រៅពីគេហទំព័រនេះ ប្រិយមិត្តអាចតាមដានរាល់សកម្មភាពរបស់សាយអំឡុងពេលរត់ តាមរយៈទំព័រហ្វេសប៊ុករបស់ Sai, Channel YouTube របស់សាយ, ទំព័រហ្វេសប៊ុករបស់ Sabay ក៏ដូចជាគេហទំព័រ Sabay៕
