- 2020-11-16 03:33:34
- ព័ត៌មាន
ធ្លាយហើយ! ដំណឹងរៀបអាពាហ៍ពិពាហ៍របស់ ពេជ្រ សោភា ជាមួយនឹង ឆឹម សក្កដា
- 2020-11-16 03:33:34
- ចំនួនមតិ 0 | ចំនួនចែករំលែក 0
ធ្លាយហើយ! ដំណឹងរៀបអាពាហ៍ពិពាហ៍របស់ ពេជ្រ សោភា ជាមួយនឹង ឆឹម សក្កដា
ចន្លោះមិនឃើញ
តារាសម្ដែង និងជាតារាចម្រៀងរបស់ផលិតកម្មថោន លោក ឆឹម សក្កដា បានបង្ហើបពីគម្រោងរៀបការជាមួយតារាចម្រៀងល្បីឈ្មោះម្នាក់នៅហង្ស មាសហើយ គឺអ្នកនាង ពេជ្រ សោភា ក្រោយពីអ្នកគាំទ្ររបស់តារាទាំងពីរដួងនេះ ឃើញពួកគេបង្កើតភាពស្និទ្ធស្នាលនឹងគ្នាជាច្រើនឆ្នាំហើយ តែមិនទាន់ដឹងថាចូលរោងការនៅពេលណា។
លោក ឆឹម សក្កដា បានប្រាប់ Sabay ថា រូបលោក និងសោភាបានយល់ចិត្តថ្លើមគ្នាស្ទើរ៩៩% ហើយ។ ចំពោះថ្ងៃ និងខែចូលរោងការជាក់លាក់ នឹងត្រូវជ្រើសរើសជាថ្មីនៅក្នុងឆ្នាំ២០២២។ លោកបញ្ជាក់ថា លោកមានលទ្ធភាពរៀបចំពិធីមង្គលការពេលណាក៏បាន ប៉ុន្តែនៅមានរឿងខ្លះទៀតដែលត្រូវបំពេញមុនចូលរោងការ ហើយរឿងទាំងនោះ មានតែលោក និងសោភា ប៉ុណ្ណោះដែលដឹងច្បាស់ ហើយត្រូវធ្វើយ៉ាងណាដើម្បីបង្កើតសុភមង្គលគ្រួសារ។
លោក ឆឹម សក្កដា៖"រាល់ថ្ងៃពួកយើងអត់មានអីដែលត្រូវប្រែប្រួលផង ក្ដីស្រឡាញ់ពួកយើងមិនមានដាក់លក្ខខណ្ឌឲ្យគ្នាទេ អីចឹងយើងនឹងផ្ដល់ចម្លើយឲ្យគ្នាទៅវិញទៅមកនៅថ្ងៃហ្នឹង ហើយការរៀបការក៏កើតឡើងពេលហ្នឹងដែរ"។
ចំពោះជីវិតអាពាហ៍ពិពាហ៍ ឬការរស់នៅក្នុងភាពជាប្ដី-ប្រពន្ធ មិនមែនជារឿងថ្មីចែសទេ សម្រាប់គូរស្នេហ៍តារា១គូរនេះ។ ពោលគឺលោក ឆឹម សក្កដា ធ្លាប់ជួបរួមរស់ជាមួយនារីក្រៅសិល្បៈម្នាក់រួចហើយកាលពី៦ឆ្នាំមុន ប៉ុន្តែរូបលោក និងគូរស្នេហ៍បានចែកផ្លូវគ្នាទៅវិញ ព្រោះតែនារីម្នាក់នោះហួងហែងលោកពេក ហើយមិនចង់ឲ្យលោកប្រឡូកក្នុងសិល្បៈ។ រីឯ ពេជ្រ សោភា វិញក៏ធ្លាប់បានរៀបការម្ដងហើយដែរ តែបន្តិចក្រោយមកក៏បែកគ្នាទៅវិញ។
បច្ចុប្បន្នលោក ឆឹម សក្កដា និងពេជ្រ សោភា មានវ័យ៣៥ឆ្នាំដំណាលគ្នា ហើយអ្នកទាំងពីរមានទំនាក់ទំនងស្នេហាក្រៅឆាកយ៉ាងស្និទ្ធស្នាលអស់រយៈពេលជាង៤ឆ្នាំហើយ។ ប៉ុន្តែពួកគេបានសម្រេចចិត្តមិនរស់នៅក្រោមដំបូលផ្ទះតែមួយដូចតារាមួយចំនួននៅមុនពេលរៀបមង្គលការ ឬក្រាបផ្ទឹមនៅចំពោះមុខចាស់ទុំនោះឡើយ៕