- 2020-11-19 03:30:48
- ព័ត៌មាន
តោះ...ទៅដឹងពីអាថ៌កំបាំងក្រៅឆាកក្នុងរឿងម៉ាក់ថឺង មុនផ្ទុះភាពល្បីល្បាញនាអំឡុងឆ្នាំ២០០០!
- 2020-11-19 03:30:48
- ចំនួនមតិ 0 | ចំនួនចែករំលែក 0
តោះ...ទៅដឹងពីអាថ៌កំបាំងក្រៅឆាកក្នុងរឿងម៉ាក់ថឺង មុនផ្ទុះភាពល្បីល្បាញនាអំឡុងឆ្នាំ២០០០!
ចន្លោះមិនឃើញ
អតីតតារាសម្ដែង និងជាពិធីការិនី ហើយបច្ចុប្បន្នជាផលិតករភាពយន្តល្បីឈ្មោះម្នាក់ គឺអ្នកស្រី ព្រំ រដ្ឋា រំលឹកគ្រាហ៍មួយដែលរូបនាងទទួលការស្ដីបន្ទោសខ្លាំងៗពីអ្នកដឹកនាំសម្ដែងព្រោះតែការសម្ដែងលើកដំបូងរបស់នាងមិនសូវបានកាយវិការ និងដាក់អារម្មណ៍សម្ដែងមិនបានល្អ។
អ្នកស្រី ព្រំ រដ្ឋា ដែលជាតួអង្គម៉ឺយចឺយក្នុងវីដេអូបទចម្រៀងម៉ាក់ថឺង បានប្រាប់ Sabay ថា អ្នកស្រីធ្លាប់ស្រក់ទឹកភ្នែកតែម្ដងគត់ក្នុងវិស័យសិល្បៈជាង២០ឆ្នាំ ព្រោះតែអ្នកដឹកនាំសម្ដែងក្នុងវីដេអូបទចម្រៀងម៉ាក់ថឺនាឆ្នាំ១៩៩៩ សម្រាប់ចេញលក់VCDនៅឆ្នាំ២០០០ ស្ដីបន្ទោស។ ពាក្យគ្រោតគ្រាតជាច្រើន ដែលមិនធ្លាប់លឺទាល់តែសោះចេញពីមាត់ឪពុក-ម្ដាយ ប៉ុន្តែបែរជាពាក្យទាំងនេះចេញពីមាត់របស់អ្នកដឹកនាំសម្ដែងទៅវិញ។
ព្រំ រដ្ឋា៖"គាត់ស្ដីឲ្យរហូតដល់យើងតូចចិត្តយំ ហើយយើងសម្ដែងបានល្អ ព្រោះរឿងគាត់សម្រិតសម្រាំងគាត់ស្ដីឲ្យហើយស្ដីទៀតៗ ហើយយើងក៏អគុណគាត់ដែរ ព្រោះយើងជោគជ័យក្នុងអាជីពសម្ដែងក៏ដោយសារការស្ដីបន្ទោសរបស់គាត់។ ខ្ញុំនៅតែស្រឡាញ់ការសម្ដែង ហើយចាំជាងគេគឺអនុស្សាវរីយ៍ថតរឿងម៉ាក់ថឺងហ្នឹង"។
ផលិតករភាពយន្ត ព្រំ រដ្ឋា ដែលបច្ចុប្បន្នមានវ័យ៤១ឆ្នាំ ធ្លាប់ធ្វើជាពិធីការិនីនៅស្ថានីយទូរទស្សន៍ប៉ុស្ដិ៍បាយ័ន ក្រោយមកគឺនៅឆ្នាំ១៩៩៩ បានចាប់យកអាជីពសម្ដែងបន្ដទៀត។ ស្នាដៃលេចធ្លោរបស់នាង គឺមានក្នុងវីដេអូទចម្រៀងយីកេរឿងម៉ាក់ថឺងដែលថតជាតួអង្គឯកជាមួយលោក បេ វណ្ណារ៉ា ព្រមទាំងរឿងដុំជាច្រើនទៀត មានដូចជារឿង"ព្រះលក្សិណវង្សនាងព្រាហ្មណ៍កេសរ" រឿង"ពូជមួយត្រួយពីរ" និងរឿង"រឿងព្រះធិនវង្ស"ជាដើម៕
