- 2021-01-11 08:05:36
- ព័ត៌មាន
សប្បាយតិចអី! ដើមឆ្នាំថ្មី ទឹម រដ្ឋា ទទួលបានកាដូរថយន្តប្រណិត១គ្រឿងពីប៉ាក្នុងថ្ងៃខួបកំណើត!
- 2021-01-11 08:05:36
- ចំនួនមតិ 0 | ចំនួនចែករំលែក 0
សប្បាយតិចអី! ដើមឆ្នាំថ្មី ទឹម រដ្ឋា ទទួលបានកាដូរថយន្តប្រណិត១គ្រឿងពីប៉ាក្នុងថ្ងៃខួបកំណើត!
ចន្លោះមិនឃើញ
តារាបង្ហាញម៉ូដ និងសម្ដែងស្រីវ័យជ្រេ ទឹម រដ្ឋា បានបង្ហាញពីភាពសប្បាយរីករាយរបស់ខ្លួន ក្រោយនាងទទួលបានកាដូដ៏ធំ និងលើកដំបូងបង្អស់ពីប៉ារបស់ខ្លួនក្នុងថ្ងៃខួបកំណើតឆ្នាំនេះ។ នោះ គឺរថយន្តមួយគ្រឿងម៉ាក "MG" ដែលមានតម្លៃរាប់ម៉ឺនដុល្លារ។
រដ្ឋា បានបញ្ចេញរឿងនេះ ប្រាប់អ្នកគាំទ្ររបស់ខ្លួននៅលើហ្វេសប៊ុកភ្លាមៗ ក្រោយទទួលកាដូដ៏ធំនេះ តាមរយៈវីដេអូខ្លី១ ក្នុងថ្ងៃខួបកំណើតរបស់នាងកាលពីថ្ងៃទី៩ ខែមករា។ វីដេអូនេះ បង្ហាញពីសកម្មភាពទទួលកាដូដ៏ប្រណីតពីលោកប៉ា អមជាមួយសង្សាររបស់នាងក្នុងថ្ងៃនោះ គេឃើញតារាស្រីរូបនេះ មានផ្ទៃមុខឡើងក្រហម និងសើចសប្បាយរីករាយបំផុត ហើយនិយាយថា បុរសទាំងពីរនាក់នេះ បានផ្ដល់សេចក្ដីសុខឲ្យនាងច្រើនបំផុត។
ទឹម រដ្ឋា៖"ខ្ញុំគ្រាន់តែចង់បង្ហាញពីការស្រឡាញ់ ការផ្ដល់ពេលវេលា និងភាពស្និទ្ធស្នាលពីក្រុមគ្រួសាររបស់ខ្ញុំ និងតែងតែទទួលបានភាពកក់ក្ដៅពីម្ចាស់ជីវិតរបស់ពួកយើង គឺ(ប៉ា)"។
ប្រិយមិត្តរបស់នាងជាច្រើន បានចូលមកសម្ដែងភាពត្រេកអរ និងសាទរតារាស្រី ដោយខ្លះបានសរសើរសំណាងរបស់ រដ្ឋា ដែលមានឪពុកល្អ ស្រឡាញ់ និងគិតគូរពីកូន។ ឯខ្លះទៀត ពួកគេក៏សរសើរចំៗទៅលើកាដូមួយនេះ រថយន្តដែលដាក់ជាកាដូ ពិតជាស្អាត ពោរពេញដោយប្រណិតភាព ស៊ីគ្នានឹងតារាស្រី។ ដូច្នេះហើយ គេជឿថា រថយន្តមួយគ្រឿងនេះ មានតម្លៃមិនធម្មតានោះទេ។
ទោះជាយ៉ាងណា គិតត្រឹមពេលនេះ ឡានសេរីទំនើប ប៉ារបស់តារាស្រីរូបនេះទិញសម្រាប់ជាកាដូពិសេសដល់កូននេះ មិនទាន់មានតម្លៃលេចឡើងផ្លូវការនោះទេ ខណៈសាមីខ្លួនមិនទាន់អាចសុំការអធិប្បាយនៅឡើយ។
ទឹម រដ្ឋា តែងតែធ្វើពិធីខួបកំណើត និងទទួលបានកាដូជាច្រើនពីមិត្ដភក្ដិ និងសង្សារ ប៉ុន្ដែប្លែកនៅឆ្នាំនេះនាងទទួលបានកាដូពិសេសពីលោកប៉ារបស់នាងដោយផ្ទាល់តែម្ដង៕
