អ្នកគាំទ្រដឹង​ច្បាស់ពេក​ទៅហើយថា​ទំនាក់ទំនង​របស់​សមាជិក BTS ទាំង ៧ ស្និទ្ធ​នឹងគ្នា​កម្រិតណា ហើយក្នុង​នោះ​អ្នកណាៗក៏បាន​ជ្រាប​ដែរថា​ Jin និង Jungkook ស្រឡាញ់គ្នាយ៉ាងណា។ ជាការពិតណាស់ កាល Jungkook ឈាន​ជើងចូល​ទីក្រុងសេអ៊ូល លោកទើប​មាន​អាយុ ១៤ឆ្នាំ​ប៉ុណ្ណោះ ហេតុនេះហើយទើប Jin ឧស្សាហ៍និយាយថា​ខ្លួនគឺជា​ចិញ្ចឹម Jungkook រហូតដល់ធំ។

មិនត្រឹម​តែប៉ុណ្ណោះ Jungkook ក៏ធ្លាប់​បាន​និយាយ​កាលពីមុនដែរថា អ្នកដែល​លោក​ចង់ត្រូវការបំផុតពេលទៅសាលាគឺ Jin។ នេះក៏ព្រោះ​តែ Jin អាច​បើកឡានជូនទៅមកបាន។ បន្ថែម​ពីលើ​នេះ​ ពេល​ធ្វើអ្វី​មួយ បងប្អូន ១គូនេះតែងនៅជិតគ្នា ធ្វើជាមួយគ្នា ហើយជាឧទាហរណ៍ជាក់ស្ដែងតែម្ដង គឺជួយធ្វើម្ហូបគ្នា ដូចក្នុងកម្មវិធី BTS In The Soop អ៊ីចឹង។ ពេល​ថត​រូបលេងជាក្រុម ភាគច្រើនគឺ Jungkook អង្គុយលើភ្លៅបងៗ ហើយអ្នកដែលលោកអង្គុយពីលើញឹកជាងគេគឺបងធំ Jin។

ទំនាក់ទំនង​បងប្អូន​គេ​ទាំង ២ធ្វើឲ្យអ្នកគាំទ្ររំភើបចិត្តណាស់ ព្រោះភាពស្និទ្ធស្នាលពេលនេះ​មិនមែន​ក្នុងនាមជាមិត្តរួមក្រុមចម្រៀងទេ ប៉ុន្តែគឺដូចជា​បងប្អូន​បង្កើតរួមផ្ទៃតែមួយដែរ។ ក្នុងនាម​ជាបង Jin ធ្វើបាន​ល្អណាស់ លោកតែងមើលថែប្អូនៗ មិនមែនត្រឹម​តែ Jungkook ទេ គឺសមាជិកទាំងអស់។ ឯ Jungkook ក៏ជា​ប្អូន​ល្អ ស្ដាប់បង្គាប់ ហើយបើទោះជាលោកធំពេញ​កំលោះយ៉ាងណា ក្មេងប្រុសម្នាក់នេះ​នៅតែជាប្អូនពៅសំណព្វរបស់បងៗ និងនៅតែទទួលបានក្ដីស្រឡាញ់ ការមើលថែពីបងៗទាំង ៦ជារៀងរហូត។

ពាក្យ ១ឃ្លាដែលអ្នកគាំទ្រឧស្សាហ៍និយាយនោះគឺ Jin ពិតជាចិញ្ចឹម Jungkook មែន គឺលោកចិញ្ចឹមមើលថែប្អូនម្នាក់នេះ ឲ្យក្លាយជាមនុស្សល្អ និងឲ្យធ្វើជាមិត្តដ៏ល្អបំផុតរបស់លោកក្នុងជីវិតនេះ៕