- 2021-03-23 01:00:00
- ព័ត៌មាន
តារាស្រីទោល K-Pop ទាំងនេះ ត្រូវបានលើកថាជានារីក្លាហាន ហ៊ានធ្វើអ្វីខុសគេមិនខ្លាចការបរាជ័យ
- 2021-03-23 01:00:00
- ចំនួនមតិ 0 | ចំនួនចែករំលែក 0
តារាស្រីទោល K-Pop ទាំងនេះ ត្រូវបានលើកថាជានារីក្លាហាន ហ៊ានធ្វើអ្វីខុសគេមិនខ្លាចការបរាជ័យ
ចន្លោះមិនឃើញ
ភាពអស្ចារ្យដូចគ្នាប្រចាំវិស័យ K-Pop គឺជាអ្វីដែលទាក់ចិត្តមនុស្សជាច្រើនលាននាក់ទូទាំងពិភពលោក ប៉ុន្តែភាគច្រើនបទចម្រៀងចេញមក មានលក្ខណៈស្រដៀងៗគ្នាទាំងចង្វាក់ និង Style ព្រមទាំងក្បាច់រាំ។
ទោះជាយ៉ាងណា ក៏នៅមានតារាមួយចំនួនព្យាយាមដើរចេញបន្តិចពីរសជាតិ K-Pop ដោយសម្រេចបង្កើតអ្វីថ្មីដោយខ្លួនឯង ជាមួយនឹងភាពជឿជាក់ តាមរយៈការបង្ហាញសារក្នុងបទចម្រៀង រូបភាពផ្សេងៗ និងចរិតដែលស៊ីនឹងអ្វីដែលពួកគេចង់ឲ្យប្លែកពីបទ K-Pop ទូទៅ។ ទាញសរុបមកវិញ តើតារាស្រីណាខ្លះដែលក្លាហានហ៊ានប្រថុយ និងប្រឈមនឹងឧបសគ្គ បង្កើតស្នាដៃថ្មីដែលពួកគេបង្ហាញឲ្យប្លែកពីគេ?
១. CL - អំណាច និងឯករាជ្យ
នេះគឺជាតារា K-Pop នារីដែលមានចិត្តរឹងមាំ និងប្រកាន់ជំហរឯករាជ្យ ហើយតាំងពីក្រុម 2NE1 បំបែកមក CL តែងចាប់យកភាពរឹងប៉ឹង ធ្វើជាតារា K-Pop ដែលមិនខ្លាច មិនចុះញមនឹងពេលលំបាកដាច់ខាត។ នាងតែងតម្រង់ទិសខ្លួនឯង ចាប់យកអ្វីដែលប្លែកពីគេ ធ្វើឲ្យគ្រប់គ្នាភ្ញាក់ផ្អើលខ្លាំងនឹងសមត្ថភាព ក៏ដូចជាអ្វីទាំងឡាយដែលបានបង្ហាញ។ មិនត្រឹមតែគាំទ្រទេ មានតារាខ្លះឈានដល់យកគំរូតាមនាងក្នុងការលេងស្ទីល និងរសជាតិបទចម្រៀងទៀត។
ក្រៅពីនេះ បើនិយាយពីសារក្នុងបទដែលនាងធ្វើនីមួយៗសុទ្ធតែលើកទឹកចិត្ត ឲ្យមានការជឿជាក់លើខ្លួនឯង ព្រមទាំងកុំចុះចាញ់នឹងពាក្យរិះគន់ទាំងអស់ដែលបាញ់មករកយើង។ អ្នកស្អប់នៅតែស្អប់ ធ្វើយ៉ាងណាក៏ពួកគេគ្មានថ្ងៃពេញចិត្ត ដូច្នេះហេតុអ្វីយើងត្រូវខ្វល់? រស់នៅជាខ្លួនយើងល្អជាង គ្មានអ្នកណាអាចបំបាក់យើងបានឡើយ។
២. Jessi - សិចស៊ី និងមានមោទកភាពលើខ្លួនឯង
តារាស្រីរូបនេះជ្រើសយកភាពសិចស៊ីជា Unique ប្រចាំខ្លួន។ Jessi មិនដែលខ្វល់ថានាងត្រូវធ្វើយ៉ាងណាតបចំពោះអ្នកស្អប់ភាពសិចស៊ីនេះទេ ព្រោះជាសិទ្ធិរបស់នាង។ ដូចប្រិយមិត្តមួយចំនួនបានជ្រាបស្រាប់ថា មហាជន ជាពិសេសជនជាតិកូរ៉េមិនចូលចិត្តតារាណាដែលស្លៀកពាក់សិចស៊ីពេកទេ ព្រោះវាបង្ហាញនូវរូបភាពមិនល្អ។ ពួកគេព្យាយាមរិះគន់យ៉ាងចាស់ដៃ ជាពិសេសអ្នកដែលមានស្នាមសាក់ អ្នកនិយាយស្ដីមិនសមរម្យ (ឈ្លើយ) និងអ្នកដែលមានសម្រស់មិនត្រូវស្តង់ដារជាតារាកូរ៉េ។
សម្រាប់ Jessi មិនបានឈឺក្បាលនឹងពាក្យទាំងនោះឡើយ ព្រោះនាងស្គាល់ខ្លួនឯងច្បាស់ នាងគោរពខ្លួនឯង ហើយព្យាយាមធ្វើអ្វីដែលជាខ្លួនឯង និងបង្ហាញអ្វីដែលមានឲ្យអាជីពសិល្បៈ រសជាតិតន្ត្រីបែបបរទេសលាយនឹងកូរ៉េរបស់នាងកាន់តែរះចែងចាំង។
៣. HA:TFELT - ចូលចិត្តធ្វើអ្វីមួយត្រង់ៗ និងមិនចេះរអា
តារាចម្រៀងដែលមានឈ្មោះដើម Ye Eun កាលពីនៅក្រុម Wonder Girls បានអភិវឌ្ឍខ្លួនក្លាយជាតារា K-Pop ទោល ដោយផ្សងវាសនាច្រើនដំណាក់កាលណាស់។ ចំណែកបទចម្រៀងដែលនាងធ្វើ សុទ្ធតែរៀបរាប់ចំៗពីអ្វីដែលនាងបានជួបប្រទះ ទាក់ទងនឹងបទពិសោធជីវិតនៃភាពឈឺចាប់ ការបែកបាក់ ការងើបឈរមើលពិភពលោកជាថ្មី ការពង្រឹងខ្លួនឯងឲ្យរឹងមាំឈរលើវិថីជីវិត និងការជម្នះផ្សេងៗ។
ជាទូទៅតារាចម្រៀង K-Pop តែងបង្ហាញនូវបទចម្រៀង រៀបរាប់ពីការឈឺចាប់ ប៉ុន្តែន័យបញ្ឆិតបញ្ឆៀង ប្លែកអីតែ Ye Eun ព្រោះនាងចូលចិត្តរៀបរាប់ចំៗ និងបង្ហាញនូវអត្ថន័យចាក់ដោតយ៉ាងស៊ីជម្រៅបំផុត។ នាងបានព្យាយាមខ្លាំងដើម្បីរើបម្រះពីស្ថានភាពលំបាកក្នុងជីវិត និងយកអ្វីដែលបានកើតឡើងមកលាតត្រដាងតាមរយៈតន្ត្រី ហើយជាលទ្ធផល វាពិតជាជួយនាងឲ្យជោគជ័យខ្លាំងដូចពេលនេះ៕
ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត
