• 2021-02-08 01:57:32
  • ព័ត៌មាន

បើមាន SuperM នារី តើតារាស្រីជើងខ្លាំងណាខ្លះ សមជាសមាជិកក្រុមនេះ?

  • 2021-02-08 01:57:32
  • ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីឆ្នាំ ២០១៩ ផលិតកម្ម SM បាន​បង្កើត​ក្រុម​ចម្រៀង​បុរស​ SuperM ដែល​សមាជិក​ សុទ្ធ​តែ​មក​ពី​ក្រុម​ចម្រៀង​ល្បីៗប្រចាំផលិតកម្ម​នេះ​ផ្ទាល់។ ពេល​នេះ​បណ្ដាញ​ផ្សព្វផ្សាយ​ជា​ច្រើនរបស់​កូរ៉េ​ Insight បាន​ចេញ​ផ្សាយ អត្ថបទ​ព័ត៌មាន​មួយថា​តើ​តារា​កូរ៉េនារីមួយណា​ពីក្នុង​ផលិតដដែល​នេះ​ ដែលសម​នឹង​ក្លាយជា​ក្រុម SuperM Version នារី?

ដូច​ប្រិយមិត្ត​បាន​ជ្រាប​ស្រាប់​ថា​ក្រុម​ SuperM មាន​តាំងពីសមាជិក​មក​ពី​ក្រុម SHINee, EXO និង​ NCT ដូចជា​ Taemin, Baekhyun, Kai, Ten, Lucas, Taeyong និង​ Mark ជា​ដើម។ ឯកេរ្តិ៍ឈ្មោះ​របស់​ក្រុម​ពិត​ជា​ហក់ឡើង​អស្ចារ្យ​ណាស់ ពិសេស​ប៉ែកអឺរ៉ុប។

ដូច្នេះ​ចង់​ដឹង​ថា បើ​សិន​ SM បង្កើត​ក្រុម​នារី តើ​អ្នកណា​សម​ជា​សមាជិក​ខ្លះ? ខាងក្រោម​នេះ​ជាអ្នក​ដែល​វិបសាយ​ Insight បាន​ជ្រើសរើស៖

១. Taeyeon (Girls' Generation)

ពិតណាស់ នាងជា​ Main Vocalist និងមេក្រុម​ Girls' Generation។ សមត្ថភាពច្រៀង​របស់​ Taeyeon គ្រប់គ្នា​ប្រាកដជា​ដឹងថា​ ខ្ពស់ត្រដែត​ខ្លាំង​កម្រិតណា។ ដូច្នេះគ្រប់គ្នា​ជឿជាក់ថា ប្រសិន​ SuperM (នារី)បង្កើត​មែន ១០០ភាគរយ​ Taeyeon សម​ជា​មេក្រុម និង​ Main Vocalist ណាស់។

២. Irene (Red Velvet)

នាងជា Idol ដែល​សម្បូរអ្នក​ស្រឡាញ់ មិនថា​ប្រុស ឬស្រីដោយសារសម្រស់នាង​លេចធ្លោខ្លាំង។ បើ​ចូល​ក្រុម SuperM នារី នាង​សមជា Visual (សមាជិក​មុខស្អាត) និង​ Sub-Vocalist ប្រចាំក្រុម។

៣. Seulgi (Red Velvet)

ពីមួយ​ឆ្នាំទៅមួយឆ្នាំ Seulgi កាន់​តែ​មាន​អ្នក​ចាប់អារម្មណ៍ច្រើន ហើយ​កាន់​តែ​ល្បី​ដោយសារ​ទេពកោសល្យរាំ និង​សំឡេង​ស្រែកច្រៀង​ដ៏គ្រលួច។ ងាកចូល​ក្រុម SuperM នារីវិញSeulgi សម​ជា​ Main Dancer និង​ Lead Vocalist។

៤. Karina (aepsa)

ទើប​ Debut ក៏ពិត​មែន​ ប៉ុន្តែ​ប្រជាប្រិយភាព​របស់​នាង​ហក់ឡើង​ខ្លាំង​ស្មាន​មិន​ដល់​ក្នុង​រយៈពេល​ដ៏​ខ្លី ដោយសារ​មន្តស្នេហ៍ទាក់ទាញ​លើ​ឆាក។ ក្នុង​ក្រុម aespa គឺជា​មេក្រុម និង​ក៏មាន​នាទី​ជា Main Dancer. Lead Rapperនិង​ Sub-Vocalist ប៉ុន្តែ​បើ​នាង​ត្រូវ​បាន​ជ្រើសចូល​ក្រុមថ្មី​នេះ​មែន​ នាងអាចនឹង​ក្លាយជា​ Main ឬ Lead Dancer និង​ Sub-Vocalist។

៥. Winter (aespa)

នាង​មាន​ទាំង​សម្រស់ និង​សមត្ថភាព​គ្រប់បែប​យ៉ាង​ក្នុង​វិស័យ K-Pop។ ខ្លះមាន​ទាំង​លាន់​មាត់​ទៀត​ថា​ Winter ស្រដៀង​នឹង​ Taeyeon ទាំង​មុខមាត់ និង​សមត្ថភាពច្រៀង ដូច្នេះ​ តើល្អ​យ៉ាងណា​ទៅ​ បើ​ពួកគេ​ក្លាយជា​ក្រុម​តែមួយនោះ? រីឯ​តួនាទីដែល​ស័ក្តិសម​ជាមួយ​នឹង​ Winter ជាងគេ​មាន​ Lead Vocalist នេះឯង៕​

ប្រភព៖ kpopstarz ប្រែ​សម្រួល៖ យី សុធារី

មតិយោបល់