នៅមុននេះបន្តិចតាមរយៈទំព័រហ្វេសប៊ុកផ្លូវការ Universe pageant បានឱ្យដឹងថាបវរកញ្ញាចក្រវាល ២០២០ ស្រីស្អាតរាងតូចច្រឡឹង រ៉េត សារីតា ទទួលបានតំណែងខ្ពង់ខ្ពស់ សិក្ដសមខ្លាំងបំផុតពីក្រសួងកិច្ចការនារី។

មហាជន ជាពិសេសអ្នកគាំទ្រពិតភ្ញាក់ផ្អើល និងរីករាយយ៉ាងខ្លាំងបន្ទាប់ពី Miss Cambodia 2020 កញ្ញា រ៉េត សារីតា ត្រូវបានក្រសួងកិច្ចការនារី ផ្ដល់តួនាទីយ៉ាងសំខាន់ជាអង្គរាជសុឆន្ទៈ ដោយទំព័រ ហ្វេសប៊ុកផ្លូវការ Universe pageant បានទម្លាយរូបមួយសន្លឹកបញ្ជាក់ពីក្រដាសចុះកិច្ចព្រមព្រាងរវាង សារីតា នឹងក្រសួងកិច្ចការនារី។

យោងតាមសមត្ថភាព ចំណេះខ្ពង់ខ្ពស់ នឹងភាពប៉ិនប្រសប់ អង់អាចខ្លាំងក្លារបស់នាង សារីតា ពិតជាសិក្ដសមទទួលបានតួនាទីសំខាន់មួយនេះ។ ដោយឡែកនៅក្នុងលិខិតបានបញ្ជាក់ថា សារីតា នឹងត្រូវទទួលបន្ទុកការងារក្នុងការផ្សព្វផ្សាយ ការលើកកម្ពស់សមភាពយេនឌ័រ និងបង្កើតភាពអង់អាច ដល់ស្ត្រីប្រកបដោយបរិយាបន្នក្នុងព្រះរាជាណាចក្រកម្ពុជា។

យ៉ាងណាមិញជុំវិញរឿង សារីតា ទទួលតួនារីយ៉ាងសំខាន់ជាអង្គរាជសុឆន្ទៈ ក្រសួងកិច្ចនារី នេះសាមីខ្លួន មិនទាន់បញ្ចេញសកម្មភាព ឬឆ្លើយតបយ៉ាងណានោះទេសម្រាប់តួនាទីនេះ ខណៈក្រុមការងារ Sabay កំពុងព្យាយាមទាក់ទងសុំបទសម្ភាសពីកញ្ញា។ សម្រាប់ព័ត៌បន្ថែម នឹងជម្រានជូននៅពេលបន្ទាប់៕