- 2020-10-26 04:15:32
- ព័ត៌មាន
អេននី ហ្សាម ដែលប្រិយមិត្តបានឃើញឡើងគីឡូខ្លាំងពីអតីត ឥឡូវហក់មកទីផ្សារចម្រៀងវិញហើយ!
- 2020-10-26 04:15:32
- ចំនួនមតិ 0 | ចំនួនចែករំលែក 0
អេននី ហ្សាម ដែលប្រិយមិត្តបានឃើញឡើងគីឡូខ្លាំងពីអតីត ឥឡូវហក់មកទីផ្សារចម្រៀងវិញហើយ!
ចន្លោះមិនឃើញ
កញ្ញា អេននី ហ្សាម ច្រៀងៗសុខៗ ស្រាប់តែបានបាត់មុខច្រើនឆ្នាំដោយមិនមានមូលហេតុច្បាស់លាស់។ ឥឡូវនេះ មានតម្រុយថា តារាស្រីរូបនេះបានវិលមកការងារចម្រៀងជាថ្មីទៀតហើយ។
តាមការកត់សម្គាល់ អេននី ហ្សាម បានបាត់មុខក្រោយពីនាងចេញបទឆ្លងឆ្លើយនាយ គ្រឿន មួយបទមានចំណងជើងថា "សង្ស័យតែឆេះអ៊ីសេ" និងបទ "មនុស្សក្នុងរូបថត" កាលពីអំឡុងឆ្នាំ ២០១៤-២០១៥។ ចាប់តាំងពីពេលនោះមក នាងស្រាប់តែបន្សាត់ខ្លួនចេញឆ្ងាយពីការងាររាំច្រៀងរបស់នាងបាត់ស្ងាត់ឈឹង។ ប្រិយមិត្តអាចត្រឹមឃើញសកម្មភាពផ្ទាល់ខ្លួនខ្លះរបស់នាងតាមរយៈបណ្ដាញសង្គមហ្វេសប៊ុក និង IG របស់នាង។
តាមរយៈរូបភាពនានា ដែលតារាស្រីបង្ហោះនៅលើបណ្ដាញសង្គមទាំងពីរ អំឡុងពេលសម្រាកពីសិល្បៈ អេននី ត្រូវបានគេឃើញថានាង ឡើងគីឡូខ្លួនខ្លាំងណាស់។ ដូច្នេះហើយ គេជឿថា តារាស្រីទំនងមិនអាចងាកមកការងារសិល្បៈវិញនោះទេ។ ប៉ុន្តែថ្មីៗនេះ គេស្រាប់តែឃើញម្ចាស់បទ "ខូចអារម្មណ៍" បង្ហាញខ្លួននៅក្នុងក្រុមការងារថតរបស់ផលិតកម្មថោន និងមិត្តរួមទ្រនំរបស់នាងឡើងវិញ។
ដូច្នេះហើយ គេសង្ស័យថា នាងទំនងត្រឡប់មករកការងាររបស់នាងវិញ ក្រោយពីបានសម្រាកជាច្រើនឆ្នាំ។ បញ្ហានេះ សាមីខ្លួន នៅមិនទាន់អាចសុំទំនាក់ទំនងដើម្បីធ្វើអធិប្បាយបាននៅឡើយ។ ប៉ុន្តែប្រភពមួយផ្សេងទៀត ដែលនៅមិនឆ្ងាយពីតារាស្រី បានបង្ហើបថា ជាការពិត គឺ អេននី ហ្សាម បានត្រឡប់មកវិញហើយ។
ប្រភពមិនបញ្ចេញអត្តសញ្ញាណ ប្រាប់ថា អេននី ហ្សាម បានបាត់មុខជាច្រើនឆ្នាំ ដោយសារតែនាងជ្រុលខ្លួន ឲ្យឡើងគីឡូខ្លាំង ទើបសម្រេចផ្អាកការងារសិន។ ប៉ុន្តែឥឡូវ តារាស្រីរូបនេះ បានសម្រេចវិលត្រឡប់មកវិញហើយ ក្រោយពីនាងអាចសម្រកគីឡូបានខ្លះ។ "បាទគាត់ឈប់យូរហើយ ដោយសារគាត់ឡើងគីឡូពេក ឥឡូវគាត់មកវិញហើយបង!”។ ប្រភពថ្លែង។
ចំពោះការវិលត្រឡប់មកលើកនេះ អេននី ហ្សាម បានចូលរួមថតបទចម្រៀងមួយចំនួនរួចហើយ ហើយបើតាមគម្រោង បទថ្មីរបស់នាង នឹងចេញជាបន្តបន្ទាប់ក្នុងពេលឆាប់ៗនេះ៕