អាច​និយាយបាន​ថា​នេះគឺជាជោគជ័យ​មិនធម្មតា សម្រាប់ភាពយន្តខ្នាតធំ «Spider-Man: No Way Home» ដែលមាន​សមត្ថភាពខ្ពស់រកចំណូល​បាន​ដល់ទៅ ១ពាន់លានដុល្លារ ហើយនេះ​ក៏ជា​ចំនួនចំណូល​ដែល​ច្រើន​មិនធ្លាប់មាន​ពីមុនមកដែរ ពិសេស​ស្ថិតក្នុងអំឡុង​សម័យ​នៃការផ្ទុះ​មេរោគឆ្លងកូវីដ១៩ទៀត។

«Spider-Man: No Way Home» បាន​យកឈ្នះភាពយន្តខ្នាតធំចិន «The Battle of Lake Changjin» ដែល​រក​បាន​ត្រឹម ៩០៥លានដុល្លារ នៅជុំវិញពិភពលោក។

យ៉ាងណា​មិញ ងាក​ទៅ​រឿង​ដែលអាចរកចំណូល​បាន​ច្រើនដល់ខ្ទង់ពាន់លានដុល្លារនេះចុងក្រោយគេ គឺ​រឿង «Star Wars: The Rise of Skywalker» ដែល​ជោគជ័យ​បំបែក​កំណត់ត្រាអស្ចារ្យកាល​ពីឆ្នាំ ២០១៩។ នេះ​បើតាម​ការឲ្យដឹងពី Comscore។ មួយវិញទៀត ចាប់តាំងពី​ផ្ទុះនៃការរីករាលដាលនូវមេរោគឆ្លងដ៏សាហាវ កូវីដ១៩ មិនទាន់​មាន​រឿងណាអាច​ទទួល​ជោគជ័យ​អស្ចារ្យខ្លាំងលើ Box Office ទេ​រយៈពេល​ជាង ២ឆ្នាំនេះ ហើយទើបតែវត្តមាន «Spider-Man: No Way Home» លេចរូបរាងមក ក៏ស្រាប់តែមាន​ការភ្ញាក់ផ្អើល​តែម្ដង៕