- 2021-04-22 00:00:00
- ព័ត៌មាន
សម្រង់សម្ដីតារា K-Pop បង្កប់សារដាស់តឿន ឲ្យប្រឹងដើរទៅមុខបន្ត មិនថាមានអ្វីកើតឡើង
- 2021-04-22 00:00:00
- ចំនួនមតិ 0 | ចំនួនចែករំលែក 0
សម្រង់សម្ដីតារា K-Pop បង្កប់សារដាស់តឿន ឲ្យប្រឹងដើរទៅមុខបន្ត មិនថាមានអ្វីកើតឡើង
ចន្លោះមិនឃើញ
បោះជំហានក្នុងពិភពសិល្បៈកម្សាន្តត្រូវឆ្លងកាត់រឿងរ៉ាវជាច្រើន ស្របពេលតារា K-Pop ភាគច្រើន ចាប់ផ្ដើមអាជីពនេះទាំងវ័យក្មេងខ្ចី។ ទោះបីខ្លះត្រូវជួបបញ្ហាច្រើនរាប់មិនអស់ក៏ពួកគេនៅតែស៊ូ និងតែងធ្វើឲ្យខ្លួនឯងរឹងមាំ ហើយកាន់តែពិសេសគឺ ពួកគេតែព្យាយាមលើកទឹកចិត្តគ្រប់គ្នាឲ្យស៊ូជានិច្ច កុំឲ្យចុះចាញ់នឹងឧបសគ្គទាំងឡាយ។
ខាងក្រោមនេះជាសម្រង់ពាក្យសម្ដីលើកទឹកចិត្តដែលតារា K-Pop ប្រាប់ទៅកាន់អ្នកគាំទ្រ៖
១. Rain
«អ្នកដែលខ្ញុំត្រូវប្រកួតប្រជែងខ្លាំងជាងគេ គឺខ្លួនខ្ញុំ។ ខ្ញុំមិនដើរតាមអ្នកណាទាំងអស់ ហើយក៏មិនផ្ដួលគេដែរ តែខ្ញុំនឹងសាកល្បងសមត្ថភាពដែលខ្ញុំមាន»។
២. Chanyeol (EXO)
«អ្វីដែលកើតឡើងកន្លងមក បន្សល់ទុកនូវរឿងសោកស្ដាយច្រើន ប៉ុន្តែវាក៏មានន័យថាមានរឿងល្អរះត្រដែតនាអនាគតដែរ»។
៣. RM (BTS)
គ្រប់គ្នាឆ្លងកាត់រឿងច្រើនណស់ក្នុងជីវិត។ មានថ្ងៃខ្លះពិបាកចិត្តខ្លាំង ប៉ុន្តែយើងក៏សង្ឃឹមថានឹងមានថ្ងៃល្អមកដល់ ដែលធ្វើឲ្យយើងមានកម្លាំងរស់បន្តទៀត។
៤. Jisoo (BLACKPINK)
«អ្នកជាម្ចាស់ជីវិតនេះ កុំរារែកដោយសារអ្វីមួយ រហូតបាត់បង់ប្រយោជន៍។ ត្រូវផ្ដោតលើខ្លួនរបស់អ្នក»។
៥. Key (SHINee)
«ក្ដីសុបិនរបស់ខ្ញុំ មិនមែនចង់ក្លាយជាមនុស្សអស្ចារ្យឥតខ្ចោះទេ តែខ្ញុំចង់ក្លាយជាមនុស្សម្នាក់ដែលគ្មានអ្វីត្រូវខ្មាសអៀន»។
៦. HyunA
«មានមនុស្សជាច្រើនដែលមិនចូលចិត្តខ្ញុំ មិនថាខ្ញុំធ្វើអ្វីក៏ដោយ។ ខ្ញុំធ្លាប់ឈឹចាប់ដោយសាររឿងនេះកាលពីមុន ប៉ុន្តែខ្ញុំចាប់ផ្ដើមគិតសាជាថ្មី ទើបដឹងថាគ្មានអ្វីខ្ញុំអាចធ្វើបាន ក្រៅពីប្រឹងឲ្យអស់ពីសមត្ថភាពដែលខ្ញុំមាននោះទេ»។
៧. Minzy
«ជ្រើសផ្លូវដើរពិបាក ធ្វើឲ្យយើងពេញចិត្ត និងប្រសើរជាងជ្រើសផ្លូវដើរស្រួល។ ជីវិតពិបាកដោយពេលទេ ហើយវាវិលជុំចុះឡើងឥតឈប់។ ពេលពេលវេលាទាំងនោះកន្លងផុត អ្នកអាចនឹងញញឹមឡើងវិញ ហើយនិយាយថា "ខ្ញុំរស់នៅជាមួយនឹងជីវិតរីករាយ"»។
៨. Sandara Park
«យើងគ្រប់គ្នាសុទ្ធតែមានពេលដែលរូបរាងអាក្រក់ ប៉ុន្តែយើងក៏សុទ្ធតែមានភាពស្រស់ស្អាតផ្ទាល់ខ្លួន ដែលអ្នកផ្សេងគ្មានថ្ងៃមានដូចយើង។»
៩. G-Dragon (BIGBANG)
«ទោះបីស្ថិតក្នុងស្ថានភាពដែលអ្នកដឹងថា អ្នកប្រឹងអស់ពីចិត្តបែបណាក៏ដោយ ពេលខ្លះអ្នកក៏ត្រូវរៀនចេះបណ្ដោយឲ្យរឿងខ្លះឲ្យទៅតាមដំណើរដែរ។»
១០. Wendy (Red Velvet)
«នៅពេលយើងសំឡឹងមើលពិភពលោកជាមួយនឹងភាពស្រស់ស្អាតក្នុងចិត្តអ្នក ចំកន្លែងណាក៏ដោយឲ្យតែអ្នកសំឡឹង នោះអ្នកនឹងឃើញពីភាពស្រស់ស្អាតចេញពីនោះ។»
១១. Jin (BTS)
«នៅពេលអ្វីមួយកើតឡើងមិនទៅតាមអ្វីដែលយើងគិត មិនត្រូវបន្ទោសខ្លួនឯងទេ ប៉ុន្តែជំនួសមកវិញដោយប្រាប់ខ្លួនឯងថា "មិនអីទេ! លើកនេះវាកើតឡើងបែបនេះ អ៊ីចឹងលើកក្រោយខ្ញុំនឹងធ្វើឲ្យបានល្អជាងនេះ មិនអីទេ"។ ម្យ៉ាងបើសិនធ្វើអ្វីមួយហើយបានផល គួរនិយាយថា "ស័ក្តិសមណាស់! ខ្ញុំធ្វើបានល្អ ខ្ញុំមនុស្សល្អ ខ្ញុំពិតជាអស្ចារ្យ" ការយល់ឃើញបែបនេះ ខ្ញុំសង្ឃឹមថាអ្នកទាំងអស់គ្នាស្រឡាញ់ខ្លួនឯងឲ្យបានច្រើនៗ។»
១២. Tiffany Young (Girls' Generation)
«មិនថាមានអ្នកណាម្នាក់មកប្រាប់អ្នកឲ្យធ្វើបែបនេះ បែបនោះឡើយ បើសិនអ្នកជឿលើខ្លួនឯង នោះអ្នកពិតជាអាចធ្វើអ្វីគ្រប់យ៉ាងបាន។»
ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត
