ធ្លាប់បាក់ទឹកចិត្តរហូតចង់សម្លាប់ខ្លួន គឺជាផ្នែកមួយនៃរឿងពិត ១០យ៉ាងរបស់ Kitty Chicha

2021-05-28 06:35:59
ព័ត៌មាន

2021-05-28 06:35:59
ចំនួនមតិ 0 | ចំនួនចែករំលែក 0

ចន្លោះមិនឃើញ

សន្ទុះនៃការគាំទ្រចំពោះតារាថៃ Kitty Chicha ឬគ្រប់គ្នាស្គាល់ច្បាស់ថាជា Nanno ពីក្នុងរឿង «Girl From Nowhere» ពិតជាមិនធម្មតាឡើយនៅពេលនេះ។ ប៉ុន្តែទម្រាំមានថ្ងៃនេះ ជីវិតពិតរបស់នាងក៏មិនមែនដើរលើផ្លូវស្រួលដែរ ព្រោះ Kitty បានជួបរឿងច្រើនណាស់ក្នុងជីវិត។ ដើម្បីស្គាល់តួស្រី Nanno កាន់តែច្បាស់ សូមមកដឹងរឿងពិត ១០ចំណុចរបស់នាង៖

១. Kitty Chicha កើតនៅថ្ងៃទី០៥ ខែសីហា ឆ្នាំ១៩៩៣ នៅក្នុងទីក្រុងបាងកក ប្រទេសថៃ។

ឈ្មោះ Kitty គឺឪពុកជាអ្នកដាក់ឲ្យ មិនមែននាងដាក់ដោយខ្លួនឯងទេ។ បើតាមការបញ្ជាក់ក្នុងកម្មវិធី Loukgolf’s English Room តារាស្រីរូបនេះបានបកស្រាយថា៖ «នៅពេលម៉ាក់ កើតខ្ញុំ ប៉ាពេលនោះនៅជប៉ុននៅឡើយទេ ហើយពេលគាត់ត្រឡប់មកវិញ គាត់ក៏ខំរកមើលកាដូទិញឲ្យកូន។ ពេលនោះប៉ាដឹងថា Hello Kitty ពិតជាពេញនិយមខ្លាំង ដូចនេះគាត់ក៏សម្រេចថា ល្អណាស់បើដាក់ឈ្មោះនេះឲ្យក្មេងស្រី»។ ដូចនេះទើបឈ្មោះ Kitty ត្រូវបានជ្រើសជាឈ្មោះរបស់កូនបែបនេះ។

២. និយាយពីការសិក្សា Kitty ក៏រៀនបានខ្ពស់មិនធម្មតាដែរ ដោយទទួលបានក្រិតក្រមសិក្សាថ្នាក់វិទ្យាល័យ ក្រោមកម្មវិធីសិក្សា ចក្រភពអង់គ្លេស British Curriculum (IGCSE) នៅអាយុ ១៥ឆ្នាំ តាំងពីមុនពេលនាងចូលរៀនថ្នាក់ឧត្តមសិក្សានៅមហាវិទ្យាល័យ Faculty of Business Assumption University និង Faculty of Law Ramkhamhaeng University។

៣. ឃើញទើបល្បីៗឥលូវមែន ប៉ុន្តែ Kitty ចូលសិល្បៈចូលដែរតាំងពីឆ្នាំ ២០១០ ដែលដំបូងគឺជាតារាចម្រៀងក្នុងក្រុម Kiss Me Five ដោយមានតាំងពី Bow Maylada, Bam Pakakanya, Gail Natcha និង Mild Krittiya ជាដើម។

៤. តាមពិត Kitty មានជំនាញច្រើន មិនមែនត្រឹមតែសម្ដែង និងច្រៀងរាំទេ ព្រោះនាងក៏មានជំនាញក្នុងការសរសេរ Script ដែរ។

៥. Kitty ធ្លាប់ដកខ្លួនចេញពីបណ្ដាញសង្គមដល់ទៅជិត១ខែ ព្រមទាំងធ្លាប់គិតចង់សម្លាប់ខ្លួនដោយសារបាក់ទឹកចិត្ត

មូលហេតុដែលនាងផ្អាកលេងបណ្ដាញសង្គម ដូចជា Instagram ជាដើមនោះគឺ ដោយសារនាងចង់សម្រាកពីអ្វីគ្រប់យ៉ាង ជាពិសេសមិនចង់ឃើញអ្វីដែលអ្នកលេងបណ្ដាញសង្គមបង្ហោះពីនេះពីនោះ។ ធ្វើបែបនេះនាងមានអារម្មណ៍ថាបានសម្រាកខួរក្បាល ព្រោះមិនចង់ស្មុគស្មាញដោយសារអ្វីដែលបានកើតឡើងលើបណ្ដាញសង្គម។ ម្យ៉ាង វាក៏ផ្ដល់ផលល្អបំផុតដល់នាង ព្រោះនាងមិនចាំបាច់ឆែកទូរសព្ទញឹក ហើយចំណាយពេលសម្រាប់ខ្លួនឯងដូចជា លេងជាមួយឆ្មា ឬមើលរឿងលើ Netflix និងធ្វើអ្វីផ្សេងទៀតដែលមិនអាចរំខានអារម្មណ៍។

យ៉ាងណាមិញក៏មានពេលមួយនាងធ្លាប់តូចចិត្ត និងបាក់ទឹកចិត្តខ្លាំង ដោយសារតែបណ្ដាញសង្គម និងដោយសារសម្ដីអ្នកលេងបណ្ដាញសង្គម។ ពាក្យខ្លះធ្វើឲ្យនាងគិតច្រើនរហូតចង់សម្លាប់ខ្លួន ព្រោះទាំងអ្វីដែលបានកើតឡើង និងអ្នកដែលចាំថាឲ្យនាងបំបាក់នាងសាហាវពេក។ ប៉ុន្តែក្រោយមក Kitty ក៏បានគិតសាជាថ្មី ព្យាយាមបន្តជីវិតជាមួយនឹងរឿងល្អៗ និងបំភ្លេចចោលនូវអតីត ឬ រឿងរ៉ាវដែលមិនល្អសម្រាប់នាងកាលពីមុន ហើយយ៉ាងហោចណាស់ ក៏នៅមានអ្នកស្រឡាញ់នាងពិតប្រាកដដែរ។

៦. ចរិតពិតរបស់ តួស្រីក្នុងរឿង «Girl From Nowhere» រូបនេះគឺជាមនុស្សម្នាក់ដែលពូកែលេងសើច ញ៉ោះគេឯង (ប៉ុន្តែចំពោះអ្នកដែលនាងស្និទ្ធជាមួយប៉ុណ្ណោះ) ហើយពេលខ្លះនាងក៏ពូកែលេងសើចឈឺៗដែរ។ ប៉ុន្តែជារួមនាងគឺជាមនុស្សរួសរាយ និងចូលចិត្តបង្កបរិយាកាសរីករាយ។

៧. ក្នុងមួយជីវិតនេះ Kitty មិនចូលចិត្តអ្នកណាដែលមានអំនួតលើខ្លួនឯងជ្រុលពេកទេ។ នាងមានអារម្មណ៍ថាពិបាកណាស់ ពេលត្រូវរាប់អានមនុស្សបែបនេះ ព្រោះពួកគេគិតតែពីខ្លួនឯងមិនចេះគិតដល់អ្នកដទៃ។

៨. ពាក្យមួយឃ្លាដែល Kitty ចង់និយាយទៅកាន់អ្នកគ្រប់គ្នាគឺ ធ្វើជាខ្លួនឯង បើទោះបីថ្ងៃណាមួយមានអ្នកចង់បំបាក់អ្នកក៏ដោយក៏មិនអាចទៅរួចដែរ ព្រោះអ្នកមានភាពអស្ចារ្យជាខ្លួនឯងស្រាប់ហើយ។