- 2021-12-27 03:18:08
- ព័ត៌មាន
ចំនួន Rating រឿង «Snowdrop» ត្រូវធ្លាក់ចុះយ៉ាងគំហុក ស្មានមិនដល់ពេលផ្សាយដល់ភាគទី៣
- 2021-12-27 03:18:08
- ចំនួនមតិ 0 | ចំនួនចែករំលែក 0
ចំនួន Rating រឿង «Snowdrop» ត្រូវធ្លាក់ចុះយ៉ាងគំហុក ស្មានមិនដល់ពេលផ្សាយដល់ភាគទី៣
ចន្លោះមិនឃើញ
ដោយសារបញ្ហាចម្រូងម្រាសច្រើនពេក ធ្វើឲ្យរឿង «Snowdorp» របស់ទូរទស្សន៍ JTBC ត្រូវធ្លាក់ពិន្ទុ ឬធ្លាក់ចំនួន Rating ចុះយ៉ាងគំហុក។
ផ្អែកតាមសេចក្ដីរាយការណ៍ បានឲ្យដឹងថា រឿងភាគរបស់ JTBC ដែលមាន Jisoo (BLACKPINK) និង Jung Hae In ជាតួឯកនេះបានប្រឈមនឹងបញ្ហាជាច្រើន ដោយសារសាច់រឿងជាប់ពាក់ព័ន្ធធ្ងន់នឹងប្រវត្តិសាស្ត្រ ជាហេតុនាំឲ្យមហាជនមួយចំនួននាំគ្នាចុះហត្ថលេខាលើញត្តិគាំទ្រ ឲ្យឈប់ចាក់ផ្សាយរឿងនេះ។ រហូតដល់ពេលនេះមានព័ត៌មានបញ្ជាក់ថា ចំនួនទស្សនាក៏ត្រូវធ្លាក់ចុះទៅតាមនោះដែរ។ បន្ទាប់ពីភាគពិសេសដែលបានផ្សាយកាលពីថ្ងៃសុក្រ សប្ដាហ៍មុន ភាគទី៣ របស់រឿង ក៏រឹតតែធ្លាក់ចុះចំនួន Rating ដល់ទៅ ១,៨៥៣ភាគរយ។ នៅថ្ងៃទី២៥ ខែធ្នូ ចំនួន Rating ធ្លាក់ចុះដល់ ១,៦៨៩ភាគរយ។
មតិមួយចំនួនបានលើកឡើងខុសៗគ្នា ដោយខ្លះនិយាយថា៖
- «ពួកគេគួរតែឈប់ចាក់ផ្សាយទៅ»
- «ចុះបើធ្លាក់អ្នកមើលដល់ ០ភាគរយគិតម៉េច?»
- «មើលដល់ភាគទី ២ ខ្ញុំរំភើបហ្មង តែដល់ចូលភាគថ្មី ការរំពឹងទុករបស់ខ្ញុំត្រូវរលាយ»
- «ខ្ញុំគិតថាសាច់រឿងអាចនឹងធ្វើឲ្យអ្នកទស្សនាពិបាកយល់បន្តិច បើសិនអត់មាន Subtitle»
- «ទឹកមុខតួៗដូចមិនទាន់សមនឹងសាច់រឿងនៅឡើយទេ»
- «ខ្ញុំគិតថា តួសម្ដែងទាំង ២សម្ដែងសមគ្នាណាស់»
- «មិនគួរណាមានរឿងបែបនេះសោះ»
- «ទោះយ៉ាងណា សម្រាប់ខ្ញុំគិតថារឿងនេះល្អមើល»
- «រឿងនេះកម្សត់ពេកហើយ T_T»
- «បើកុំតែជាប់ពាក់ព័ន្ធនឹងប្រវត្តិសាស្ត្រ ពីវិវាទក្នុងប្រទេស កុំអីរឿងនេះនឹងផ្ទុះការគាំទ្រខ្ពស់មិនខាន»៕