ទស្សនាវដ្ដី TIME បាន​លើកសរសើរ និងផ្ដល់នាម​ឲ្យក្រុមហ៊ុន HYBE ថា ជា​ក្រុមហ៊ុនដែល​មាន​ឥទ្ធិពល​បំផុតប្រចាំឆ្នាំ ២០២១ ក្នុងចំណោមក្រុមហ៊ុនធំៗជាង ១០០។

តារាងរបស់ «ក្រុមហ៊ុនដែលមាន​ឥទ្ធិពលជាងគេទាំង ១០០» ឬ «100 Most Influential Companies» បាន​បែងចែកជា ៥ក្រុម មាន Pioneers, Leaders, Innovators, Titans, និង Disruptors។ ដោយទស្សនាវដ្ដី TIME បានជ្រើសរើសយ៉ាងហ្មត់ចត់នូវស្ថាប័នខុសៗគ្នា​ជា​ច្រើនរួមមាន វិស័យសុខាភិបាល មធ្យោបាយធ្វើដំណើរ សិល្បៈកម្សាន្ត និងផ្សេងទៀត។ បន្ទាប់មកទស្សនាវដ្ដីដដែលក៏បានវិភាគ និងវាយតម្លៃក្រុមហ៊ុនទាំងនោះ ដោយផ្អែកលើ ការប្រាស្រ័យទាក់ទងផ្សេងៗ មហិច្ឆតា ភាពជាអ្នកដឹកនាំ ផលប៉ះពាល់ និងភាពជោគជ័យជាដើម។

ក្រុមហ៊ុនដែល​ត្រូវបាន​ជ្រើសរើស និងដាក់បញ្ចូលតាមផ្នែកនីមួយៗនោះមាន៖

Leaders: NBA, Twitter, Sony, Johnson & Johnson

Innovators: Nintendo, Netflix, Zoom, Ikea, Adidas

Titans: Amazon, Google, Walmart, Tencent, Disney

Disruptors: DoorDash, OnlyFans, Robinhood, Tesla, GoFundMe

Pioneers: Savage X Fenty, Roblox, Headspace, Beyond Meat, និងក្រុមហ៊ុន K-Popដ៏ធំ HYBE

បន្ទាប់ពីសាងជោគជ័យច្រើនឆ្នាំមកនេះ HYBE ដែលជាផ្ទះរបស់ BTS បាន​វិវត្តខ្លួន​ហក់ឡើង​យ៉ាងត្រដែតលើឆាកអន្តរជាតិ ហើយកាន់តែពិសេសកាលពីពេលថ្មីៗក្រុមហ៊ុនអាមេរិក Ithaca Holding ដែលជាជម្រករបស់ Justin Bieber និង Ariana Grande ក៏បានចូលរួមជាមួយនឹង HYBE ដែរ៕

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត