- 2021-04-19 02:12:56
- ព័ត៌មាន
បណ្ដាំម្ដាយថ្លៃ! ជួបរឿងអកុសលផ្ទួនៗ តែ វី ឌីណែត នៅតែរឹងមាំដោយសារស្ដាប់បណ្ដាំមួយរបស់ម្ដាយ
- 2021-04-19 02:12:56
- ចំនួនមតិ 0 | ចំនួនចែករំលែក 0
បណ្ដាំម្ដាយថ្លៃ! ជួបរឿងអកុសលផ្ទួនៗ តែ វី ឌីណែត នៅតែរឹងមាំដោយសារស្ដាប់បណ្ដាំមួយរបស់ម្ដាយ
ចន្លោះមិនឃើញ
តារាចម្រៀងស្រីប្រចាំនៅផលិតកម្មរស្មីហង្សមាស វី ឌីណែត ហាក់កាត់បន្ថយភាពតានតឹងក្នុងអារម្មណ៍បានច្រើនដោយនាងបានបង្ហាញទឹកមុខស្រស់ស្រាយតាមបណ្ដាញសង្គម បន្ទាប់ពីនាងជួបរឿងអកុសលផ្ទួនៗគ្នាកាលពីខែមុន។
ដុំពពកខ្មៅបានរសាត់បាត់ទៅជាង១ខែ បានធ្វើឲ្យ វី ឌីណែត ទប់អារម្មណ៍ និងមានជំហររឹងមាំឡើងវិញក្នុងការបន្តដំណើរជីវិតសិល្បៈរបស់ខ្លួន។ ទន្ទឹមគ្នានេះ នាងនៅដក់ជាប់នូវបណ្ដាំរបស់ម្ដាយមួយមុនស្លាប់ដែលផ្ដាំនាងជារឿយៗ។
កញ្ញា វី ឌីណែត៖"កើតមកមានរូបគឺមានទុក្ខម៉ាក់តែងតែប្រាប់បែបនេះរហូតមកកូន អីចឹងហើយទោះជាមានរឿងអ្វីកើតឡើងក៏ដោយយើងត្រូវតែរឹងមាំញញឹមរក្សាជំហរ ដើម្បីបន្តដំណើរទៅមុខទៀត"។
រឿងអកុសលដែលនាងបានឆ្លងកាត់ផ្ទួនៗគ្នា ស្ទើរតែធ្វើឲ្យនាងឆ្កួតចិត្តនោះ គឺមានដូចជា៖ រូបនាងផ្ទាល់ត្រូវបានគេរកឃើញថាវិជ្ជមានជំងឺកូវីដ-១៩ បងស្រីបង្កើតពពោះកូន៧ខែ បានឆ្លងជំងឺកូវីដ-១៩ ហើយអ្វីដែលខ្លោចចិត្តបំផុតនោះ គឺម្ដាយស្លាប់ដោយសារជំងឺនេះ នាងមិនបានជួបមុខជាលើកចុងក្រោយ គឺបានត្រឹមតែយំខ្សឹកខ្សួលស្រណោះសពម្ដាយពីចម្ងាយជាមួយលោក ហួរ ឡាវី ដែលជាឪពុកប៉ុណ្ណោះ៕
