- 2021-02-13 01:25:00
- ព័ត៌មាន
រ៉ូមែនទិកណាស់ ភាពយន្តស្នេហា ស្រីស្អាត មីណា ប្រុសសង្ហា ហេង វិសាល បញ្ចាំងស្អែកនេះហើយ
- 2021-02-13 01:25:00
- ចំនួនមតិ 0 | ចំនួនចែករំលែក 0
រ៉ូមែនទិកណាស់ ភាពយន្តស្នេហា ស្រីស្អាត មីណា ប្រុសសង្ហា ហេង វិសាល បញ្ចាំងស្អែកនេះហើយ
ចន្លោះមិនឃើញ
ស្រីស្អាត មីណា និងប្រុសសង្ហា ហេង វិសាល បានជួបគ្នាក្នុង ខ្សែភាពយន្តខ្នាតខ្លីប្រភេទស្នេហាយុវវ័យថ្មីមួយ ផលិតកម្មដោយ Cellcard ត្រៀមនឹងចាក់បញ្ចាំងជូនប្រិយមិត្តបានទស្សនាក្នុងឱកាសបុណ្យនៃក្ដីស្រឡាញ់ខាងមុខនេះហើយ។
ភាពយន្តខ្នាតខ្លីមួយនេះ មានចំណងជើងថា "ក្ដីស្រឡាញ់ដែលអ្នកផ្ដល់ឲ្យ" ជាភាពយន្តទី២ របស់ ក្រុមហ៊ុនផ្គត់ផ្គង់សេវាទូរស័ព្ទចល័តខាងលើ បន្ទាប់ពីជោគជ័យក្នុងរឿងទី១ "ផ្កាយក្នុងបេះដូង" កាលពីពេលកន្លងមក។ ទាំងពីររឿងសុទ្ធជារឿង បរិយាយពីស្នេហា Cute Cute របស់យុវវ័យសម័យថ្មី។
ដូច្នេះហើយ បើអ្នកតំណាងក្រុមហ៊ុន Cellcard ក្រុមហ៊ុនដែលបច្ចុប្បន្ន បានលូកកាន់តែជ្រៅទៅៗក្នុងការងារសិល្បៈ បានឲ្យដឹងថា ភាពយន្តនេះ ត្រូវបានសម្រិតសម្រាំងជាពិសេស ក្នុងចេតនា ធ្វើជាអំណោយសម្រាប់អតិថិជនរបស់ខ្លួនទាំងអស់ ពិសេសយុវវ័យនៅក្នុងឱកាសថ្ងៃបុណ្យនៃសេចក្ដីស្រឡាញ់ដែលនឹងមកដល់ចុងសប្ដាហ៍នេះ។
"ក្ដីស្រឡាញ់ដែលអ្នកផ្ដល់ឲ្យ" ឬ "The Love You Gave" ឆ្លុះបង្ហាញពីស្នេហាយុវវ័យមួយគូដែលជួបគ្នាក្នុងកាលៈទេសៈមិននឹកស្មានដល់។ មីណា ដ៏ស្រស់សោភា ស្រាប់ជួបរឿងខកចិត្តជាមួយអ្នកទី១ ធ្វើឲ្យនាងបាត់អស់ភាពស្រស់ថ្លា រស់ក្នុងភាពទូលទុក។
ប៉ុន្តែអ្វីៗ មិនទាន់អស់ផ្លូវ ក្រោយពីគិតឃើញផ្លូវត្រូវមួយសម្រាប់ខ្លួនឯង ទីបំផុតនាងក៏អាចរកឃើញស្នេហាពិតមួយជាមួយអ្នកថ្មីទៀត។ អ្នកទី១ជានរណា ធ្វើអ្វីដាក់ មីណា ហើយជួបអ្នកទី២ ដោយរបៀបណា ចាំទស្សនាទាំងអស់គ្នា។
រឿង “ក្តីស្រឡាញ់ដែលអ្នកផ្តល់ឲ្យ” នឹងចាក់ផ្សាយ នៅថ្ងៃទី 13 ខែ កុម្ភៈ សម្រាប់ថ្ងៃនៃក្តីស្រឡាញ់។ រឿងនេះចង់លើកទឹកចិត្តយុវវ័យ ឲ្យចេះស្រឡាញ់ខ្លួនឯង និងធ្វើអ្វីដើម្បីក្តីសុបិន ឲ្យបានច្រើន។ មិនថាអ្នកមានគូ ឬនៅលីវ រឿងនេះនឹងជួយរំលឹកអ្នកឲ្យចេះគិតគូរពីខ្លួនឯងជាងមុន។ កាន់តែប្រសើរពីរឿងនេះ ប្រិយមិត្តនឹងដឹងពីវិធីចំណេញពិសេស ពេលប្រើ Cellcard នៅក្នុងរឿងនេះ ថែមទៀត៕
តោះ ទស្សនា Trailer ទាំងអស់គ្នាមុនសិន៖