មិត្តភាពពិតជារឿងសំខាន់បំផុតក្នុងជីវិតរស់នៅប្រចាំថ្ងៃ​នេះ មិនថាអ្នកណាៗសុទ្ធតែប្រាថ្នាចង់បាន​មិត្តល្អ ដើម្បីធ្វើឲ្យជីវិតពួកគេ​កាន់តែ​មានភាព​ស្រស់បំព្រង។ ដូចតារា​ប្រុស​ K-Pop ខាងក្រោម​នេះ​ជា​ដើម ផ្ដើម​ចេញពី​អ្នកស្គាល់​គ្នា​ធម្មតា រហូត​ពួកគេ​មាន​និស្ស័យបាន​ជួប​នឹង​មនុស្ស​ម្នាក់​ដែល​មាន​ចិត្តគំនិត​ដូចគ្នានឹង​ពួកគេ ហើយទំនាក់ទំនង​ល្អ​ក៏បាន​នាំឲ្យពួកគេ​ក្លាយជា​បងប្អូន​ល្អ៖

១. Donghae និង Eunhyuk (Super Junior)

នេះគឺជា​ក្រុម​តារា​ប្រុស​ស្ថិតនៅ​ជំនាន់ទី ២​ប្រចាំ​វិស័យ K-Pop ហើយ​អ្នកទាំងពីរពិតជា​ស្រឡាញ់គ្នា​ណាស់ តាំងពីមិនទាន់ចេញមុខលើសិល្បៈរួមគ្នា រហូត​ហែល​ឆ្លងរឿងរ៉ាវជា​ច្រើន ទម្រាំឈរ​ជើង​រឹង​មាំ​លើ​វិថី​នេះ​រួមគ្នា។​

២. Kang Daniel និង Ong Seong Wu (Wanna One)

បើគិត​តាំង​ពី​នៅ​ជា​បេក្ខជន​ក្នុង​កម្មវិធី "Produce 101 Season2” អ្នកណា​ក៏ដឹង​ថា​ពួកគេ​ ស្រឡាញ់គ្នា​យ៉ាងណា​ដែរ ប្រៀបដូចបងប្អូន ហើយកត្តានេះពិតជា​ធ្វើឲ្យហ្វេនពេញចិត្តណាស់។

៣. Suho និង Sehun (EXO)

ទំនាក់ទំនងរវាង​ Leader និង Maknae មួយគូ​នេះប្រៀបដូចឆ្មាកណ្ដុរ។ ពួកគេ​តែង​តែ​លេង​សើចដាក់គ្នា ចូលចិត្តធ្វើបាបគ្នា ប៉ុន្តែ​ក៏ខ្វល់បារម្ភពីគ្នា​ហួសនិស្ស័យដែរ។

៤. Jimin និង V (BTS)

អាយុក៏ស្របាល​គ្នា ចរិត​ក៏មិនសូវខុសគ្នា ហើយសុទ្ធតែជា​មនុស្សចូលចិត្តលេងសើចដូចគ្នា​ផង រឿង​អ្វី​ដែល​ថា​ Jimin និង V មិនសម​ធ្វើជាបងប្អូនល្អ​នឹងគ្នា? អ្នកទាំង ២​តែង​នៅក្បែរគ្នា ពើងទ្រូង​ការពារគ្នា និង​ធ្វើជាខ្នងបង្អែកឲ្យគ្នា​គ្រប់ពេល។ ​

៥. Yeosang និង Wooyoung (ATEEZ)

អ្នកទាំងពីរ​សុទ្ធ​តែ​ជាអ្នក​ដែល​បាន​ទទួល​ការ​បណ្ដុះបណ្ដាលពីផលិតកម្ម Big Hit (បច្ចុប្បន្ន HYBE)។ តារា​ប្រុស​ទាំង ២​ក៏ស្រឡាញ់គ្នា​ខ្លាំង​ដែរ ហើយស្និទ្ធ​នឹងគ្នា​ប្រៀបដូចបងប្អូន​ម្ដាយតែមួយ​ទៅហើយ។

៦. BamBam និង Yugyeom (GOT7)

ប្អូនពៅទាំង ២​របស់ GOT7 ក៏ត្រូវ​បាន​គេ​សរសើរនឹងក្ដី​ស្រឡាញ់​ដែលពួកគេ​ផ្ដល់ឲ្យគ្នា​ដែរ។ ត្បិតពេល​នេះ​ពួកគេ​ស្ថិតក្រោម​ក្រុមហ៊ុន​ផ្សេង​គ្នា ដើម្បី​សាង​អនាគតថ្មី ប៉ុន្តែ​ពួកគេ​នៅ​តែ​ជា​ក្រុម​តែមួយដដែល។

៧. Doyoung និង Jungwoo (NCT)

នេះគឺជាអតីតអ្នកហ្វឹកហាត់ក្នុង​ផលិតកម្ម SM តែ​បច្ចុប្បន្ន​ពួកគេ​គឺ​ជា​តារា​ល្បី​ប្រចាំផលិតកម្ម។ មូលហេតុចម្បងដែល​នាំឲ្យពួកគេ​ក្លាយជា​បងប្អូន​ល្អ ក៏ដោយសារមានចំណូលចិត្តដូចគ្នា តែ​នៅក្បែរលើកទឹកចិត្តគ្នាជានិច្ចរាល់ពេល​មាន​បញ្ហា៕