- 2021-06-30 10:00:29
- ព័ត៌មាន
កូនភ្លោះទាំងបីរបស់អតីតតារាសម្ដែង ជុំ ស៊ីថា ទទួលបានសញ្ជាតិអាមេរិកហើយ
- 2021-06-30 10:00:29
- ចំនួនមតិ 0 | ចំនួនចែករំលែក 0
កូនភ្លោះទាំងបីរបស់អតីតតារាសម្ដែង ជុំ ស៊ីថា ទទួលបានសញ្ជាតិអាមេរិកហើយ
ចន្លោះមិនឃើញ
អាយុមិនទាន់បាន១ខួបផង កូនភ្លោះទាំងបីរបស់អតីតតារាសម្ដែងប្រុស ជុំ ស៊ីថា ទទួលបានសញ្ជាតិអាមេរិកបាត់។ លោក ស៊ី ស៊ីថា បានប្រកាសដំណឹងនេះនៅរសៀលថ្ងៃទី៣០ ខែមិថុនា ឆ្នាំ២០២១ បន្ទាប់ពីលោក និងភរិយាបីកូនទាំងបីចូលទៅសម្ភាសន៍យកសញ្ជាតិបរទេសនេះភ្លាម។
អតីតតារាសម្ដែងលោក ជុំ ស៊ីថា ដែលបានរៀបការជាមួយភរិយាជាអាណិកជនខ្មែររស់នៅសហរដ្ឋអាមេរិករូបនេះ បានបង្ហោះរូបថតជាច្រើនសន្លឹកដោយភ្ជាប់ជាមួយសារថា៖"ថ្ងៃនេះយកកូនភ្លោះទាំងបីមកសម្ភាសន៍យកសញ្ជាតិអាមេរិក។ លោកថា ទទួលបានជោគជ័យហើយក៏ឆ្លៀតថតរូបប៉ុន្មានសន្លឹក"។
បន្ទាប់ពីការប្រកាសដំណឹងសម្ភាសន៍យកបានសញ្ជាតិអាមេរិក សម្រាប់កូនភ្លោះទាំងបី មានសំណួរជាច្រើនពីអ្នកគាំទ្រ ដោយអ្នកខ្លះចង់ដឹងថាតើលោក និងគ្រួសារ នឹងចេញទៅរស់នៅអាមេរិក? ប៉ុន្ដែលោកបានឆ្លើយតបដោយខ្លីថាមិនទាន់ដឹងនៅឡើយទេ។
លោក ជុំ ស៊ីថា និងភរិយា ទទួលបានចំណងដៃកូនភ្លោះបីនាក់ កាលពីចុងឆ្នាំ២០២០។ តាមពិតលោក និងភរិយា មានកូនស្រី និងប្រុសច្បងចំនួន២រួចទៅហើយ ហើយលោកធ្លាប់ប្រាប់Sabay ថារូបលោកសម្រេចឈប់យកកូនត្រឹមប្រាំនាក់នេះហើយ។
លោកថា សំណាងដែរដែលចិត្ដលោកចង់បានកូនចំនួនប្រាំនាក់ ហើយយកតែបីដងគ្រប់ប្រាំនាក់ ព្រោះលោកអាណិតភរិយាពេលឆ្លងទន្លេម្ដងៗ ហើយម្យ៉ាងភរិយារបស់លោកមាឌតូចទៀតធ្វើឲ្យនាងលំបាកសម្រាល៕