- 2021-06-15 06:37:15
- ព័ត៌មាន
ឡូយបាត់ មានរបាយការណ៍ថា ប្រុសស្អាត Park Seo Joon នឹងហក់ចូលទៅក្នុងពិភព Marvels
- 2021-06-15 06:37:15
- ចំនួនមតិ 0 | ចំនួនចែករំលែក 0
ឡូយបាត់ មានរបាយការណ៍ថា ប្រុសស្អាត Park Seo Joon នឹងហក់ចូលទៅក្នុងពិភព Marvels
ចន្លោះមិនឃើញ
តាមរបាយការណ៍ថ្មីៗបានឲ្យដឹងថា តារាសម្ដែង Park Seo Joon នឹងចូលរួមជាមួយខ្សែភាពយន្តស្ថិតក្នុងខ្សែសង្វាក់ផលិតកម្មរបស់ផលិតកម្មធំ Marvel របស់អាមេរិក ដោយចូលរួមជាមួយតារាស្រី Brie Larson។
យោងតាមរបាយការណ៍ផ្ដាច់មុខរបស់ Star News បានឲ្យដឹងថា Park បានបញ្ចប់ការចរចាជាមួយក្រុមការងារ Marvels រួចហើយ ក្រោយពីបានសំណើឲ្យចូលរួមពីផលិតកម្មដ៏ធំរបស់អាមេរិកមួយនេះថ្មីៗ។ ប្រសិនបើមិនមានអ្វីប្រែប្រួលទៀតថា Park Seo Joon និងចាកចេញពីប្រទេសកូរ៉េខាងត្បូងឆ្ពោះទៅសហរដ្ឋអាមេរិកសម្រាប់ការងារនេះនៅរង្វង់ពាក់កណ្ដាលត្រីមាសទី២ឆ្នាំ ២០២១។
Park ត្រូវគេរាយការណ៍ថានឹងចូលរួមជាមួយតារាអាមេរិក Brie Larson ដែលសម្ដែងជាតួអង្គ Captain Marvel និង Teyonah Parris សម្ដែងជាតួអង្គ Monica Rambeau។ ប៉ុន្តែមិនមានរបាយការណ៍អ្វីដែល Park Seo Joon ត្រូវសម្ដែងនោះទេ។
ចំពោះបញ្ហាខាងលើ ពេលមានការសាកសួរ ភ្នាក់ងារ Awesome ENT របស់តារាប្រុស សុំមិនធ្វើការអធិប្បាយនោះឡើយ។ ពួកគេឆ្លើយតបថា "មិនមានអ្វីត្រូវនិយាយទេ"។ តាមព័ត៌មាន ខ្សែភាពយន្តរបស់ Marvelsដែលសង្ស័យមានវត្តមាន Park Seo Joon នេះ បានកំណត់វេលាដាក់បញ្ចាំងរួចហើយ គឺចុងឆ្នាំ ២០២២ ឯណោះ៕
