/605442abb1d30_1616134800_medium.jpg)
- 2021-03-19 06:25:17
- ព័ត៌មាន
មុន១ម៉ោងទទួលដំណឹងថាភរិយាស្លាប់ លោក ហួរ ឡាវី បានពោលពាក្យដ៏សង្វេគទៅកាន់ភរិយា
- 2021-03-19 06:25:17
- ចំនួនមតិ 0 | ចំនួនចែករំលែក 0
មុន១ម៉ោងទទួលដំណឹងថាភរិយាស្លាប់ លោក ហួរ ឡាវី បានពោលពាក្យដ៏សង្វេគទៅកាន់ភរិយា
ចន្លោះមិនឃើញ
នៅមុន១ម៉ោងទទួលដំណឹងមរណភាពរបស់ភរិយា តារាចម្រៀងជើងចាស់សំឡេងស្អក ហួរ ឡាវី បានពោលពាក្យដ៏អន្លង់អន្លោចពីផ្ទះ ដង្ហោយរកភរិយាដែលកំពុងស្ថិតនៅក្នុងបន្ទប់សង្គ្រោះបន្ទាន់ តាមបណ្ដាញសង្គមFacebook នៅថ្ងៃទី១៩ ខែមីនា នេះ។
លោក ហួរ ឡាវី៖"អូនអើយសូមអូនត្រឡប់មកផ្ទះវិញ បងកំពុងអង្គុយចាំមើលផ្លូវប្រពន្ធទាំងទឹកភ្នែក តស៊ូឡើងអូន សាធុ សាធុ"។
លោក ហួរ ឡាវី ដែលត្រូវរស់នៅបែកគ្នាពីភរិយាក្រោយពីគ្រូពេទ្យជំនាញរកឃើញថាភរិយារបស់លោកបានឆ្លងជំងឺកូវីដ-១៩ ហើយត្រូវយកទៅសម្រាក និងព្យាបាលនៅមន្ទីរពេទ្យប៉ុន្មានថ្ងៃមកហើយនោះ កំពុងទន្ទឹងរង់ចាំផ្លូវភរិយា និងកូនស្រីដែលកំពុងសម្រាកព្យាបាលជំងឺកូវីដ-១៩។
ក្រោយពីទទួលដំណឹងពីមិត្ដរួមអាជីពម្នាក់របស់កូនស្រីលោកថា ភរិយារបស់លោកបានស្លាប់ទៅហើយនោះ គឺលោកមិនទាន់បានបញ្ចេញសារអ្វីថ្មីទៀតទេទាក់ទងនឹងគ្រួសាររបស់លោកនៅថ្ងៃនេះ។
ភរិយារបស់លោក ហួរ ឡាវី ដែលត្រូវជាម្ដាយរបស់តារាចម្រៀង វី ឌីណែត ចាប់ផ្ដើមធ្វើទុក្ខខ្លាំងហើយចូលក្នុងបន្ទប់សង្គ្រោះបន្ទាន់ប៉ុន្មានថ្ងៃហើយ ហើយស្រាប់តែនៅថ្ងៃនេះទទួលបានដំណឹងថា អ្នកស្រីបានទទួលមរណភាពហើយ៕
