- 2021-03-16 12:53:22
- ព័ត៌មាន
ពាក្យថា "សូមនាយ ចឺម និងគ្រួសារចាកឆ្ងាយពីកូវីដ" កំពុងធ្វើឲ្យមានការភ្ញាក់ផ្អើលព្រលប់នេះ
- 2021-03-16 12:53:22
- ចំនួនមតិ 0 | ចំនួនចែករំលែក 0
ពាក្យថា "សូមនាយ ចឺម និងគ្រួសារចាកឆ្ងាយពីកូវីដ" កំពុងធ្វើឲ្យមានការភ្ញាក់ផ្អើលព្រលប់នេះ
ចន្លោះមិនឃើញ
មានការភ្ញាក់ផ្អើលមួយឈុលទៀតនៅព្រលប់នេះ ក្រោយមានដំណឹងមួយដែលសង្ស័យថា នាយ ចឺម អាចក្លាយជាសិល្បកររងគ្រោះម្នាក់ទៀតដោយសារមេរោគកូវីដ១៩។
គណនីហ្វេសប៊ុកឈ្មោះ Hun Bunra បានបញ្ចេញពីរឿងនេះ ជាមួយនឹងរូបថតស្ដីពីសកម្មភាពក្រុមគ្រូពេទ្យមួយក្រុមបាន និងកំពុងយកសំណាកលើយុវជនម្នាក់ដែលគេសង្ស័យថាជាតារាចម្រៀងសាន់ដេ។
ការសង្ស័យនេះ ដោយសារតែម្ចាស់គណនីដែលជាសមាជិកក្រុមគ្រូពេទ្យប្រចាំការក្នុងមណ្ឌលចត្តាឡីស័ក នៃមជ្ឈមណ្ឌលអភិវឌ្ឍន៍ជនបទកម្ពុជា-កូរ៉េ បានសរសេរសារជូនពរនាយ ចឺម និងក្រុមគ្រួសារ ថា ៖ "ជូនពរនាយចឺម និងក្រុមគ្រួសារ រួចចាកឆ្ងាយពីការឆ្លងកូវីដ"។
សារខ្លីនេះ និងរូបភាពពីសកម្មភាពរបស់ក្រុមគ្រូពេទ្យប្រយុទ្ធនឹងជំងឺកូវីដ បានធ្វើឲ្យមានការភ្ញាក់ផ្អើលខ្លាំង ព្រមទាំងមន្ទិលសង្ស័យផងដែរ។ ប្រិយមិត្តជាច្រើនបានចោទសួរម្ចាស់គណនីថាតើ នាយចឺម និងក្រុមគ្រួសារបានឆ្លងកូវីដមែនឬមិនមែន?
ជុំវិញបញ្ហានេះ គេឃើញម្ចាស់គណនីបានឆ្លើយបញ្ជាក់ថា រូបភាពដែលប្រិយមិត្តឃើញនោះ គឺជាសកម្មភាពយកសំណាកនាយ ចឺម និងក្រុមគ្រួសារទៅពិនិត្យ។ ចំពោះករណីនេះប្រិយមិត្តមានចម្ងល់ទៀតថា តើអតីតតារាកំប្លែងរបស់ស៊ីធីអិនរូបនេះ មានជាប់ពាក់ព័ន្ធបែបណា ជាមួយអ្នកណា ទើបឈានដល់ការចុះមកយកសំណាកទៅពិនិត្យបែបនេះ។
សំណួរនេះ ម្ចាស់គណនីដដែល ប្រាប់ថាលោកមិនច្បាស់ទេ ប៉ុន្តែទំនងជាតារាចម្រៀងវ័យក្មេង មានពាក់ព័ន្ធនឹងក្រុមតារាដែលបានរកឃើញវិជ្ជមានកូវីដ១៩រួចហើយណាមួយ។ មុនពេលមានរឿងនេះកើតឡើង គេចាំថាអ្នកនាង សេង ចិន្តា ហៅ ស្រីអ៊ីត ជាសមាជិកក្រុមកំប្លែងនាយពែកមីរបស់ស្ថានីយទូរទស្សន័ស៊ីធីអិន និងជាម្ដាយមីងរបស់នាយ ចឺម ត្រូវបានរកឃើញវិជ្ជមានកូវីដកាលពីប៉ុន្មានថ្ងៃមុន។
យ៉ាងណា គេមិនទាន់ដឹងនៅឡើយថា នាយ ចឺម មានជាប់ពាក់ព័ន្ធនឹងករណីរបស់ម្ដាយមីង ឬយ៉ាងណា។ ងាកទៅសាមីខ្លួនតារាចម្រៀងវិញ គេនៅមិនទាន់ឃើញមានចេញមកស្រាយបំភ្លឺណាមួយនៅឡើយនៅព្រលប់ម៉ោង ៧ និង៤១នាទីថ្ងៃទី ១៦ មីនា ២០២១នេះ៕
