- 2021-06-02 08:27:00
- ព័ត៌មាន
រឿងពិត ចាន់ ឡៃវលក្ខណ៍! នាង ធ្លាប់រងសម្ពាធផ្លូវចិត្ត និងផ្លូវកាយយ៉ាងដំណំមុនបានឈរនឹងលើអាជីពចម្រៀង
- 2021-06-02 08:27:00
- ចំនួនមតិ 0 | ចំនួនចែករំលែក 0
រឿងពិត ចាន់ ឡៃវលក្ខណ៍! នាង ធ្លាប់រងសម្ពាធផ្លូវចិត្ត និងផ្លូវកាយយ៉ាងដំណំមុនបានឈរនឹងលើអាជីពចម្រៀង
ចន្លោះមិនឃើញ
តារាចម្រៀងស្រីសំឡេងធំ ចាន់ ឡៃវលក្ខណ៍ រំលឹករឿងរ៉ាវឈឺចាប់របស់ខ្លួនកាលពី៦ឆ្នាំមុន គ្រាដែលនាងចូលប្រឡូកក្នុងវិស័យសិល្បៈដំបូង។ នាងថា មិនថាឡើងអ្នកដទៃ សូម្បីបងប្អូន មិត្ដសិល្បៈរួមជំនាន់ក៏មើលងាយនាងដែរ ដោយអ្នកខ្លះដៀលនាងថា"មីកូនអនាថា អត់ម៉ែ អត់ឪ...មីខ្មៅ និងមីភ្នែកម្នាស់ជាដើម"។
ចាន់ ឡៃវលក្ខណ៍ បានសរសេរសារដ៏វែងអន្លាយមួយនៅលើគណនីFacebook របស់ខ្លួននៅរសៀលថ្ងៃទី២ ខែមិថុនា នេះថា បន្ថែមលើការដៀលត្មះដល់គ្រួសារ មានមិត្ដខ្លះចំអកថា ទោះបីស្លាប់ក៏មិនយកនាងដែរ ហើយអ្នកខ្លះបានយកខ្សែទាក់ក ហើយយកកាតាបរបស់នាងទៅបោះចោលក្នុងធុងសំរាមទៀត៖"ទង្វើ និងការនិយាយបែបឡកឡឺយ ខ្ញុំទាំងអស់រយៈពេល៥ឆ្នាំហើយ"។
ចំពោះមិត្ដសិល្បៈរួមជំនាន់វិញ រៀមច្បងសិល្បៈបានធ្វើឲ្យនាងខ្លាចឡើងបាក់។ ក្មេងទើបប្រឡូកសិល្បៈដំបូងអត់បានទទួលការបង្ហាត់បង្រៀនបន្ថែមពីសិល្បកររៀមច្បងទេ ផ្ទុយទៅវិញបែរជាផ្ដល់មេរៀនយ៉ាងចាស់ដៃអោយខ្ញុំចងចាំអស់មួយជីវិត៖"ខ្ញុំឈរច្រៀងទាំងញ័រជើង ហើយស្រក់ទឹកភ្នែក...ចាំបានកាលហ្នឹងច្រៀងបទឆាឆាទេ តែហូរទឹកភ្នែក"។
ចាន់ ឡៃវលក្ខណ៍ ពោលថា កូនស្រីម្នាក់ដែលកើតក្នុងត្រកូលអ្នកក្រ គ្រាន់តែលឺក៏គេមិនរាប់មុខផង គ្រួសារនាងធ្លាប់អត់ដល់ថ្នាក់រកអង្ករច្រកឆ្នាំងគ្មាន ទើបនាងសម្រេចចិត្តចេញធ្វើការតាំងពីអាយុ១៦ឆ្នាំ ហើយបានជួបរឿងដូចដែលបានរៀបរាប់ខាងលើ។ បច្ចុប្បន្ននាងបានប្រសើរច្រើនហើយដោយសារតែការប្រឹងប្រែង និងជម្នះគ្រប់ឧបសគ្គ។ នាងថា កើតមកក្រមិនមែនជាកំហុស តែបើស្លាប់ទៅវិញនៅតែក្រនោះទើបជាកំហុស៕