- 2021-05-07 08:20:50
- ព័ត៌មាន
ស្ថិតក្នុងកាលៈទេសៈដ៏លំបាកហើយ សួស វីហ្សា នៅឆ្លៀតបង្កើតបរិយាកាសរីករាយ ហើយជូនកាដូយ៉ាងគាប់ចិត្ដស្វាមីទៀត
- 2021-05-07 08:20:50
- ចំនួនមតិ 0 | ចំនួនចែករំលែក 0
ស្ថិតក្នុងកាលៈទេសៈដ៏លំបាកហើយ សួស វីហ្សា នៅឆ្លៀតបង្កើតបរិយាកាសរីករាយ ហើយជូនកាដូយ៉ាងគាប់ចិត្ដស្វាមីទៀត
ចន្លោះមិនឃើញ
តារាចម្រៀងស្រីរបស់ផលិតកម្មរស្មីហង្សមាស សួស វីហ្សា បានផ្ដល់កាដូដ៏អស្ចារ្យមួយដល់ស្វាមីក្នុងថ្ងៃខួបកំណើតរបស់ស្វាមីនាងឆ្នាំ២០២១ នេះ។ ដោយសារតែវិបត្ដិជំងឺកូវីដ-១៩ ហើយនាងក៏ជាជនរងគ្រោះម្នាក់ដោយសារជំងឺនេះដែរនោះ នាងបានប្រកាសប្រាប់គេឯងថាឆ្នាំនេះនាងគ្មានកាដូអ្វីក្រៅពីកូនស្រីជាទីស្រឡាញ់ជូនស្វាមីឡើយ។
កាលពីថ្ងៃទី៥ ខែឧសភា គឺជាថ្ងៃខួបកំណើតរបស់លោកTommy ដែលជាស្វាមីរបស់នាង ត្រូវបានធ្វើឡើងយ៉ាងស្ងៀមស្ងាត់នៅក្នុងផ្ទះ ហើយនៅក្នុងរូបថតដែលសាមីខ្លួនបង្ហោះតាមបណ្ដាញសង្គមនោះ គេឃើញមានតែស្វាមីនាង កូនស្រី និងរូបនាងផ្ទាល់ ព្រមទាំងសមាជិកគ្រួសារពីរបីនាក់ប៉ុណ្ណោះ។
សួស វីហ្សា៖"កាដូដែលអូនជូនប្តីសំរាប់ឆ្នាំនេះគឺពិសេសលើសលុបជាងរាល់ឆ្នាំ ព្រោះឆ្នាំនេះអូនបានកាដូកូនស្រីដ៏សែនCuteម្នាក់អោយបង"។
តារាចម្រៀងរូបនេះបញ្ជាក់ថា ខួបកំណើតរបស់ស្វាមីនាងឆ្នាំនេះ គឺមានតែសមាជិកគ្រួសារប៉ុន្មាននាក់ប៉ុណ្ណោះ ព្រោះរូបនាង និងក្រុមគ្រួសារបានអនុវត្តយ៉ាងខ្ជាប់ខ្ជួននូវវិធានការការពារ និងទប់ស្កាត់ការឆ្លងរីករាលដាល នៃជំងឺកូវីដ-១៩ គឺ៣កុំ និង៣ការពារ៕