- 2021-03-15 05:13:13
- ចម្រៀង
សិស្សវគ្គបង្រៀននិពន្ធរបស់ យឹម តាស្រង់ ស្អាតហើយ ទឹកដៃមិនធម្មតា
- 2021-03-15 05:13:13
- ចំនួនមតិ 0 | ចំនួនចែករំលែក 0
សិស្សវគ្គបង្រៀននិពន្ធរបស់ យឹម តាស្រង់ ស្អាតហើយ ទឹកដៃមិនធម្មតា
ចន្លោះមិនឃើញ
វគ្គសិក្សាឯកជនរបស់លោក យឹម តាស្រង់ ដែលបានបើកដំណើរប្រមាណ ៣ខែមកហើយនោះ នៅពេលនេះបានរកឃើញសិស្សមួយរូបមិនត្រឹមតែមានរូបរាងស្អាត តែទឹកដីនិពន្ធក៏មិនធម្មតាដែរ។
កូនសិស្សរូបនេះ មានឈ្មោះ "La Phim” ជាបេក្ខភាពលេចធ្លោមួយនៅក្នុងវគ្គ ហើយនៅថ្ងៃនេះបានបញ្ចេញស្នាដៃថ្មីមួយឲ្យ Galaxy Navatra មានចំណងជើងថា "ម្ហូបម៉ែនៅតែឆ្ងាញ់" ច្រៀងដោយ អ៊ុក សុវណ្ណារី និងនិពន្ធបទភ្លេង ប្រុសម៉ៅ។
បទចម្រៀងទើបនឹងចេញផ្លូវការនៅលើយូធូបរបស់ផលិតកម្មនៅថ្ងៃនេះ ដែល អត្ថន័យពោរពេញទៅដោយមនោសញ្ចេតនាលាតត្រដាងអំពីជីវិតកាលនៅស្រុកកំណើត។ដើម្បីភាពរីកចម្រើនក្នុងឆាកជីវិត នារីម្នាក់បានចាកចេញឆ្ងាយស្រុកកំណើត ដើម្បីរកអនាគត។ ក្រោយពីអ្វីៗ ទទួលបានផ្លែផ្កា វេលាមួយនាំឲ្យនាងនឹករឿងរ៉ាវដែលកើតនៅពីអតីតកាល នឹកអនុស្សាវរីយ៍ នឹកទីធ្លាប់កើត នឹកម្ហូបស្នាដៃម៉ែ។
ខ្លឹមសារនេះ ត្រូវបានភ្ជាប់ជាមួយបទភ្លេងបែបប្រពៃណីពោរពេញដោយមនោសញ្ចេតនា និងប្រលោមអន្ទងកាម៉ាដោយសំឡេងដ៏ស្រឡន់របស់ អ៊ុក សុវណ្ណារី។ បទនេះ ពិតជាមានមន្តលួងលោមបំពេរឲ្យអារម្មណ៍ប្រិយមិត្តអណ្ដែតត្រសែតទៅកាន់អតីតកាលដ៏មានក្ដីសុខជាមួយម៉ែ។
តោះ ទស្សនា និងស្ដាប់ទាំងអស់គ្នា៖
