- 2021-03-15 03:25:32
- ព័ត៌មាន
តារាហង្សមាសទាំងពីរដួងនេះបង្ហាញពីភាពកណ្ដោចកណ្ដែងដូចគ្នានៅមុន និងក្រោយព្យាបាលជំងឺកូវីដ-១៩
- 2021-03-15 03:25:32
- ចំនួនមតិ 0 | ចំនួនចែករំលែក 0
តារាហង្សមាសទាំងពីរដួងនេះបង្ហាញពីភាពកណ្ដោចកណ្ដែងដូចគ្នានៅមុន និងក្រោយព្យាបាលជំងឺកូវីដ-១៩
ចន្លោះមិនឃើញ
រឿងដែលនឹកស្មានមិនដល់ចំពោះសិល្បករ-សិល្បការិនីខ្មែរ បានកើតឡើងហើយ។ នោះការឆ្លងជំងឺកូវីដ-១៩ ពីម្នាក់ទៅម្នាក់ដែលគិតដល់ព្រឹកថ្ងៃទី១៥ ខែមីនា នេះក៏នៅតែមានអ្នកឆ្លង និងអ្នកសង្ស័យថាមានវិជ្ជមានជំងឺផ្លូវដង្ហើមដ៏កាចសាហាវមួយនេះនៅក្នុងចង្កោមអ្នកសិល្បៈ។
ខណៈដែលតារាចម្រៀង សម្ដែង និងដឹកនាំរឿង ភាគច្រើនចេញពីផលិតកម្មរស្មីហង្សមាស កំពុងស្ថិតនៅដំណាក់កាលតាមដានសុខភាព និងខ្លះកំពុងសម្រាកព្យាបាលជំងឺកូវីដ-១៩ នៅសណ្ឋាគារ Great Duk នោះ គេងសង្កេតឃើញតារាចម្រៀងស្រីរបស់ផលិតកម្មនេះចំនួនពីរដួង បានបង្ហាញភាពកណ្ដោចកណ្ដែងដូចគ្នាពេលទៅព្យាបាលជំងឺ។
ល្ងាចមិញកញ្ញា វី ឌីណែត បានអង្គុយសំកុកក្បែរបង្អួចកញ្ចក់មួយ ហើយភ្នែកនាងសម្លឹងមើលទៅសាច់ញាតិដែលមកសួរសុខទុក្ខ និងយកអីវ៉ាន់មកផ្ញើយ៉ាងកណ្ដោចកណ្ដែង។ វី ឌីណែត បានបង្ហោះសារមួយតាមបណ្ដាញសង្គមFacebook ថា៖"ដឹងអត់ថានៅក្នុងរូបខ្ញុំកំពុងធ្វើអី? គឺខ្ញុំកំពុងអង្គុយមើលបងស្រីដែលយកសម្ភារៈប្រើប្រាស់ និងអាហារបន្តិចបន្តួចមកផ្ញើនាងខ្ញុំ។ ពួកយើងបានត្រឹមឃើញគ្នាពីចម្ងាយ លើកដៃបក់ហៅគ្នាប៉ុណ្ណោះ"។
តារាចម្រៀងស្រីរូបនេះបញ្ជាក់ថា បងប្អូនរបស់នាងផ្សេងទៀត ក៏ត្រូវបានធ្វើចត្តាឡីស័ក គឺស្ថិតនៅក្នុងដំណាក់កាលតាមដានសុខភាពរយៈពេល១៤ថ្ងៃ តាមការណែនាំរបស់ក្រសួងសុខាភិបាល។
ចំណែកអ្នកនាង សុគន្ធ នីសា វិញក៏ធ្លាប់បង្ហាញសកម្មភាពដ៏កណ្ដោចកណ្ដែងស្រដៀងទៅនឹងកញ្ញា វី ឌីណែត នេះដែរ។ នោះគឺសកម្មភាពដែលនាងលើកដៃលាអ្នកផ្ទះមុនចេញដំណើរទៅព្យាបាលជំងឺកូវីដ-១៩ នៅសណ្ឋាគារ Great Duke។
នៅមុនឡើងឡានពេទ្យចេញទៅព្យាបាលជំងឺ បន្ទាប់ពីធ្វើតេស្តរកឃើញថាវិជ្ជមានជំងឺ-១៩ កាលពីរសៀលថ្ងៃទី១០ ខែមីនា តារាចម្រៀងសំឡេងស្រទន់ប្រចាំនៅផលិតកម្មរស្មីហង្សមាសរូបនេះ បានលើកដៃលាអ្នកផ្ទះក្នុងសំលៀកបំពាក់ពណ៌ស ខណៈក្រុមជំនាញកំពុងបើកទ្វាឡានផ្នែកខាងក្រោយរង់ចាំឲ្យនាងឡើងជិះ ដើម្បីដឹកចេញទៅព្យាបាល។ ទិដ្ឋភាពនេះហើយដែលធ្វើឲ្យអ្នកគាំទ្ររបស់នាង មានអារម្មណ៍ក្ដុកក្ដួល និងខ្លោចចិត្តអាណិតនាង។
បន្ទាប់ពីភ្លាត់ខ្លួនឆ្លងជំងឺកូវីដ-១៩ ហើយស្ថិតនៅក្នុងដំណាក់កាលសម្រាកព្យាបាលនេះ ទាំងកញ្ញា វី ឌីណែត និងសុគន្ធ នីសា បានអំពាវនាវឲ្យអ្នកគាំទ្ររបស់ខ្លួនបង្កើនការប្រុងប្រយ័ត្នទាំងអស់គ្នាចំពោះជំងឺផ្លូវដង្ហើមដ៏កាចសាហាវមួយនេះ៕