- 2021-12-07 03:06:36
- ព័ត៌មាន
ម្ដាយបង្កើត Thuy Tien បវរកញ្ញា MGI 2021 មិនចង់ឲ្យកូនល្បីទេ ព្រោះកាន់តែខ្ពស់កាន់តែទុក្ខច្រើន
- 2021-12-07 03:06:36
- ចំនួនមតិ 0 | ចំនួនចែករំលែក 0
ម្ដាយបង្កើត Thuy Tien បវរកញ្ញា MGI 2021 មិនចង់ឲ្យកូនល្បីទេ ព្រោះកាន់តែខ្ពស់កាន់តែទុក្ខច្រើន
ចន្លោះមិនឃើញ
បន្ទាប់ពីកម្មវិធីធំ នៃការប្រកួតជ្រើសរើស បវរកញ្ញា Miss Grand International 2021 បានបញ្ចប់ កម្មវិធីក៏បានរកឃើញនូវម្ចាស់មកុដប្រចាំឆ្នាំ គឺបវរកញ្ញាវៀតណាម Nguyen Thúc Thuy Tiên។
ក្រោយពេលដឹងលទ្ធផលភ្លាម គ្រប់គ្នា ជាពិសេសអ្នកតាមដានកម្មវិធីដែលដឹងប្រវត្តិពិតរបស់នាងមួយចំនួន ពិតជាចង់ដឹងពីប្រតិកម្មរបស់ម្ដាយបង្កើតរបស់នាងខ្លាំងណាស់ ថាតើអ្នកស្រីមានអារម្មណ៍យ៉ាងណាពេលកូនជាប់តំណែងកំពូលបែបនេះ?
ក្រុមការងារខាងអ្នកសារព័ត៌មានវៀតណាម Kenh14 ក៏បានសម្ភាសជាមួយនឹងម្ដាយបង្កើតរបស់បវរកញ្ញាកើតឆ្នាំ ១៩៩៨ រូបនេះដែរ ហើយខ្លឹមសារពីកិច្ចសន្ទនាមានដូចខាងក្រោម៖
អ្នកព័ត៌មាន៖ តើអ្នកស្រីមានអារម្មណ៍យ៉ាងណាដែរ ពេលកូនបានជាប់ការប្រកួតបវរកញ្ញាបែបនេះ?
ម្ដាយ Thuy Tiên៖ ក្នុងនាមជាម្ដាយ ខ្ញុំពិតសប្បាយចិត្តណាស់ ហើយមានមោទកភាពទៀត។ ខ្ញុំក៏មានអារម្មណ៍ថា Thuy Tiên សំណាងណាស់។ លើសពីនេះ ខ្ញុំក៏ចង់ថ្លែងអំណរគុណដល់គ្រប់គ្នាដែលបានជូនដំណើរ Thuy Tiên ក្នុងការចូលរួមកម្មវិធី គឺជួយឲ្យនាងសម្រេចក្ដីស្រមៃនេះយ៉ាងជោគជ័យ។
អ្នកព័ត៌មាន៖ ពេល Thuy Tiên ត្រូវបានគេហៅថាបវរកញ្ញា ឆ្នាំ ២០២១ តើវាជាពេលអស្ចារ្យសម្រាប់អ្នកស្រីឬអត់?
ម្ដាយ Thuy Tiên៖ ពេល Thuy Tiên គ្រងមកុដ ភ្លាម ពេលហ្នឹងខ្ញុំមិនអាចទប់ទឹកភ្នែកបានទេ។ មានបងប្អូននៅពេញផ្ទះមកឱបគ្នា ហើយយំព្រោះតែរំភើបពេក។
អ្នកព័ត៌មាន៖ ពេល Thuy Tiên ចូលសិល្បៈ តើអ្នកស្រីគាំទ្រ ឬប្រឆាំងនឹងការសម្រេចចិត្តរបស់នាង?
ម្ដាយ Thuy Tiên៖ ខ្ញុំស្រួលទេ ជាពិសេសខ្ញុំក៏តែងស្របតាមការសម្រេចចិត្តរបស់កូនដែរ។ ខ្ញុំមិនបានហាមឃាត់អីទេ។ វាជារឿងសំខាន់ដែល Thuy Tiên ធ្វើនូវអ្វីដែលនាងចូលចិត្ត ហើយចេញពីការតាំងចិត្ត។ ប៉ុន្តែគ្រប់យ៉ាងដែលកើតឡើង យើងត្រូវតែប្រឈមមុខ។ វាប្រៀបដូចយើងកំពុងនៅលើទូកធំ ហើយត្រូវប៉ះនឹងរលកធំៗ។ប៉ុន្តែបើជាអ្វីដែលយើងជ្រើសដើរហើយ យើងត្រូវតែទទួលយករឿងលំបាកទាំងនោះ។ ក្នុងនាមជាម្ដាយ ខ្ញុំត្រឹមចង់ឲ្យកូនរស់នៅដោយក្ដីសុខ សប្បាយតរីករាយក្នុងជីវិត ហើយត្រឹមចង់ឲ្យកូនក្លាយជាមនុស្សសាមញ្ញៗ ហើយក៏មិនដែលដេកប៉ងឲ្យកូនឡើងធំអីដែរ ព្រោះក្នុងជីវិត បើកាលណាកាន់តែខ្ពស់ នោះសម្ពាធ និងបញ្ហាកើតមានចំពោះមុខក៏កាន់តែមានច្រើនដែរ អ៊ីចឹងហើយខ្ញុំមិនចង់ឲ្យកូនត្រូវរងទុក្ខច្រើនពេកទេ។ ប៉ុន្តែទោះជាយ៉ាងណា ផ្លូវត្រូវដើរនៅមុខ យើងមើលមិនទាន់ឃើញ ដូច្នេះទោះមានរឿងអីក៏ដោយ ចាត់ទុកថាជាមេរៀន ហើយខ្ញុំនឹងផ្ដល់កម្លាំងចិត្តឲ្យកូនកាន់តែច្រើនរហូត៕