ការពិត ១០យ៉ាងចេញពីទម្លាប់ជាប្រពៃណីប្រចាំពិភព K-Pop

2021-06-01 09:06:18
ព័ត៌មាន

2021-06-01 09:06:18
ចំនួនមតិ 0 | ចំនួនចែករំលែក 0

ចន្លោះមិនឃើញ

សន្ធឹកនៃការគាំទ្រវិស័យ K-Pop ពិតជាមិនមែនជារឿងធម្មតាទេនាពេលបច្ចុប្បន្ននេះ។ ចំនួនអ្នកគាំទ្រកើនឡើងឥតឈប់ អាស្រ័យលើបទចម្រៀង និងក្បាច់រាំ ផ្សំនឹងការបង្ហាញសមត្ថភាពផ្សេងៗ ក៏ដូចជារឿងរ៉ាវពីក្រោយជាច្រើន។

ងាកមកពេលនេះ សូមបង្ហាញជូននូវការពិត ១០យ៉ាងពីក្នុងវិស័យនេះ ដែលសុទ្ធតែបានកើតឡើងកន្លងមកជាច្រើនឆ្នាំ។

១. ថ្លៃក្នុងការហ្វឹកហាត់

សំដៅដល់ទុនដែលផលិតកម្ម ឬក្រុមហ៊ុននីមួយៗបានចំណាយសម្រាប់តារាក្មេងៗដែលទើបសម្រិតសម្រាំងមកថ្មីៗ។ នេះមានន័យថា Trainee ដែលទើបជាប់បានចូលផលិតកម្មនោះ មិនបាច់ត្រូវចំណាយទេ ហើយវគ្គសិក្សាដែលពួកគេទទួលបានមាន រាំ ច្រៀង ភាសា និងជំនាញផ្សេងទៀត។ ប៉ុន្តែបើសិនជា Trainee ណាសម្រេចបញ្ចប់ការហ្វឹកហាត់នោះ គេនឹងត្រូវសងថ្លៃទាំងប៉ុន្មានមកឲ្យក្រុមហ៊ុនវិញ។

នៅពេលណាបានចេញមុខហើយ ក៏ដូចជាអាចរកលុយបានលើកដំបូង តារាទាំងនោះនឹងត្រូវបែងចែកចំណូលជាមួយនឹងក្រុមហ៊ុន។ ជាឧទាហរណ៍ JYP បានបែងចែកលុយដែលរកបានជាមួយនឹងតារាៗ ៥០ភាគរយម្នាក់។

២. បញ្ហាអាយុ

នៅប្រទេសកូរ៉េ អាយុត្រូវបានលើកមកគិតមុនគេបង្អស់។ នៅពេលណាដែលនិយាយពីរៀមច្បងណាម្នាក់ អ្នកត្រូវប្រើភាសាសមរម្យ និងផ្លូវការ លើកលែងនិយាយជាមួយអ្នកដែលមានអាយុប្អូន ឬសិស្សប្អូនជំនាន់ក្រោយប៉ុណ្ណោះទើបអាចនិយាយវាយស្មើបាន។

៣. Comeback

ពេលត្រូវ Comeback ម្ដងៗ តារា K-Pop ត្រូវរវល់ខ្លាំងបំផុត ព្រោះត្រូវទទួលការងារច្រើន ទាំងផលិតបទចម្រៀង និងការងារបន្ទាប់ពី Comeback ផ្សេងទៀតដូចជាបង្ហាញមុខលើកម្មវិធីផ្សេងៗទាំងក្នុង និងក្រៅស្រុក។

៤. ការជ្រើសរើសតារា

មានរឿងកើតឡើងផ្សេងៗគ្នាក្នុងពិភព K-Pop ទាក់ទងនឹងការជ្រើសរើសតារាម្ដងៗ ហើយតារាៗក៏ជួបបទពិសោធខុសៗគ្នាដែរ។

-Minho (SHINee) ត្រូវបានគេជ្រើសរើសនៅ Resort លេងស្គីមួយកន្លែង តែពេលនោះលោកបដិសេធ។ ទោះជាយ៉ាងណា អ្នកចាត់ការរបស់ SM ជាប់ចិត្តពេក ក៏ខំតាម Minho គ្រប់កន្លែង តាំងពីសាលាដល់ផ្ទះ រហូតលោកយល់ព្រម។

-Sehun (EXO) កំពុងតែញ៉ាំ Tteokboki យ៉ាងឆ្ងាញ់មាត់ ស្រាប់តែត្រូវអ្នកចាត់ការរបស់ SM តាមប្រកិត។ Sehun ដែលកាលនោះនៅក្មេងពេក ណាមួយភ័យខ្លាចមនុស្សប្លែកមុខផងក៏ខំរត់ចេញយ៉ាងលឿន។ ប៉ុន្តែដោយសារការខិតខំប្រឹងប្រែងរបស់អ្នកចាត់ការរបស់ SM ទើប Sehun ព្រមនៅទីបំផុត។

-Sana (TWICE) ត្រូវបានគេចាប់អារម្មណ៍និងជ្រើសមកធ្វើជាតារា ពេលនាងកំពុងដើរផ្សារទិញឥវ៉ាន់។ គ្រាន់តែដឹងថាក្នុងក្រុមហ៊ុននោះមាន Idol សំណព្វចិត្តរបស់ខ្លួននាងក៏យល់ព្រម។

៥. Fanchants

Fanchants ឬអាចហៅបានថាជាសម្រែកបន្ទររបស់ក្រុមអ្នកគាំទ្រ ដែលបន្លឺឡើងពេលតារាៗសម្ដែងម្ដងៗនោះ គឺសុទ្ធតែមានចង្វាក់ខុសៗគ្នាពីមួយក្រុមទៅមួយក្រុម។

៦. ការគាំទ្ររបស់ Fan

នេះជារឿងសំខាន់បំផុត ហើយបើគ្មានចំណុចនេះទេ ក្រុមចម្រៀង ឬតារាដែលបង្ហាញមុខប្រាកដជាឈរជើងមិនបានយូរទេ។ Fansites ឬបណ្ដាញសង្គមដែលបង្កើតឡើងក្នុងបំណងគាំទ្រតារា K-Pop គឺជាមធ្យោបាយដ៏សំខាន់បំផុតក្នុងវិស័យនេះ។ ពេលខ្លះក្រុមអ្នកគាំទ្រក៏បានបង្កើតជាក្រុម និងប្រមូលលុយធ្វើការងារមួយចំនួនដើម្បីប្រកាសពីដំណឹង Comeback ឬគម្រោងអ្វីមួយរបស់ Idol។ ខ្លះទៀតធ្វើជាផ្ទាំងបដាគាំទ្រ អំឡុងពេលប្រគុំតន្ត្រីពេល Fan Meeting ពេលខួបកំណើត Idol ផ្ទាំងពាណិជ្ជកម្មផ្សេងៗ។

៧. Fandom

Fandomសំដៅដល់ក្រុមអ្នកគាំទ្ររបស់ Idol ម្នាក់ ឬ១ក្រុម ហើយឈ្មោះក្រុមនីមួយៗដែលត្រូវបានបង្កើតឡើងពិតជាមានន័យសម្រាប់ Idol និងអ្នកគាំទ្រណាស់។

៨. របស់របររបស់ K-Pop

នេះសំដៅដល់សម្ភារៈទាំងឡាយរបស់ K-Pop តាំងពីអាល់ប៊ុម រូបភាព និងទំនិញផ្សេងទៀតដែលអាចធ្វើឲ្យហោប៉ៅរបស់ Fan រលុង ប៉ុន្តែវាជារឿងមានន័យបំផុតសម្រាប់ Fan ដែលពិតជាស្រឡាញ់តារារបស់ខ្លួនពិតៗ។ ដូចនេះពួកគេមិនស្ដាយក្នុងការចំណាយទេ។

៩. Streaming

រាល់ពេល Idol ចេញបទចម្រៀងថ្មីម្ដងៗ ក៏មានន័យថាវីដេអូបទចម្រៀងផ្លូវការនឹងត្រូវបង្ហាញមុខលើ YouTube ដែរ ហើយពេលនោះហើយដែលក្រុមអ្នកគាំទ្រនាំគ្នា Stream គោលបំណងដើម្បីកេណ្ឌបានចំនួនចូលមើល ឬ View ឲ្យបានច្រើន ជាហេតុអាចនាំតារារបស់ពួកគេឡើងដល់ចំណុចកំពូលបាន។

១០. ក្រៀមភាសារបស់ K-Pop