- 2021-12-30 04:35:31
- ព័ត៌មាន
ឥទ្ធិពលសាហាវ! ឈុត Jiminពាក់ថតឲ្យ Vogue Korea ពេលនេះលក់ដាច់ខ្ទេចគ្មានសល់
- 2021-12-30 04:35:31
- ចំនួនមតិ 0 | ចំនួនចែករំលែក 0
ឥទ្ធិពលសាហាវ! ឈុត Jiminពាក់ថតឲ្យ Vogue Korea ពេលនេះលក់ដាច់ខ្ទេចគ្មានសល់
ចន្លោះមិនឃើញ
ផលិតផលរបស់ Louis Vuitton (LV) ដែល Jimin បានពាក់ថតសម្រាប់លេខចេញផ្សាយឆ្នាំ ២០២២ ឲ្យ Vogue Korea ត្រូវបានលក់ដាច់អស់នៅបណ្ដាប្រទេសច្រើនលើពិភពលោក។
នៅថ្ងៃទី០៦ ខែធ្នូ ឆ្នាំ២០២១ Vogue Korea និង GQ Korea បានចេញផ្សាយនូវវីដេអូ និងរូបភាព Teaser សម្រាប់គ្របមុខទស្សនាវដ្ដី លេខថ្មីចេញផ្សាយនៅខែមករា ឆ្នាំ២០២២។
លេខចេញផ្សាយដែលបោះពុម្ពពិសេសរបស់ Vogue Korea មានគម្របចំនួន ៣ផ្សេងគ្នា ជាមួយនឹង ១០៥ ទំព័រ ដែលពោរពេញទៅដោយរូបភាព បទសម្ភាស និងអត្ថន័យនៅពីក្រោយស្នាដៃទាំងអស់របស់ BTS។ ទន្ទឹមនឹងនេះ ការបោះពុម្ពពិសេសរបស់ GQ Korea ត្រូវបានផលិតឡើងជាគម្របចំនួន ៨ ផ្សេងគ្នា រួមទាំង Version សមាជិកម្នាក់ៗ និង Version ជាក្រុម។
បន្ទាប់ពីចេញផ្សាយជាផ្លូវការ សង្កេតឃើញថា អាវធំ និង ខ្សែក ដែល Jimin ពាក់ពេលថតឲ្យ "Vogue Korea" ត្រូវបានលក់ដាច់អស់រលីង នៅក្នុងប្រទេសយ៉ាងហោចណាស់ ២១ ជុំវិញពិភពលោក រួមទាំង សហរដ្ឋអាមេរិក កាណាដា អ៊ីតាលី នូវែលសេឡង់ ប្រេស៊ីល អូស្ត្រាលី អារ៉ាប៊ីសាអូឌីត និងបណ្ដាប្រទេសច្រើនទៀត។
តាមការស្រាវជ្រាវ អាវម៉ាក Louis Vuitton នេះមានតម្លៃ ៩,៧៤ លានវ៉ុន (ប្រហែល ៨ ២១២ ដុល្លារ) ស្របពេល ខ្សែកមានតម្លៃ ១,៤១ លានវ៉ុន (ខ្ទង់ ១ ១៩០ ដុល្លារ)។
លើសពីនេះ ស្បែកជើងប៉ាតាមួយគូដែលមានតម្លៃ ១,៦១ លានវ៉ុន (ខ្ទង់១ ៣៦០ ដុល្លារ) ក៏ត្រូវបានលក់អស់គ្រប់ទំហំដែរ នៅក្នុងប្រទេសចំនួន ៤ ដូចជា សហរដ្ឋអាមេរិក កាណាដា ចិន និង ជប៉ុន។
សបញ្ជាក់យ៉ាងច្បាស់ថា ឥទ្ធិពលរបស់ Jimin (BTS) ពិតជាមិនធម្មតាឡើយ នាពេលបច្ចុប្បន្ននេះ៕